This page has been proofread.
55
ᎤᏅᏗ ᎦᏃᏗᏍᎩ ᎤᏪᏥ.
ᏍᏗ ᏬᏣᎢᏒᎢ, ᎬᎩᏰᎶᎢᏍᏔᏅᎩ, ᏄᏍᏛ ᎦᏓᏅᏖᏍᎬ ᎬᎩᏲᏍᏙᏓᏁᎸᎩ, ᎠᏗᎾ ᎤᏣᏘ ᎣᏍᏛ ᎠᎩᏰᎸᏗ ᏄᎵᏍᏔᏅᎩ ᎾᏍᎩ ᎯᎠ ᎤᏲᎱᏒᎯ ᎤᏕᏅ ᏏᏓᏁᎸ ᎢᏳᎵᏍᏙᏔᏅᎯ ᎠᎾTᏒ ᎣᏂᏗᏢ ᎠᏁᎩ ᎤᎾᎴᏅᎲ ᏚᏂᏃᎩᏒᎩ. ᎥᏝ ᎪᎱᏍᏗ ᎤᏟ ᏱᏂᎦᏲᎯ ᎠᎴ Ꮭ ᎪᎱᏍᏗ ᎤᏟ ᎢᎦᎢ ᎣᏓᏅᏖᏙᏗ ᏱᎦᎩ ᏄᎵᏍᏔᏅᎩ.
ᎿᏉᏃ ᏗᎦᎳᏫᎢᏍᏗᏱ ᏧᎩᎷᏨᎩ. ᎾᏍᎩᏃ ᏙᎩᎸᏫᏍᏓᏁᎲᎢ ᎤᏣᏘ ᎣᏏᏳ ᎤᏂᏰᎸᏒᎩ ᎣᏍᏛ ᎤᎾᏛᏓᏍᏔᏅᎩ. ᏗᏓᏂᏐᏗᏱᏃ ᏬᎩᎷᏨ ᏘᎧᏃ ᎩᏍᏗ ᎠᏏ ᎾᏲᎱᏍᎬᎾ ᎨᏒ ᎤᏩᏒ ᎤᏑᏰᏒᎯ ᎵᏏ ᏙᎩᏃᎩᏒᎩ. ᏂᎦᏗᏳ ᎤᏁᎳᏅᎯ ᎤᎾᎦᏌᏯᏍᏓ ᏂᎦᎵᏍᏗᏍᎬᎩ, ᎠᎴ ᏄᏣᎵᏏᎾᎯᏍᏛᎾᏉ ᎠᎴ ᎣᏍᏛᏉ ᏅᏩᎾᏓᏅᏘ ᏂᎦᎵᏍᏗᏍᎬᎩ. ᎿᏉ ᎣᏥᏂᏌᏅᎩ, ᎥᏝ ᎠᎴ ᎦᏲᎦᏜᏏᏛᎡᏗ ᏱᏂᎦᎵᏍᏗᏍᎨ ᎤᏣᏔᏅᎯᏉ ᎤᎵᎮᎵᏍᏗ ᎤᏓᏅᏛ ᏙᏗᎠᎴᏂᏒ ᎤᏲᎱᏒᎯ ᎨᏒᎢ.
ᎾᏍᎩ ᎯᎠ ᏄᎵᏍᏔᏅᎩ ᏦᏣᎦᏃᏗᏱ ᎢᎬᏱᏢ ᏄᎵᏍᏔᏅ ᏞᎦ ᎣᎦᏕᎵᏍᏓᏁᎯ. ᎣᎦᏂᎩᎡᎸ ᎠᎴ ᎥᏝ ᎿᏉ ᎬᎪᏩᏛᏗ ᏱᎩ. ᎠᏎᏃ ᎿᏉ ᎤᎵᏍᏆᎸᏗ ᎢᎦ ᎨᏎᏍᏗ ᎿᏉ ᏔᎵᏁ ᎠᎪᏩᏛᏗ ᎢᎨᏎᏍᏗ ᎤᏍᏕᎵᏍᎩ ᎤᏬᎸᎢ ᎠᎦᏘᏏ ᎢᏗᏢ; ᎠᎴ ᎾᏍᎩᏉ ᎠᏥᎸᏉᏙᏗ ᎬᏂᎨᏒ ᏂᎦᎵᏍᏗᏍᎨᏍᏗ ᎤᏍᏆᏂᎪᏗᏳ ᎨᏒᎢ ᏄᏍᏛ ᎤᎿᏙᎵᏍᏗᏱ ᏚᎸᏫᏍᏓᏁᎸᎢ.
ᏗᏍᎩᎪᎵᏰᎯ ᎯᎠ ᏥᎪᏪᎸᎦ, ᏤᎿᎢ ᏱᎾᎩ ᎠᎴ ᎤᏲᏉ ᎢᏣᏛᎿᏕᎩ ᏱᎾᎩ, ᏥᎪ ᎾᏍᏉ ᎠᏴ ᎩᏂᎾᏄᎪᎢᏍᏗ ᎢᎨᏎᏍᏗ ᎾᎯᏳᎢ? ᏥᎪ ᎩᎾᏓᏙᎵᏍᏗ
