ᏍᏓᏁᎵ ᎠᏆᏓᏅᏙᎩ? ᎤᏲᏍᏛᏉ, ᏫᎾᏍᏛᎾᏉ ᏛᏆᎴᎾᎵ. ᏝᏍᎪ ᏴᎦᎭᏓᏤᎵᏍᏓ?” “ᎥᏝ, ᏍᎩᎾᏝᎢ, ᎥᏝ ᎯᎸᎯᏳ ᏯᏆᏓᏙᎵᏍᏔᏃᎢ, ᎤᎬᏫᏳᎯ - ᏍᎩᏂᏃᏅ ᎤᏤᎵ ᎠᏓᏙᎵᏍᏙᏗ ᎡᏥ ᎠᏇᏲᏅᎯ ᎾᏍᎩ ᎤᏩᏒ ᏥᎦᏔᎭ.” “Ᏺ, ᎳᏫᏅ, ᎭᏓᏙᎵᏍᏓ ᎯᏔᏲᎭ ᎥᎩᏍᏕᎸᏗᏱ — ᏔᎵᏂᏆᏅᎥᎦ ᎠᎴ ᎯᏔᏲᎭ ᎥᎩᏙᎵᏍᏗᏱ — Ꭷ, ᎳᏫᏅ, ᎠᏎ ᏱᏣᏙᎵᎩᏉ ᎤᏁᎳᏅᎯ ᎾᏍᎩ ᏱᏂᏣᏛᏁᎸ. ᏄᏲᏢᏉ, ᏔᎵᏂᏆᏅᎥᎦ ᎠᎴ ᎯᏯᏓᏙᎵᏍᏓᏏ ᎤᏲ ᎢᏳᏛᎿᏕᎩ ᎠᎴ ᎠᏍᎦᎾ ᏣᏤᎵ ᏄᎬᏫᏳᏌᏕᎩ.” ᎠᏧᏣ ᏚᏢᏫᏎᎮᎢ, ᏄᎬᏫᏳᏌᏕᎩᏃ ᎠᏍᏗᏰᏗᏍᎨᎢ — ᎠᏧᏣ ᏚᏠᏱᎴᎢ, ᏄᎬᏫᏳᏌᏕᎩᏃ ᎤᎵᏰᏔᏁᎢ ᎯᎠ ᏄᏪᏎᎢ. — “ᏣᏁᎳᏅᎯ ᏍᎩᏙᎵᎩ ᏥᏍᎦᏅᎢ.” ᎢᏧᎳ ᎤᏣᏘ ᏚᎾᏠᏱᎴᎢ. “ᎤᏲᏍᏛᏉ ᎳᏫᏅ, ᎤᏁᎳᏅᎯ ᎨᏒ ᏫᏂᎦᎵᏍᏙᏓ ᏔᎵᏂᏆᏅᎥᎦ ᎠᎴ ᎭᏓᏙᎵᏍᏓ ᎯᏔᏲᎭ ᎥᎩᏍᏕᎸᏗᏱ.” ᎠᏥᏍᏘᏰᏗᏍᎬ ᎠᎴ ᎠᏓᏙᎵᎬ ᏅᏧᎵᏍᏔᏁᎢ ᎪᎯᏱ ᎢᏴᏛ ᎠᏧᏣ ᏚᎵᏂᏆᏅᏁᎢ, ᎠᎴ ᏗᎬᏠᏱᏍᏗᏍᎩ ᎯᎠ ᏄᏪᏎᎢ, “ᎤᏲᏍᏛᏉ, ᏣᎬᏫᏳᎯ, ᎯᏯᏙᎵᎩ ᎤᏲ ᎢᏳᏛᎿᏕᎩ ᎠᏲᎱᏍᎩ ᎯᎠ ᎾᏍᎩ ᏄᎬᏫᏳᏌᏕᎩ. ᏣᎬᏫᏳᎯ, ᎤᏲᏉ ᎢᏯᏆᏛᎿᏕᎩ ᎠᏴ, ᏂᏥᎦᏔᎿᎥᎾ, ᎠᎴ ᏥᏍᎦᎾ ᎥᎩᏅᏏᏙᎯᏉ ᏥᏳ ᎠᏂᏂᏙᎲᎢ, ᏣᎬᏫᏳᎯ ᎥᏝ ᏱᏥᎦᏔᎭ ᎢᏯᎩᏪᏍᏗᏱ ᎦᏓᏙᎵᏍᏗᏍᎬᎢ, ᏣᎬᏫᏳᎯ, ᏄᎬᏫᏳᏌᏕᎩ ᎠᎩᏔᏲᏎᎭ ᏥᏯᏓᏙᎵᏍᏓᏁᏗᏱ, ᎠᏎᏃ ᎥᏝ ᏱᏥᎦᏔᎭ ᎢᏯᎩᏪᏍᏗᏉ. ᏣᎬᏫᏳᎯ, ᎯᏯᏙᎵᎩ ᏄᎬᏫᏳᏌᎦᎩ. ᏛᏆᎴᎾᎵᏉ ᎠᏓᎭ, ᏣᎬᏫᏳᎯ, — ᎯᏍᏕᎸ! ᏧᏲᏢᏉ
