ᎠᏕᏒ — ᎠᏎ ᎦᎸᏁᎶᏓ; ᏨᏒ ᎭᏑᏯᎩ ᎾᎿ ᎠᏂᏍᎦᎾ ᎨᏥᏃᎮᏍᎬᎢ, ᎠᎴ ᎦᎨᏥᏍᏕᎸᏗ ᎨᏒ ᎾᎿ ᎧᏃᎮᏍᎬᎢ.” “ᎰᏩᏉ ᏍᎩᎾᏝᎢ, ᎠᏗᎾ ᎢᏤ ᎪᏪᎵ ᏓᎦᏑᏰᏏ ᏓᏥᎪᎵᏰᎢ — ᎤᏟ ᎠᎯᏗᏳ ᎩᏃᎵᏍᏱ ᎾᏍᎩ — ᎡᏥᏰᏃ ᏥᎨᏒ ᎥᏝ ᎪᎱᏍᏗ ᎠᏍᏓᏯ ᎪᎵᏍᏗᏱ ᏳᏓᏑᎸ ᎾᎿᏂ ᎠᏗᏍᎬᎩ.” ᎠᏧᏣ ᏔᎵ ᎢᏳᏟᎶᏛ ᎢᎪᎯᏛ ᏚᎪᎵᏰᎡᎢ, ᏄᎬᏫᏳᏌᏕᎩᏃ ᎤᏂᏏᏗᏱ ᎦᏅᎨᎢ, ᎠᎴ ᎤᏪᎵᎯᏍᏗᏳ ᎤᏓᏅᏖ ᎤᏛᏓᏍᏕ ᎾᏍᎩᏯ ᎠᏍᎦᏯ ᎤᏲᎱᏏᏕᏁ ᏣᏛᏓᏍᏗᏍᎪᎢ. ᏂᎧᏁᏥᏒᏉ ᎠᎪᎵᏰᏍᎬ ᎢᎦ ᎦᎸᏌᏓᏕᎮᎢ ᎤᏓᏅᏛᎢ, ᎤᏍᏆᏂᎪᏐᏅᎯᏃ ᎤᏓᏅᏙᎩ, ᏞᎩᏳ ᎤᎪᎮ ᎠᏍᎦᎾᎯᏳ ᎨᏒ ᎾᏍᎩᏯ ᎯᎸᎯᏳ ᏄᎪᎸᎾ ᎨᏒᎢ. ᎤᏁᎳᏅᎯ ᏚᏳᎪᏛ ᎾᏛᏁᎲ ᏫᎾᏍᏛᎾ ᏓᎩᎵᏲᎢᏍᏗᏍᎬ ᎠᏂᏍᎦᎾ ᎤᏣᏘ ᎤᏍᎦᏍᏓᏁᎮᎢ. ᎠᏛᎩᏍᎨᏍᎩᏂᏃᏅ ᎢᎩᏍᏕᎵᏍᎩ ᎡᎲᎢ, ᎠᏎᏃ TᏳᏛᏁᏗᏱ ᎠᏥᏍᏕᎸᏗ ᎤᎵᏏᎩᏳᏉ ᏄᎵᏍᏓᏁᎮᎢ, ᏝᏃ ᏰᎵ ᎬᏬᎵᏍᏗ ᏱᎨᏎᎢ. ᎤᏒ ᏫᏄᎵᏍᏔᏅ ᎣᏍᏛᏉ ᏄᎸᏅᎾ Ꭸ4 ᎤᏓᏅᏖᏗᏍᏉ ᏄᏍᏛ ᎪᏪᎵ ᎳᏫᏅ ᎤᎪᎵᏰᎸᎢ — ᎠᏎᏃ ᎾᏍᎩ ᎤᏟᏉ ᎤᏃᏴᏘᏍᏓᏁᎮ ᎤᏓᏅᏛ ᎠᎴ ᎤᎾᏰᎯᏍᏗ ᎤᏓᏅᏓᏗᏍᏗᏍᎨᎢ.
ᏫᎤᎩᏨᏅᏃ ᏑᎾᎴᎢ ᏭᏴᎸ ᎠᏧᏣ ᏄᎬᏫᏳᏌᏕᎩ ᎤᏂᏏᏗᏱ, ᎯᎠ ᏄᏪᏎ ᏄᎬᏫᏳᏌᏕᎩ, “ᎳᏫᏅ, ᏝᏃ ᏰᎵ ᏱᎦᎬᏁᏍᏗ ᏙᏱ ᏫᏗᎷᏨᎭ — ᎤᏏᏄᎵᏳ ᏥᏲᎤᏍ — ᏂᎪᎯᎸᎾᏉ ᎿᏉ ᎠᎺᏉᎯ ᏫᏍᎩᏯᏓᎢᏅᏗ ᏅᏓᎦᎵᏍᏔᏂ — ᎠᏎᏃ ᎾᏍᎩ ᏂᎦᏗᏳ ᎠᏎᏉᏉ — ᎠᏆᏓᏅᏙᎩᏍᎩᏂ, ᎤᏲᏍᏛᏉ ᎠᏆᏓᏅᏙᎩ! Ᏺ, ᎳᏫᏅ ᎬᎨᏳᎢ ᎯᏧᏣ, ᎦᏙᏉ ᏛᏆᎵ-
