This page has been proofread.
2
ᎤᏅᏗ ᎦᏃᏗᏍᎩ ᎤᏪᏥ.
ᏧᎴᎾᎸᎯ ᏴᏫ ᏧᎾᏓᏅᏙ ᏘᎦᏔᎲᏍᏗᏱ, ᎠᎴ ᎤᎵᏂᎩᏗᏳᏉ ᏣᏓᏅᏓᏗᏍᏗᏱ ᎾᏍᎩ ᎦᎸᏉᏙᏗ ᎨᏒ ᏫᎬᏗᏒᏂᎯᎯ ᏂᎦᎥᎢ ᏣᏥᎥᎢ ᎠᎴ ᎲᏅᎢ ᏫᎬᎵᏍᏆᏗᎯᎯ ᏱᎩ.
ᎤᎵᏂᎩᏗᏳᏉ ᎠᏗᎾ ᏣᏓᏅᏖᏍᏗ ᎤᏁᎳᏅᎯ ᎤᎾᏙᎯᏳᎾᏁᏗᏱ ᎠᎴ ᏧᏂᏁᏟᏴᏍᏗᏱ ᏚᎾᏓᏅᏛ ᎠᏂᏍᎦᎾᎢ. ᎤᏕᎢᏍᏔᏅᎯᏰᏃ ᎢᎩ ᎤᏛᎪᏗᏱ ᎤᏃᎯᏳᎯ ᎨᏒ ᎠᎴ ᎤᏩᏒ ᎤᏪᏥ ᏚᏙᏍᏛ ᏯᏅᏗᎭ ᎠᎾᏖᏙᎵᏍᏗᏍᎬᎢ. ᎦᎶᏁᏛᏰᏃ ᎯᎠ ᏂᎦᏪᎠ, ’ᎢᏥᏔᏲᎯᎮᏍᏗ ᎢᏣᎦᎵᏍᎬᎢ, ᎠᏎ ᎾᏍᎩᏉ ᏄᏍᏛ ᎢᏥᏔᏲᎯᎲ ᎢᏰᏳᏛᏁᏗ ᎢᎩ.’ ᎦᎶᏁᏛ ᎡᏤᎢᏳᏒᎢ ᏅᏗᎦᎵᏍᏗᏙᏗᏍᎪᎢ ᎤᏚᎩ ᎢᎬᏒᎢ ᎢᏓᎵᎮᎵᎪᎢ, ᎠᎴ ᏫᏗᏓᎧᏂᏍᎪᎢ ᎤᏚᎩ ᎢᎬᏐᎢ ᎾᎥᏂᏳ ᎿᏉ ᏗᎵᏱᎵᏒᎢ ᎾᎯᏳ ᎨᏒᎢ ᏂᎦᏗᏳ ᎨᏒ ᎤᏁᎳᏅᎯ ᎠᏂᎾᏰᏍᎩ ᏥᎨᏎᏍᏗ. ᏂᎦᎡᏍᏗ ᎣᏎᏍᏗ ᎾᎯᏳᎢ ᎾᏍᎩ ᎦᎶᏁᏛ ᎤᏤᎵᎪᎯ ᎠᎵᏱᎶᎸᎢ! ᎾᎯᏳ ᎿᏉ ᎾᏍᎩ ᎠᏓᏅᏖᏍᎬᎢ ᎢᏳᎵᏯᏙᏗ ᎡᎶᎯ, ᎾᏍᎩᏯ ᏥᏂᎦᎵᏍᏗᎭ ᎦᎸᎳᏗ. ᎦᎶᏁᏛ ᎤᏓᎨᏳᏗ ᎨᏒ ᏴᏫ ᏥᎨᎨᎳᏍᏗᏍᎪ ᎢᎦᎦᏛ ᎨᏎᏍᏗ ᏂᏚᎩᏨᏂᏒᎢ; ᎠᎴ ᎣᏎᏍᏗ ᎤᏂᏰᎸᏎᏍᏗ ᎤᎬᏫᏳᎯ ᎤᏁᎳᏅᎯ ᎠᎾᏓᏅᏖᏍᎬᎢ ᏂᎪᎯᎸ ᎢᎾ ᎨᏒᎢ.
ᎤᎾᏙᏓᏆᏍᎬ ᎠᏆᎴᏅᎲ ᎯᎠ ᎪᏪᎵᏍᎬᎢ Ꮭ ᏰᎵ ᏙᏗᏂᎳᏫᎥ ᏫᎬᏇᏓᏍᏗ ᏱᎨᏎᎢ. ᏌᏉᏰ ᎥᎩᎸ ᎡᎲᎩ ᏥᎨᏳᎢ ᎨᏒᎩ, ᎠᏂ ᎡᎲ ᎠᏥᏅᏏᏓᏍᏗ ᎨᏒᎩ, ᎾᏍᎩ ᎤᎵᎬᎢ ᏅᏓᎦᎵᏍᏙᏗᏍᎬᎩ ᎠᏴ ᏥᏯᏓᏁᏟᏴᏍᏓᏁᎸᎩ ᏧᎸᏫᏍᏓᏁᏗ ᎨᏒ ᎠᎴ ᏥᏳᏘᏗᏍᏗᏱ ᎠᎩᏰᎸᏅᎩ. ᎠᏎᏃ ᎦᏳᎳ ᎿᏉ
