(೩) ನಿಷೇಧಾರ್ಥಕ ಕ್ರಿಯಾಪದರೂಪಲು ಉಳ್ಳ, ಉದಾ: ಇಜ್ಜಿ, ಇಜ್ಜಾಂತಿನ, ಆವಂದಿನ ಇತ್ಯಾದಿ ಕ್ರಿಯಾಪದ ನಿಷೇಧ ರೂಪಲು. ಪೊಗ್ಗುದಾಂತಿನ, ಗುಣದಾಂತಿನವು (destitute of good conduct or manners) ಇತ್ಯಾದಿ ಗುಣವಾಚಕ ನಿಷೇಧರೂಪಲು. (೪) ಸಂಬಂಧಸೂಚಕ ಪದಲೆಡ್ ಹಿರಿಯೆರೆಗ್ ಅನ್ವಯವಾಪಿನವು, ಕಿರಿಯೆರೆಗ್ ಪಣ್ಣಿನ ಪದಲು ಬೇತೆ ಬೇತೆನೇ ಉಳ್ಳ, ಉದಾ: ತುಳುಟು ಅಣ್ಣಿ,ಪಲಯೆ, ಅಕ್ಕೆ,ಪಲಿ, ತನ್ನದ್ ಹಿರಿಯೆರೆನ್ ಸೂಚನೆ ಮಳ್ತಂಡ, ಮೆಗ್ಗೆ,ಮೆಗುದಿ ಪದಲು ಎಳ್ಳಕುಳಿನ್ ಸೂಚನೆ ಮಳ್ಳುವಾ. ಇಂದೆಕುಳು ಅತ್ತಾವಂದೆ, ಅಭಿವ್ಯಾಪಕವಾದ್ ತಗೆ-ತಂಗಡಿ ಇನ್ಸಿ ಪದಲು ಉಳ್ಳ. (೫) ದ್ರಾವಿಡ ಭಾಷೆಲೆಡ್ ಟಕಾರ,ಡಕಾರ ದಿಂಜ, ತುಳುಟು ಟಕಾರ ಡಕಾರವಾಪುಂಡು. ಕನ್ನಡದ ಉಂಟು ತುಳುಟು ಉಂಡು. ತಮಿಳ ತೊಟ್ಟ>ದೊಡ್ಡಿ (ಕನ್ನಡ,ತುಳು). ತಮಿಳ ಆಡು(ಕನ್ನಡ). ತಮಿಳ ಕುರುಟ ಕುರುಡು (ಕನ್ನಡ,ತುಳು). (GIB)), (೬) ದ್ರಾವಿಡದ ಅವಧರಣಿ (accent) ಪದತ ಸುರುತ ಧ್ವನಿವೆದ ಮಿತ್ ಬೂರುಂಡು, ಉದಾ: ತುಳುಟ್ ಬರ್ಸ(ವರ್ಷ) ಉಚ್ಚಾರೊಡು ಬರ್ಸ ಆಂಡ್. ಹಿಂದಿಡ್ ಬರಸ್ ಆಪಿನ ದ್ ಉಚ್ಚಾರ ಆರಂಭವಾಪಿನವೇ ದ್ವಿತ್ವದ ಲೆಕ್ಕೊ ಕೇಣುಂಡು. (೭) ಕ್ರಿಯಾಧಾತುಲೆನ ಮೂಲರೂಪೊಗು ಲಾ ಪ್ರತ್ಯಯ ಪತ್ತದ್ ಕ್ರಿಯಾರ್ಥ ವಿಧಿರೂಪ ಆದ್, ಕನಿಷ್ಟ ರೂಪದ ಕ್ರಿಯಾಪದವಾಪುಂಡು. ಉದಾ: ಬ ಧಾತುಗ್ ಲಾ ಸೇರ್ ಬಲ್ಲಾ (ಇನ್ನಗ ಈ ಬಲ್ಲಾ ಇನ್ನಿ ವಿಧಿರೂಪ) ಪೋ ಧಾತುಗ್ಲಾ ಸೇರ್ ಪೋಲಾ (ಇನ್ನಗ ಈ ಪೋಲಾ ಇನ್ನಿ ವಿಧಿ ರೂಪ) ಇತ್ಯಾದಿ ಕನಿಷ್ಟ ರೂಪದ ಕ್ರಿಯಾಪದಲು- ಕನ್ನಡೊಗು ತುಲನೆ ಮಳ್ಕೊಂಡ ಬರ್ ಧಾತು ಬಾರಾ ಆಪುಂಡು, ಪೋ ಧಾತು ಪೋಗ ಇಂದ್ದಾಪುಂಡು. ವಿಶೇಷ ದಾನೆ ಇನ್ನಗ ಕನ್ನಡೊಡು ಬಾರಾ-ಬಾರೆಲೊ- ಬಾ ಆಂಡ, ತುಳುಟು ವಿಧಿರೂಪ ಆತ್ಮಬ್ದ ತುಚ್ಚ ರೀತಿದವು ಅತ್ತೆ. ಬಲ್ಲ ಇಂಬ್ಯಾ ಇನ್ದಿನ ಆತೇ ತುಚ್ಚರೀತಿದವು. ತುಳುಭಾಷೆ ದ್ರಾವಿಡವರ್ಗದ ವ್ಯಾಕರಣ ನಿಯಮೊಗು ಸರಿಯಾದುಂಡು. ಅಯಿಟತ್ರ ಅವು ದ್ರಾವಿಡ ಭಾಷಾವರ್ಗದವು ಇನ್ನಿನಕ್ ಸಂದೇಹ ಒರಿಯಾಂದ್, ಹಳು ಪಾಪರೂ 52