This page has been proofread.
5
ᎤᏅᏗ ᎦᏃᏗᏍᎩ ᎤᏪᏥ.
ᎦᎵᏦᏕ, ᎠᏆᏛᏅᎩ, ᎤᏴᎵᎸᏃ ᎯᎠ ᏅᏥᏪᏎᎸᎩ; ᎦᏙ ᎤᏍᏗ ᏗᏣᎸᏫᏍᏓᏁᎯ, ᎥᎠᏆᏛᏅᎩ.
ᎯᎠᏃ ᎾᎩᏪᏎᎸᎩ; ᎠᏲᎵ ᎠᏓᏁᎸᎢ, ᏑᏓᎵᏉ ᎢᏳᏟᎶᏛ ᎠᏂ ᎡᏅᏛ ᎾᎿ ᎠᎩᎦᏴᎳᏥᏗ. ᎯᎸᏍᎩᏉ ᎢᏳᏟᎶᏛ ᎠᏆᏙᎳᏛ, ᎦᏙᎯ ᎠᎩᎭ, ᎯᎸᏍᎩᏃ ᏩᎦ ᏓᎩᎧᎰᎢ, ᎾᏍᎩᏃ ᎤᏅᏗ ᎠᎩᎾᏕᎬᎢ ᎠᎴ ᏓᎩᎸᏫᏍᏓᏁᎲᎢ ᎦᎵᏍᏕᎸᏙᏗᏍᎪ ᏕᏥᏍᏕᎵᏍᎬ ᏓᏆᏓᏘᎿᎥᎢ.
ᎯᎳᎪ ᎾᏂᎥ ᏕᏣᏓᏘᎿᎠ, ᏥᏲᏎᎸᎩ.
ᎠᏆᏓᎵᎢ, ᎪᎯ ᎿᏉ Ꮀ ᏰᎵ ᎠᎦᏴᎵᎨᎢᏳ ᎠᎴ ᏩᎾᎦᎵᏳ, ᎠᏂᏔᎵᏃ ᎠᏂᏫᏅ ᏗᏇᏥ ᏌᏉᏃ ᎠᏛ; ᏐᎢᏰ ᎤᏲᏍᏛ ᎠᏇᏥ ᎪᎯ ᎿᏉ ᎨᏒᎢ ᎠᏂ ᎠᏍᎦᏂ ᎡᎶᎯ ᎨᏒᎢ ᎿᏉ ᎢᎤᏓᏅᏒ, ᎤᏛᏅᎩ. ᎤᏚᎩᏉ ᎠᏗᎾ ᎠᏋᎭ ᏦᏒᏉ ᏫᏄᏛᏁᏔᏅᎢ, ᏥᏲᏎᎸᎩ.
ᎠᏴ ᎠᏗᎾ ᎾᏍᏉ ᎤᏚᎩᏉ ᎠᏋᎭ. ᎤᏲᏍᏛᏉ ᎠᏇᏥ! ᎤᏙᎯᏳᏍᎩᏂᏃᏅ ᎤᎸ ᎤᎦᏌᏯᏍᏛᎢ ᏗᏁᎶᏙᏗ ᎨᏒᎢ ᎥᏝ ᎾᏍᎩ ᏱᏄᏍᏕᎢ. ᎠᏎᏍᎩᏂ ᎠᏉᎯᏳᎭ ᏄᏍᏛ, ᎤᎸ ᎤᎵᏃᎮᏔᏅᎢ ᏅᏧᎵᏍᏙᏔᏅᎢ ᎤᏓᏅᏙ ᎠᏥᏙᎵᏨᎯᏉ ᎨᏒᎢ. ᎤᏣᏔᏅᎯᏍᎩᏂ ᎠᏥᏙᎵᏨᎯᏉ ᎩᎶ ᎾᏍᎩ ᏱᏄᏍᏗ ᎤᏪᏥ ᏰᎭ ᎠᏴ ᏥᏄᏍᏗ ᎠᏇᏥ ᏤᎭ. ᎥᏝ ᎠᏆᏓᏅᏙ ᎨᏒ ᎠᏆᏓᏅᏖᏗᏍᎩ ᏱᎨᏎᎢ ᎬᏂ ᎾᏍᎩ ᎠᏇᏥ ᎠᎩᏍᏗᏰᏔᏅ ᏥᏯᎵᏗᎡᏗᏱ ᏗᎵᏱᎶᎵᏒ ᎤᏔᎳᏬᎯᏍᏗ ᎨᏒᎢ, ᎤᏛᏅᎩ.
ᎯᎳᎪ ᎢᏳᏕᏘᏴᏛ? ᎥᏥᏲᏎᎸᎩ.
ᎿᏉ ᎦᎵᏆᏍᎪᎯ ᎠᎩᎶᏒᏍᏗ, ᎠᏆᏓᎵᎢᏃ ᎤᏟ ᎾᎦᏴᎵᎨᎢᏴ. ᎿᏉ ᏙᏍᏗᎦᏴᎳᎦᏉ, ᎠᎴ ᎿᏉ
