This page has been proofread.
6
ᎤᏅᏗ ᎦᏃᏗᏍᎩ ᎤᏪᏥ.
ᎤᎶᏐᏂᏕᎾᏉᏃ ᏦᎩᏂᎸᏫᏍᏓᏁᏗ ᎨᏒᎢ. ᎠᏎᏃ ᎣᎩᏁᏦ ᎠᏛ ᏗᎤᏪᏅ ᎤᎵᏍᏕᎸᏙᏗ ᎣᏏᏳ ᎬᏩᏩᏛᏗ ᏗᎨᏒᎢ, ᎢᎣᎩᏂᏍᏆᏂᎪᏔᏂᎸ ᎠᎴ ᎢᎣᎩᏂᏍᏕᎸᎯᎸ ᎤᏅᏗ ᏦᎩᏂᎸᏫᏍᏓᏁᏗ ᎨᏒᎢ: ᎠᎴ ᎣᏍᏗᎨᏳᎢ ᎤᏬᎯᏳᎯᏍᏛ ᎠᎴ ᎣᎩᏂᎨᏳᎯ ᎢᎩ; ᎤᏛᏅᎩ.
ᏥᎪ ᏂᎪᎯᎸ ᏅᏩᏍᏕᎢ, ᏥᏲᏎᎸᎩ.
ᎥᏝ; ᎩᎳᏉ ᎠᏛᏍᎬᎢ ᎡᎶᎯᏉ ᎡᎯ ᎣᏍᏛᏉ ᎠᏓᏅᏓᏗᏍᏗ, ᏧᏄᏬᎩᏱᏉ ᎠᎴ ᏴᏫᏉ ᎣᎾᎢᏙᎲᎢ ᎤᏪᎳᏗᏓᏍᏗᏱ ᎤᏩᏒ ᎠᏓᏅᏖᏍᎩ ᎨᏒᎩ, ᎤᏙᎯᏳ ᎠᏗᎾ ᏃᏥᎦᏔᎿᎥᎾᏉ ᎨᏒ ᏂᎦᏛ, ᎯᎠᏉ ᏄᏍᏛ ᎣᏣᏓᏅᏖᏍᎬᎢ; ᎢᏳᏃ ᎪᎯᏉ ᎣᏤᎲ ᎡᎯ ᏲᏣᏓᏅᏖᎭ, ᎤᏐᏅᏉ ᏃᏨᏁᎲᎾ ᏱᎩ ᎩᎶᎢ, ᎿᏉ ᎠᏎᏦᏒ ᏬᎦᏕᏗ, ᎣᎩᏰᎸᎯ ᎨᏒᎩ. ᎢᏧᎳ ᎠᏘᎾ ᏗᏇᏥ ᎠᎾᏛ ᎤᏅᏒᏉ ᎠᎾᏓᏅᏖᏍᎬ ᎢᏯᎾᏛᏁᎯ ᎨᏒᎩ, ᎠᎴ ᎣᎩᏅᏒᏉ ᏃᎩᎾᏍᏛ ᏄᎾᏍᏛ ᎾᏂᎦᏔᎿᎥᎾᏉ ᎨᏒ ᎤᏁᎳᏅᎯ ᎤᏤᎵ ᏗᎦᎸᏫᏍᏓᏁᏗ ᎨᏒ, ᎤᎵᏁᏨᎯ ᎨᏒ ᎤᏓᏙᎵᏣᏗᏳ ᎨᏒᎢ. ᎿᏉᏃ ᎢᎬᏱ ᎡᎯ ᎪᎱᏍᏗ ᎤᏓᏛᏁᎸᏒᎩ; ᎯᎸᏍᎩᏃ ᎾᏕᏘᏴ ᎠᎾᎵᏣᏙᎲᏍᎬᎢ ᎤᏛᎦᏁᎢ, ᎾᎯᏳᏃ ᏅᏓᎬᏩᏓᎴᏅᏛ ᎢᏅᎯᏳ ᏄᏓᎴ ᏄᎵᏍᏔᏅᎩ. ᎿᏉ ᎤᎴᏅᎲ ᎪᏪᎵ ᎤᎭᎨᏛ ᏗᎪᎵᏰᏍᎩ ᏄᎵᏍᏔᏅᎩ, ᎠᎴ ᎠᎵᏍᎦᎾᏫᏒᎥᏍᎩ ᏂᎨᏒᎾ ᏄᎵᏍᏔᏅᎩ. ᎾᎯᏳᏃ ᎣᏂ ᎢᎬᏱᏱ ᎤᎷᏨ ᎣᎩᏩᏛᎰᎸ ᎣᎩᏂᏲᎮᎸᎩ ᎠᏕᎸ ᏓᎶᏂᎨ ᎯᏍᎩ ᎠᏕᎸᎯ ᏧᎬᏩᎶᏗ, ᎯᎠ ᏄᏪᏒᎩ: ᎿᏉᏰᏃ ᏕᏍᏗᎦᏴᎳᎦᏉ, ᎾᏍᎩᏃ ᎢᏳᏍᏗ ᎠᏎ ᎡᏍᏘᏍᏕᎸᏗ ᏂᎦᎵᏍᏗᎭ, ᎤᏛ-
