ᏅᎩ. ᎠᎴ ᎾᏍᏉ ᎯᎠ ᏄᏪᏒᎩ, ᎠᎩᏁᏉᏍᏗᏱ ᎠᏆᏢᏉᏗ ᎨᏒ ᎯᎸᎯᏳ ᎾᏆᏛᏁᎸ ᎥᏝ ᏱᏆᏚᎵ ᎢᏯᏆᏛᏁᏗᏱ, ᏘᏄᏬᏉ ᏧᏬᏚᎯ ᏗᎩᏩᎯᏍᏙᏗᏱ ᎯᎠ ᎠᎴ ᎠᏆᎵᏍᎦᎿᏫᏒᏗᏱ. ᎤᏟᎯᏳ ᎣᏍᏛ ᎠᎩᏰᎸᏗ ᎬᏂᎨᏒ ᎢᏯᏋᏁᏗᏱ ᎦᏥᏯᎵᎡᎵᏤᎲ ᎡᏙᏓ ᎠᎴ ᏒᏥ, ᎾᏍᎩ ᎠᏗᎾ ᎯᎠ, ᎤᏛᏅᎩ, ᏅᏗᎦᎵᏍᏙᏗᎭ ᎦᎶᏁᏛ ᎠᎩᏙᎵᏨᎯ ᎨᏒᎢ.
ᎣᎩᏂᏍᏆᏂᎪᏍᎬᎩ ᏄᏍᏛ ᎦᏬᏂᏍᎬ ᎣᏍᏓᏛᎦᏁᎲᎢ, ᎠᎴ ᎤᏣᏛ ᎣᏒ ᎣᎩ ᎣᎩᏂᏰᎸᏒᎩ ᎾᎥ ᎣᎩᏁᏓᏍᏗᏱ, ᎤᏣᏘᏰᏃ ᎤᏓᏙᎵᏍᏗᏳ ᎠᎴ ᎤᏙᎵᏍᏙᏏᏳ ᎨᏒᎩ, ᎠᎴ ᎾᏍᎩ ᏂᎦᎥ ᏧᎦᎵᏍᎪ ᏅᏩᏍᏛ ᎣᏍᏛ ᎢᏲᎩᎾᎵᏍᏓᏁᏗᏱ ᏦᎩᎾᏓᏅᏙᎩᏱ ᎨᏒᎢ ᎠᎴ ᏦᏍᏗᏰᎸᎢ, ᎠᎴ ᎾᏍᎩ ᏂᎦᎥ ᎤᏓᏁᏟᏴᏛ ᎨᏒᎢ ᎾᏍᎩ ᎯᎸᎯᏳ ᏄᏍᏛ ᎣᏍᏗᎪᎢᏙᎸᎢ, ᏃᎩᎾᎦᏌᏯᏍᏛᎾᏉᏍᎩᏂᏃᏅ ᎠᎴ ᏃᏍᏗᎦᏔᎿᎥᎾᏉ ᎨᏒᎩ, ᎠᏎᏃ ᎿᏉ ᎤᏓᎴᏅᎲᎩ ᎤᏙᎯᏳᎧᏂ ᏧᎾᎵᎪᏐᎢ ᎣᎩᏁᎵᏍᏗ ᏄᎵᏍᏔᏅᎩ; ᏝᏰᏃ ᎾᏍᎩ ᎢᎦᎢ ᏴᎬᏓᏁᏟᏴᎾ ᏄᏍᏛ ᎡᎲ ᎩᎶ ᎾᏍᎩ ᎢᏯᏞᎦ ᎣᎩᏁᎵᏒᎩ. ᎾᏍᎩᏃ ᎤᎸ ᎤᏲᏍᏛᏉ ᎾᎯᏳ ᎤᏰᏣᏍᏗᏍᎩ ᎠᎴ ᎤᏕᎰᏗᏍᎩ ᎨᏒᎩ; ᎯᏍᎪᎵ ᏄᏓᎴ ᏂᏣᎵᏍᏓᏁᎸ ᎢᏤ ᎢᏣᏛᏁᏗ ᏣᏩᏛᎲᎢ, ᎤᏬᏎᎯ, ᎨᏒᎩ. ᎠᏎᏃ ᎯᎠᏉ ᏅᎦᏪᏎᎲᎩ; ᎥᏝ, ᎥᎩᎸ, ᎥᏝ ᏥᏍᎪᎵᏉ ᏄᏓᎴ ᏱᏄᎵᏍᏔᏅ, ᎤᏚᎩᏍᎩᏂ ᎠᏋᎭ ᎠᎩᎾᏫᏱ ᏄᏓᎴ ᏄᎵᏍᏔᏅᎢ, ᎠᏍᏕᏂ ᎠᎩᎨᏳᎯ ᏄᎵᏍᏔᏅ ᏓᎩᏲᏒᎢ, ᎤᏁᎳᏅᎯ ᏥᎨᏳᎢᏳ ᏄᎵᏍᏔᏅᎢ, ᎠᏗᏍᎩ ᎨᏒᎩ. ᏲᎯᏉ ᎯᎸᎯᏳ ᏱᏫᏣᎪᎯᎸ, ᏄᏍᏛ ᏥᎪᏩᏘᏍᎬᎢ, ᏄᎾᏰᎯᏍᏗ ᎠᎴ
