ಮಗನ ಪಾತೆರೊ
ಎಣ್ಪ ವರ್ಷದ ಪಿರಾವುಡು ಉಡುಪಿ(ಶಿವಳ್ಳಿ) ಕಲ್ಸಂಕದ ಕೈತಲ್ ಒಂಜಿ ಸಾಮಾನ್ಯ ಕುಟುಂಬೊಡು ಬತ್ತಿನ (೧೬-೨-೧೯೨೩), ಅರೆನ ಸಮಕಾಲಿನೆರ್ ಲೆಪ್ಪಿನಲೆಕ್ಕ, "ಬೂದೆರ್" ಕಡಿಯಾಳಿದ ಕ್ರಿಶ್ಚಿಯನ್ ಹೈಸ್ಕೂಲುಡು ಓದುದು, ಅದಗದ ಮೆಟ್ರಿಕ್ ಪಾಸ್ ಮಲ್ತಿನಾರ್. ದಿ| ಡಾ| ಕು.ಶಿ.ಹರಿದಾಸ್ ಭಟ್ರು ಎನ್ನ ಕ್ಲಾಸ್‌ಮೇಟ್ ಆದಿತ್ತೆರ್ ಇಂದ್ ಖುಶಿಟ್ ಪಣೊಂದಿತ್ತೆರ್, ಮೆಟ್ರಿಕ್‌ಡ್ದ್ ಬೊಕ ಸರ್ಕಾರಿ ಗುಮಾಸ್ತೆರಾದ್ ಅದಗದ ಮಡ್ರಾಸ್ ರಾಜ್ಯದ ಸೇವೆಗ್ ಸೇರಿಯೆರ್. ಕೊಯಮುತ್ತೂರುಡು,ಕುಡಲಡ್ ಮತಾ ಬೇಲೆ ಮಲ್ತೆರ್, ಭಾಷಾವಾರು ರಾಜ್ಯ ವಿಂಗಡನೆ ಆಯಿಬೊಕ, ಮೈಸೂರು ರಾಜ್ಯದ ಕೃಷಿ ಇಲಾಖೆಡ್ ಕುಡಲೊಡು ಸೆರಿಯರ್, ಕೃಷಿ ಇಲಾಖೆದ ತೋಟಗಾರಿಕೆ, ಮಂಣು ಸಂರಕ್ಷಣೆ ವಿಭಾಗೊಲೆಡ್ ಬೆಲೆ ಮಲ್ಲೆರ್, ಮಡಿಕೇರಿ, ಮುಗು, ಮೈಸೂರು, ಚಿತ್ರದುರ್ಗ-ಇಂಚ ಬೇತೆ ಬೇತೆ ಊರುಲೆಗ್ ವರ್ಗವಾದ್ ಪೋದ್ ಬೆಂದ್‌ದ್ ಬತ್ತೆರ್. ೧೯೮೦ಡ್‌ ಮೈಸೂರುಡು ನಿವೃತ್ತರಾಯೆರ್.
