over) ಇನ್ಪಿನವಾಂಡ, ವ್ಯಂಜನಾಂತ ಪದ ಸ್ವರ ಧನಿಮೆ ಪತ್ತದ್ ಪರಿವರ್ತನೆ
ಮುಳ್ಪುನವು ಇತ್ತೆನೇ ಸಾಧುವತ್ತ್. ಈ ವ್ಯಾಕರಣ ಕೃತಿ ತುಳು ಭಾಷೆದ
ರಚನೆದ ಮಿತ್ತ್ ಅತ್ತಾವಂದೆ, ನಿಯಮವಳಿಲೆನ್ ಭಾಷೆದ
ತು೦ಬಾವುನವತ್ತ್.
1.67 ದ್ರಾವಿಡ ಭಾಷೆಡ್ ವಚನಲು ರಡ್ಡ್ : ಏಕವಚನ, ಬಹುವಚನ ಇನ್ಪಿ
ವಿಷಯ ಮಾತೆರೆಗ್‌ಲಾ ತೆರಿದೇ ಇಪ್ಪೊಡು, ಆಂಡಾ, ಸಂಸ್ಕೃತ ಭಾಷೆಡ್
ಏಕವಚನ, ದ್ವಿವಚನ, ಬಹುವಚನ ಇನ್ಪಿ ಮೂಜಿ ವಚನಲು. ದ್ವಿವಚನದ
ಅಗತ್ಯದ ಮಿತ್ತ್ ಭಾಷೆಗ್ ಗುಣವಾಗುಣಲು ಒಂಜೇ ತೆರನಾದುಳ್ಳ. ದ್ವಿವಚನ
ಬುಡ್ಪಿನಯಿಟ್, ಭಾಷೆದ ಸರಳತೆನೇ ದಿಂಜ ತೋಜುಂಡು. ಒಂಜಿ ಇಪ್ಪುನ
ಏಕವಚನ, ಒಂಜೆಡ್ದ್ ಎಚ್ಚಿಗೆ ಇಪ್ಪುನ ಬಹುವಚನ ಇನ್ಪಿನವೇ ನಮ
ಪಾತೆರೊದ ಲಕ್ಷಣ.
1.68 ದ್ರಾವಿಡೋಡು ಕರ್ಮಣಿ ಪ್ರಯೋಗ (passive voice) ಇಜ್ಜಿ. ಸಂಸ್ಕೃತೊಡು ಇಂಗ್ಲಿಷಿಡ್ ಕರ್ಮಣಿ ಪ್ರಯೋಗ ಅಧಿಕ. ದ್ರಾವಿಡದ ಭಾಷೆಡ್ ಆದಿಡೇ ಈ ಪ್ರಯೋಗ ಕೈಬುಡ್ತಿನ ಲೆಕ್ಕ ಇತ್ತ್‌ದ್, ಕನ್ನಡೊಡು ಇಂಗ್ಲಿಷ್ ಭಾಷೆದ ಅನುಕರಣೆಡ್ ಕರ್ಮಣಿ ಪ್ರಯೋಗ ಶುರು ಆಂಡ್. ಉದಾ: ಅವನು ಕೆಲಸವನ್ನು ಮಾಡಿದನು ಇನ್ಪಿ ವಾಕ್ಯ ಕರ್ಮಣಿ ಪ್ರಯೋಗೊಡು, "ಕೆಲಸವು ಅವನಿಂದ ಮಾಡಲ್ಪಟ್ಟಿತು", ಇಂದಾಪುಂಡು. "ಬಾಲಕನು ಮನೆಯನ್ನು ನೋಡಿದನು", ಇನ್ಪಿನವು ಅಸಮಪರ್ಕವಾಯಿನ "ಮನೆಯು ಬಾಲಕನಿಂದ ನೋಡಲ್ಪಟ್ಟಿತು” ಇಂದಾಪುಂಡು.
ಇಂದ್ ತುಳುಟು "ಬಾಲೆ ಇಲ್ಲನ್ ತೂಯೆ” ಇನ್ಪಿನವು "ಇಲ್ಲ್ ಬಾಲೆಗ್ ತೋಜಿಂಡ್", ಇನ್ಪಿ ಕರ್ಮಣಿ ಪ್ರಯೋಗ ಸ್ಪಷ್ಟ, ಸರಳ, ಸಹಜವಾದುಂಡು.
1.69 ನನ ಕೆಲವು ಎಳ್ಯ ಮಟ್ಟದ ಲಕ್ಷಣಲು ಕೂಡಾ ದ್ರಾವಿಡೊಡು ಉಳ್ಳ.
ಉದಾ:
(೧) ನಪುಂಸಕ ನಾಮಪದಲು ರೂಢಿದ ಪಾತೆರೊಡು ಬಹುವಚನ ವಾಪಿನಿ
ಅಪರೂಪ. ಪೆತ್ತೊ ಮೇಪುಂಡು (ಏಕವಚನ), ಪೆತ್ತೊ ಮೇಪಾ (ಬಹುವಚನ)
ಪೆತ್ತೊಲು ಮೇಪಾ ಇನ್ಪಿ ರೂಪಲಾ ಉಂಡು.
(೨) ಉತ್ತಮ ಪುರುಷೋಗು ಬಹುವಚನಲು ರಡ್ಡ್: (i) ವ್ಯಾವರ್ತಕ
(exclusive) (ii) ಅಭಿವ್ಯಾಪಕ (inclusive) ಪಾತೆರ್ಪಿನಾಯನ್ ಬುಡ್ದ್
(ವ್ಯಾವರ್ತಕ) -ಎಂಕುಳು ಇನ್ಪಿ ಪದವಾಂಡ, ಪಾತೆರ್ಪಿನಾಯನ ಸೇರ್ಸಾವೊಂದು (ಅಭಿವ್ಯಾಪಕ) -ನಮ ಇನ್ಸಿ ಪದ ಉಪಯೋಗವಾಪುಂಡು.
ಬುಧಾನಂದ ಶಿವಳ್ಳಿ
