Page:The dairyman’s daughter; Bob the sailor boy.pdf/8

4

ᎤᏅᏗ ᎦᏃᏗᏍᎩ ᎤᏪᏥ.

ᏬᏪᎸᎢ. ᎥᏝ ᎠᎴ ᎤᏬᏚᎯ ᏱᏄᏩᏁ ᎤᏍᏓᏅᎿᏂᏙᎸᎢ, ᎠᎴ ᏍᎦᏁᏨᎯ ᎨᏒ ᏗᎪᏪᎶᏗ ᏚᏜᏪᏔᏂᏙᎸ ᎥᏝ ᎠᏏᎾᏍᏛ ᏱᎨᏎᎢ; ᎠᏎᏃ ᎤᏬᏪᎳᏅᎯ ᎤᏟᏉ ᎢᎦᎢ ᎣᏍᏛ ᎬᏰᎸᏗ ᏂᎦᎵᏍᏗᏍᏍᎬᎩ, ᎾᏍᎩᏰᏃ ᎬᏂᎨᏒᎢᏳ ᏂᎦᎵᏍᏗᏍᎬᎩ ᏔᎵ ᎤᏛᏛᎤᏲᏉ ᎢᏳᏛᎿᏕᎩ ᎨᏒᎢ ᎠᎴ ᎤᏣᏔᏅᎯ ᎣᏍᏛ ᏗᎧᎿᏩᏕᎩ ᎨᏒ ᎤᏁᎳᏅᎯ. ᎤᏣᏘ ᎤᎵᎮᎵᏍᏗ ᎠᏆᏓᏅᏓᏛᎩ ᎾᏍᎩ ᎯᎠ ᎢᏳᏍᏗ ᎩᎶ ᏅᏛᏉᏪᎳᏁᎸᎯ ᎥᎩᏃᎮᏗᏱ, ᎤᏟ ᎠᏘᎾ ᎤᎵᎮᎵᏍᏗ ᏂᎦᎵᏍᏗᏍᎬᎩ, ᎾᏍᎩᏰᏃ ᎢᏳᎾᏍᏗ ᎾᎯᏳ ᎠᏂᏂᎩᏗᏳ ᎨᏒ ᎾᎿ ᎾᎥ ᎢᏳᎾᏓᎵ ᎨᏒᎢ.

ᎾᏍᎩᏃ ᎠᎩᎪᎵᏰᎣᏅᏉ ᎿᏉ ᎠᏆᏓᏛᏛᏅᎩ ᎤᏃᎸᎯ ᎨᏒᎢ. ᏗᎦᏘᏴ ᎣᏂ ᏫᎦᏄᎪᎢᏍᏗᏱ, ᎥᏉᏎᎸᎩ. ᎠᎩᏄᎪᏨᏃ ᏥᏯᎵᏃᎮᏔᏅᏒᎩ, ᎤᏛᏐᏅᎯ ᏥᎪᎥᎩ ᎤᏩᎶᎾᎪᎯ ᎠᎴ ᎦᎩᎳᏅᎯᏓ ᎨᏒᎩ ᎠᎴ ᎦᏁᎪᏳᎯ ᎨᏒ ᏗᎧᏃᏗᏱ, ᎾᏍᎩᏃ ᎤᏟ ᎢᎦᎢ ᎬᎦᏌᏯᏍᏙᏗ ᏂᎦᎵᏍᏗᏍᎬᎩ. ᎤᏓᎾᏍᏓᎢᏴᏛ ᎠᏍᏚᏗᏱ ᏚᏏᏛ ᎠᎴ ᎾᎿ ᎤᎵᏍᏓᎵᎲᎩ; ᎠᎴ ᏓᎦᏌᏬᎢᎲ ᏗᎪᏆᎵᎢ ᎢᏴᏛ ᏕᎦᎶᎴᎬᎩ. ᎾᏍᎩᏃ ᎿᏉ ᏩᎩᎷᏨ ᎡᎳᏗ ᏄᏛᏁᎸ ᎠᏆᎵᏍᎫᏫᏎᎸᎩ ᎠᎴ ᎯᎠ ᏄᏪᏒᎩ; ᎪᏪᎵ ᎬᏃᎯᏏ ᎠᏇᏥ ᏅᏓᏦᏪᎳᏁᎸᎯ, ᎠᏎᏃ ᏱᎤᏣᏔᏉ ᏱᏍᏛᏯᏕᏯᏙᏗᎭ ᎾᏍᎩ ᎯᎠ ᏄᏍᏛ ᎢᏍᏛᏔᏲᏎᎲᎢ. ᎥᏝ, ᎠᏆᏛᏅᎩ; ᎤᏣᏘᏍᎩᏂ ᎠᏆᎵᎮᎵᏍᏗ ᎢᏳᏃ ᎪᎱᏍᏗ ᎨᏍᏛᏯᏛᏁᏗ ᏱᎩ ᎠᎴ ᏂᎦᏛ ᏕᏣᏓᏘᎿᎥ ᎪᎱᏍᏗ ᏏᏨᏯᏛᏁᏗ ᏱᎩ, ᎾᏍᎩ ᎯᎠ ᎢᏳᏍᏗ ᎤᎬᏩᎵ ᏱᎩ.