This page has been validated.
3
ᎤᏅᏗ ᎦᏃᏗᏍᎩ ᎤᏪᏥ.
ᎢᎤᎵᏛᏗᏉ. ᎾᏍᎩ ᎤᏁᎢᏍᏙᏔᏅᎩ ᎤᏚᎵᏍᎬ ᎤᎬᏫᏳᎯ ᎤᏪᏍᎩᎸ ᎠᎾᎵᏍᏓᏴᎲᏍᎬᎢ ᎤᏖᎳᏗᏍᏗᏱ, ᎾᏍᎩ ᎤᎩᎵᏲᏨᎢ ᎠᎴ ᎤᏲᎢᏒᎢ ᎬᏂᎨᏒ ᎢᏳᏩᏁᏗᏱ, ᎾᏍᎩᏃ ᏥᎦᏔᎲ ᎢᎦᎢ ᎠᏋᏔᏅ ᎬᏂᎨᏒ ᏂᏥᏴᏁᎸ ᏄᏍᏛ ᎾᏍᎩ ᏧᏓᏂᎸᎢᏍᏗᏱ ᎦᎶᏁᏛ ᎤᎾᏫᏱ ᎢᏴᏛ. ᎠᏎᏃ ᎤᏁᏉᏨᎯᏉ ᏄᎵᏍᏔᏅᎩ ᎠᏩᎾᎦᎶᎬᎢ, ᎾᏍᎩᏃ ᎢᏳᏍᏗ Ꮭ ᏔᎵᏁ ᏱᏅᏁᎢᏍᏔᏁ ᎾᏍᎩ, ᏧᏓᏲᏒᎯᏉᏍᎩᏂᏃᏅ ᏥᎨᏐ ᏂᎬᏩᏍᏛ ᎠᏏ ᎾᏲᎱᏍᎬᎾ ᎨᏒᎢ. ᎤᏚᎩᏉ ᎠᏗᎾ ᎠᏋoᎭ ᎠᏂ ᎠᏍᎦni ᎡᎲᎢ ᎠᎴ ᎠᏲᎱᏍᎩ ᎡᎲᎢ ᎤᏓᏅᏒᎢ, ᎤᏁᎳᏅᎯ ᏤᎲᎢ ᏭᏕᏗᏱ ᎠᎵᏍᏆᏗᏍᎩ ᏂᎨᏒᎾ ᏗᎨᏒᎢ.
ᎾᏍᎩᏃ ᎥᎩᎸ ᎤᏁᎢᏍᏔᏅᎩ ᎤᏚᎵᏍᎬᎢ ᏂᎯ ᏗᏣᎸᏫᏍᏓᏁᏗᏱ ᎠᏥᏂᏏᏍᎬ ᏗᎦᎸᏫᏍᏓᏁᏗ ᎨᏒᎢ, ᎣᎦᎵᏣᏙᏁᎯ ᎾᎿ ᏩᏥᏃᎯᏍᏗ ᎨᏒᎢ ᎡᎯ ᎥᏝ ᏰᎵ ᎠᏂ ᎬᏩᎷᎯᏍᏗ ᏱᏂᎦᎵᏍᏗᎭ. ᏔᎵᏁ ᎢᎪᎯ ᏑᎾᎴ ᎤᏲᎱᏒᎩ, ᎾᏍᎩᏃ ᎯᏍᎩᏁ ᎠᎴ ᎤᎾᏙᏓᏈᏕᎾ ᏱᎩ ᎦᏰᏥᏂᏐᏗ, ᏨᏒᏉ ᎯᎠ ᎢᏳ ᎠᎴ ᎮᎵᏒᎢ; ᎤᏒᎯᏰᏱ ᏦᎢ ᎢᏳᏟᎶᏛ ᎧᎳᏩᏗᏒᎢ ᎩᎳ ᎦᏰᏥᏂᏐᏗ. ᏗᏍᏉᏪᎳᏁᎸᎭ ᏗᏍᎩᏃᏁᎸ ᏰᎵ ᎨᏣᎷᎯᏍᏗ ᎨᏒᎢ ᎾᏍᎩ ᎯᎠ ᏭᏃᎸᎯ ᏘᏯᎨᏅᏛᎭ. ᎠᏴ ᎵᏏ.”
ᎤᏣᏘ ᎠᏆᏓᏅᏖᏘ ᏄᎵᏍᏔᏅᎩ ᎾᏍᎩ ᎬᏂᎨᏒ, ᏂᎦᎵᏍᏗᏍᎬ ᎤᎬᏬᎩ ᏂᎨᏒᎾ ᎤᎵᏂᎩᏗᏳ ᎤᏓᏅᏘ ᎨᏒᎢ ᎤᏁᎳᏅᎯ ᏗᎧᎿᏩᏕᎩ ᎨᏒ ᎾᎬᏂᏴ ᎠᏙᎴᎰᎯᏍᏗ ᏂᎦᎵᏍᏗᏍᎬ ᎾᏍᎩ ᎯᎠ ᏄᏩᏅ Ꭴ-