ಮೈಸೂರು, ವಿದ್ಯೆ ಕಲ್ಪುನಕಲೆಗ್ ದೇವಿ ಸರಸ್ವತಿನ ಅಪ್ಪೆ-ಇಲ್ಲ್ ದ ಲೆಕ್ಕಂತಿನ ಊರು. ಮೇರ್ ನಿವೃತ್ತರಾಯಿ ಬೊಕ್ಕ ವಿದ್ಯಾಸಕ್ತಿಡಾತ್ರಾ, ಮೈಸೂರು ವಿಶ್ವವಿದ್ಯಾನಿಲಯದ ಮುಕ್ತ ವಿಶ್ವವಿದ್ಯಾನಿಲಯ ಯೋಜನೆಡ್, ಎಂ.ಎ(ಇಂಗ್ಲೀಷ್) ಡಿಗ್ರಿನ್ ಮಲ್ತೆರ್. ಭಾಷಾವಿಜ್ಞಾನೊಡು, ಮಾತೃಭಾಷೆ ತುಳುತ ಅಧ್ಯಯನೊಡ್ ಆಸಕ್ತಿ ಇತ್ತಂಡ್, ಮೈಸೂರುದ ಗ್ರಂಥಾಲಯಲೆಡ್ ಅಯಿಕ್‌ ಸಂಬಂಧಪಟಿನ ಪುಸ್ತಕೊಲೆನ್ ಓದಿಯೆರ್, ಓದಿನೆನ್ ಟಿಪ್ಪಣಿ ಮಲ್ತೊಂಡೆರ್. ಅಂಚೆನೇ, ವ್ಯಾಕರಣ ಅಧ್ಯಯನ ಮಲ್ತ್‌ದ್ ಅವೆನ್ ತುಳುಟೇ ಬರೆಪಿನ ನಿರ್ಧಾರಮಳ್ತೆರ್, ಮೆರೆಗ್ ಬ್ರಿಜೆಲೆರೆನ ವ್ಯಾಕರಣ ಓದರೆ ತಿಕ್ದುಪ್ಪು.ಆಂಡಾ, ತುಳುವೆ ಬರೆತಿನ ಎಸ್.ಯು.ಪಣಿಯಾಡಿಯೆರೆನ "ತುಳು ವ್ಯಾಕರಣ" (೧೯೩೨)ದ ಪ್ರತಿ ಓದರೆ ತಿಕ್‌ದುಪ್ಪಂದ್‌, ಅಂಚೆನೇ ತುಳುತ ಅಮೂಲ್ಯ ಆಸ್ತಿ, 'ತುಳು ನಿಘಂಟು" ಅದಗ ಸಂಪೂರ್ಣವಾಗಿತ್ತಿಜಿ, ಆರ್ ಬರೆವೊಂದಿಪ್ಪುನಗ ಯಾನ್ ಕುಡಲೊಡು ಬೇಲೆಗ್ ಸೇರ್ದಿತ್ತೆ. ಯಾನ್ ಎನ್ನ ಪಿಎಚ್‌ಡಿ (ಭೂವಿಜ್ಞಾನ) ಪೂರ್ಣಮಲ್ಪುನ ಬೆಳ್ಳೂಡಿತ್ತೆ ಎನ್ನ ಮೆಗ್ಗೆ ರಾಜೇಂದ್ರೆ ಆಯನ ಪಿಎಚ್‌ಡಿ (ಪ್ರಾಣಿಶಾಸ್ತ್ರ) ಪ್ರಬಂಧ ಬರೆವೊಂದಿತ್ತೆ ಅದಗ ಅಮ್ಮೇರ್ ಎಂಚಿನ ಬರೆವೊಂದುಲ್ಲೆರ್ ಇಂದ್ ತೂಪಿನ ಪುರ್‌ಸೊತ್ತು ಜೋಕುಲೆಗ್ ಇತ್ತಿಜಿ. ಆರ್ ತನ್ನ ಪ್ರಬಂಧ ಬರೆದ್‌ (೧೨-೪-೧೯೮೦), ಮುದ್ರಣಮಲ್ಪುನ ಇರಾದೆಡ್‌ ಮೈಸೂಡ್ಡ ದೋಸ್ತಿಲೆನ ಪ್ರೆಸ್ಸಿಲೆಗ್ ತಿರ್ಗೊಂದಿತ್ತೆರ್. ದಾದಾ ಸಮಸ್ಯೆಲು ಬತ್ತ್ಂಡಾ ದಾನಾ, ಅದಗ, ಇತ್ತೆದಲೆಕ್ಕ, ಮುದ್ರಣ ವ್ಯವಸ್ಥೆಗ್ ಕಂಪ್ಯೂಟರುಲು ಬತ್ತುದಿತ್ತ್ ಜಾ. ಮುದ್ರಣೊಗು ಅಚ್ಚಿಮೊಳೆಜೋಡಣೆ ಒಂಜೆ ವಿಧಾನವಿತ್ತಿನಿ, ಮೈಸೂರ್ದ ಕನ್ನಡ ಊರುಡು ತುಳುಭಾಷೆದ ಅಕ್ಷರ ಮೊಳೆ ಜೋಡಣೆ ಭಂಗವಾದುಪ್ಪು, ಒಟ್ಟಾರೆ,
4 ತುಳು ಪಾತೆರೂ
