ತುಳು ಕನ್ನಡ ಸಂಪರ್ಕವಿತ್ತಿನವು ಸಾಧ್ಯ. ಕೇಶಿರಾಜನ ಅಪಭ್ರಂಶ ಪ್ರಕರಣೀನು ತೂವನಗ ಪ್ರಾಕೃತ ವ್ಯಾಕರಣದ ಪ್ರತಿಬಿಂಬನೊ ಇನ್ಸಿನ್ ಲೆಕ್ಕೊ ಉಂಡು ಇತ್ತೆರ್ ಡಾ|ಎ.ಎನ್.ಉಪಾಧ್ಯಯರ್, ಮಹಾರಾಷ್ಟ್ರ, ಪ್ರಾಕೃತದ ಉತ್ತಮರೂಪ ಇಂದ್ದ್ ಮಹಾಕವಿ ದಂಡಿ ಕಾವ್ಯದರ್ಶನೊಡು ತೆರಿಪಾವೆ. ಪ್ರಾಕೃತ(ಅಪಭ್ರಂಶ) ಜನಮಾನಿನ ಪಾತೆರೊ ಆದಿತ್ತ್ದ್ ಗ್ರಾಂಥಿಕ ವಾನ ಕಾಲೊಡು ಸಂಸ್ಕೃತದ ಪ್ರಭಾವ ಪಡೆತ್ತದುಂಡು. ಈ ಷ ಧ್ವನಿಮೆಲು 1.73 ಪ್ರಾಕೃತದ ಧ್ವನಿಮೆಲು ಪಾಅದ ಲೆಕ್ಕೊ ಶ ಸಕಾರವಾಪಾ, ಕೆಲವು ಸರ್ತಿ ಆಕಾರೊಗು ಬದಲಾಪಿನವಿಲಾ ಉಂಡು. ಉದಾ:- ಷಟ್ಟದ(ಸಂ.)= ಛಪ್ಪಯ(ಪ್ರಾ.) ಅಕಾರ ಆಕಾರ ಯಕಾರವಾಪಿನವು. ಯಶ್ರುತಿ ಇನ್ಸಿ ವೈಶಿಷ್ಟಲಾ ತೆರಿಪಾವೆರ್ ಡಾ| ಉಪಾದ್ಯಯರ್‌, ತುಳುವ ಕನ್ನಡೊಡು ಇಂಚಿನ ಯಶ್ರುತಿವಾಪಿನ ರೂಢಿ ಉಂಡು. ತುಳುತ ಏನ್>ಯಾನ್, ಎಂಕುಳು >ಯೆಂಕುಳು, ಕನ್ನಡೊಡು ಆರ್>ಯಾರ್, ಆವನ್>ಯಾವನ್ ಇತ್ಯಾದಿ. ನನ ಒಂಜಿ ವೈಶಿಷ್ಟ್ಯ ಟ, ಠ > ಡ, ಢ ಆಪಿನವು, ತುಳು-ಕನ್ನಡೊಡು ಈ ರೂಪಾಂತರೊಲು ದಿಂಜ, ದ್ರಾವಿಡದ ಆಟ್ (to cook) >ಅಡ್, ಅಡು ಆಪುಂಡು. ಪ್ರಾಕೃತಭಾಷೆಡ್ ಸಂಸ್ಕೃತದ ವ್ಯಂಜನಾಂತ ಶಬ್ದಲು ಸ್ವರಾಂತವಾಪಿನವು ನನ ಒಂಜಿ ರೀತಿ, ಅಂಗಲು ಮೂಜೆ, ಅಂಗ ಭೇಧ ಪುಲ್ಲಿಂಗ-ಸ್ತ್ರೀಲಿಂಗದ ಪದೊಲೆಡ್ ಸ್ತ್ರೀಲಿಂಗ ಪದಲು ದೀರ್ಘವಾಪಿನವು. ಈ ರೀತಿದ ವ್ಯಾಕರಣದ ಕೆಲವು ಅಂಶಲು ದ್ರಾವಿಡದಂಚ ಉಳ್ಳ. ತುಳುವ ಭಾಷೆ ಸಾಮಾನ್ಯವಾದ್ ತಮಿಳ್ ಸಂಪರ್ಕದ ನಂತ್ರ ಇತ್ತೆ ಇಪ್ಪುನ ರೀತಿಗ್ ಬತ್ತಿನವು ಆಂಡಾ ಅಯೆಡ್ ದುಂಬುಡು (ಇನ್ನಗ ಕ್ರಿ.ಶ. ಒಂಜನೆ ರಡ್ಡನೆ ಶತಮಾನದ ಪಿರಾಕ್‌ಡ್) ಎಷ್ಟೇ ಒಂಜಿ ರೂಪೊಡು ಇತ್ತುದುಪೊಡು. ತುಳು-ಕನ್ನಡ ಸುಮಾರಾದ್ ಕ್ರಿ.ಪೂ. ಮೂಜನೇ ಶತಮಾನೊಡ್ ಇಂಟಿ ಬೊಳ್ಳುಗ್ ಬತ್ತಿನ ಭಾಷೆಲು ಇಂದ್ದ್ ತೆರಿಪುಂಡು. ಇಂಚ ವಿಚಾರ ಮಾಳ್ವನಗ ತುಳುವ ಕನ್ನಡ ಭಾಷೆಲು ಪ್ರಾಕೃತದ ಸಂಬಂಧವಿತ್ತಿನಂಚ ತೋಜುವಾ ಹಳು ಪಾಪರೂ 56
