ಬೋಡಾವು. ಈ ಕಾರಣಿಗಾದ್, ತುಳುತ ಧ್ವನಿಮಾಶಾಸ್ತ್ರೊಡು (phonology) ಅಕಾರ ಇನ್ಪಿ ಅತ್ಯಂತ ಹೃಸ್ವ ಅಕಾರೋನು ತೋಜಾದುಂಡು.
ಈ ಅ'ಕಾರ ಅ'+ಉ' ಸೇರ್ದಿನ ಹೃಸ್ವ ಉಚ್ಚಾರವಾದ್, ಕ್ರಮೇಣ ಕೆಲವು ವ್ಯಂಜನಾಂತ ಪದಲು ಉಕಾರ ಪ್ರತ್ಯಯ ಸ್ಪಷ್ಟವಾದ್ ಪತ್ತ್‌ದ್ ಇಂದೆನು, ಇಂದಕು ಇನ್ಪಿ ರೂಪ ತಾಳುವುನ ಸಂಭವ ಉಂಡು. ಆಂಡ, ಈ ಕೃತಿಟ್ ಸ್ವರಾಂತವಾದ್ ರೂಪಾಂತರದ ಉಪಯೋಗ ಮಾಳ್ವಂದೆ, ತುಳು ಪಾತೆರೊ ಇತ್ತೆ ಇಪ್ಪುನಂಚನೆ ವ್ಯಂಜನ [ನಿಜ ಇನ್ನಗ ಹೃಸ್ವ ಸ್ವರ ಧ್ವನಿಮೆ] ರೂಪೊಡು ತೋಜಾದುಳ್ಳ. ಕನ್ನಡೊಡು ಮಾಳ್ತ್ ಪದ ಮಾಡ್+ಇ=ಮಾಡಿ, ಬತ್ತ್‌ದ್ ಪದ ಬಂದ್+ಉ=ಬಂದು -ಇಂಚ ಮಾತಾ ಆಪಿನಯಿಟ್, ಆದಿಡ್, ಈ ಪದಲು ವ್ಯಂಜನಾಂತವಾದಿತ್ತಿನಂಚ ತೋಜುವ. ಇಂದ್ ಕನ್ನಡ ಸಾಹಿತ್ಯವಾಪಿನ ಕಾಲೊಡು ಆಯಿನ ಬರವಣಿಗೆದ ಕಾರಣೊಡು. ಕೇಶಿರಾಜೆ ಕೂಡಾ ಪಣ್ತೆ "ಯರಲವಣನಱಱ ವರ್ಣೊಕ್ಕರಮೆ । ವಲಂ ಪದದ ಕಡೆಯೊಳ್ ಅಸ್ವರವಿಧಿಯಂ ಏರಿದು ತಾಳ್ಗುಂ".
ಇಂದೆನ್ ತೂವನಗ ಆಯನ ದೃಷ್ಟಿ ಜನಮಾನಿ ಪಾತೆರೊದ ಮಟ್ಟ್‌ದ ಮಿತ್ತ್‌ಲಾ ಇತ್ತ್ಂಡ್ ಇಂದ್‌‍ದ್ ತೆರಿಪುಂಡು. ಮಾತಾ ವ್ಯಂಜನದ ಮಿತ್ತ್‌ಲಾ ತಾತ್ಸಾರ ಮನೋಭಾವ ಅನಗತ್ಯ. ಉದಾ: ಇಂಗ್ಲೀಷ್ ಭಾಷೆಡ್ lack, labour, land, languish, lantern, lap, last ಇತ್ಯಾದಿ ಬರವಣಿಗೆಡ್ ವ್ಯಂಜನಾಂತ ಪದಲು, ಉಚ್ಚಾರೊಡು ಅಂಚನೇ ವ್ಯಂಜನಾಂತವಾದುಳ್ಳ. ನನ lace, lake, lame, lane, language, league ಇತ್ಯಾದಿಲೆಡ್ ಅಂತ್ಯ ಅಕ್ಷರ ಸ್ವರಾಕ್ಷರಲು. ಆಂಡ ಶಬ್ದದ ಉಚ್ಚಾರ ವ್ಯಂಜನಾಂತೊಡೇ ಒರಿಪುಂಡು.
ಭಾಷೆಡ್ ಸುಗಮತೆಗಾದ್ ವ್ಯಂಜನಾಂತ ಪದ ಸ್ವರಾಂತವಾಪಿನಿ ಇಂದ್‌‍ದ್ ಸಾಮಾನ್ಯ ತಿಳುವಳಿಕೆ. ಆಂಡಲಾ, ವ್ಯಂಜನಾಂತ ಉಚ್ಚಾರೊಡು ಆಪಿನಾತ್ ವೇಗಸಾಧನೆ ಸ್ವರಾಂತಪದ ಸಮುದಾಯೊಡು (ವಾಕ್ಯೊಡು) ಆಪುಜಿ. ಈ ಕೃತಿಟ್ ವ್ಯಂಜನಾಂತ ಉಚ್ಚಾರೊನು ಪೂರ್ಣ ಮಾಜಾವರೆ ಯತ್ನ ಮಳ್ತುಜಿ. ದಾಯೆಗಿನ್ನಗ, ರೂಢಿದ ಪಾತೆರೊ ಮಟ್ಟದ ಅಂಗೀಕಾರ ದಾಂತೆ ಅಂಚ ಮಳ್ಪುನವು ಸಮ ಅತ್ತೆ. ನನ ಮಧ್ಯ ವ್ಯಂಜನ ಮಾಜವರೆ ಸಾಧ್ಯವಿಜ್ಜಂತೆ ಉಳ್ಳ. ಉದಾ: ಕಡ್ಪಾ ಇನ್ಪಿ ಕ್ರಿಯಾಪದೊಕ್ ಮಧ್ಯ ಅ, ಒ, ಉ, ಎ ಸ್ವರ ಸೇರ್ಸಂಡ ಆಪಿನ ಆಕೃತಿಮೆಲು, ವಿವಿಧ ಅರ್ಥ ತೆರಿಪಾವುನ ಶಬ್ದಲು ಆಪಾ-ಕಡ್‌ಪು (to cut), ಕಡಿಪ್ ಕನ್ನಡ ರೂಪದ ಕಡಿಯು ಇನ್ಪಿ ಪದ: ಕಡುಪು (to sweeten), ಕಡೆಪ್ (to grind), ಕಡಪು (to cross
ತುಳು ಪಾತೆರೊ
