Page:The dairyman’s daughter; Bob the sailor boy.pdf/60

From Wikisource
Jump to navigation Jump to search
This page has been validated.
56
ᎤᏅᏗ ᎦᏃᏗᏍᎩ ᎤᏪᏥ.

ᎨᏒ ᎩᎾᏣᏅᏗ? ᏥᎪ ᏓᎾᏓᏨᏍᏗᏍᎬ ᏗᏄᏬ ᏭᎩᎾᏄᏪᏍᏗ, ᎾᏍᎩ ᎠᏍᎦᏂ ᏂᎨᏒᎾ ᎨᏒ ᎩᏂ- ᏍᏕᎵᏍᎩ ᏥᎦᏛᎦ ? ᏥᎪ ᎤᏁᎳᏅᎯ ᏗᏰᎸᎯ ᏕᎩᏂᏲᏒ ᎬᏂᏛ ᎤᏁᎳᏅᎯ ᎪᎱᏍᏗ ᎡᎾᏛᏁᏗᏱ ᎤᏟ ᎩᏂᏰᎸᏅ? ᏥᎪ ᎢᎾᏓᏅᏖᎭ ᏂᎦᎥ ᎩᏂᏂᎦᏂᏳ ᎨᏒᎢ, ᎠᎴ ᎩᏂᏍᏕᎵᏍᎩ ᎨᏒ ᎢᏗᏢ ᏫᎾᏓᎾᏫ- ᏍᏙᏗᎭ ᎡᎩᏂᏍᏕᎸᏗᏱ ᎠᎴ ᎡᎩᎾᎵᏂᎪᎯᏍᏙᏗᏱ? ᏥᎪ ᎾᏍᎩ ᎡᎲ ᎩᎾᏛᎿᏗᏍᏗ? ᎾᏍᎩᏉᏍᎪ ᎤᏩᏒ ᏂᎦᎥ ᎡᏂᏰᎸᎢ ᎢᎩ? ᎠᎴ ᏗᎩᏂᏲᎱᏒᎯ ᎨᏒᎢ ᎿᏉᏍᎪ ᏔᎵᏁ ᎢᏁᎭ? ᏍᎩᎪᎵᏰᎯ ᎯᎠ ᏥᎪᏪᎸᎦ ᎤᏲ ᎢᏣᏛᎿᏕᎩ ᏱᎩ, ᎤᏅᏗ ᎦᏃᏗᏍᎩ ᎤᏪᏥ ᎠᏛ ᎾᏍᏉ ᎤᏲ ᎢᏳᏛᎿᏕᎩ ᎨᏒᎩ; ᎠᎴ ᎤᏲᏉ ᎢᏳᎾᏛᎿᏕᎩ ᎤᏁᏥ ᎨᏒᎩ. ᎾᏍᎩ ᎯᎠ ᏄᏍᏛ ᎾᏍᎩ ᏕᏍᏓᏤWᎦ. ᎠᏎᏃ ᎾᏍᎩ ᎦᎶᏁᏛ ᏄᏍᏛ ᎤᎴᏂᏤᎸᎢ ᎾᏍᎩᏯ ᎤᎴᏂᏙᎸᎢ ᎾᏍᏉᏍᎪ ᏂᎯ ᎾᏍᎩ ᏂᎤᏍᏗ ᏕᏍᏓᏤᎳᎬᎢ? ᏥᎪ ᎤᏣᏔᏅᎯ ᏤᎿᎢᏳ ᏂᎤᎵᏍᏔᏅ ᏦᎯᏳᏒᎢ? ᏥᎪ ᎡᏣᏛᏅ- ᎢᏍᏓᏁᎸᎯᏉ ᎢᎩ ᏣᎵᏍᏚᎶᏗ? ᏥᎪ ᏣᏓᏅᏙᎩᏱ ᏫᏂᏨᏅᎢ ᎦᎸᎳᏗᏉ ᏦᏒ ᏫᎨᏅᎢᏍᏗ ᎨᏒ ᏣᎬᏫᏳᏗ? ᎢᏳᏃ ᎾᏍᎩ ᏄᏍᏛᎾ ᎢᎨᏎᏍᏗ, ᏥᎭᎴᏂᏌ ᎯᎠ ᏥᎯᎪᎵᏯ, ᎠᎴ ᎭᏓᏙᎵᏍᏗᏍᎨᏍᏗ ᎾᏍᎩ ᎢᏲᏍᏛ ᏦᎯᏳᏗᏱ. ᎢᏳᏍᎩᏂ ᎡᏣᎵᏍᎪ- ᎸᏓᏁᎸᎯ ᎨᏒ ᏅᏗᎦᎵᏍᏙᏗᏍᎨᏍᏗ ᎯᎨᏳᎢᏳ ᎢᎨᏎᏍᏗ ᎢᎩᏍᏕᎵᏍᎩ, ᎠᎴ ᎪᎱᏍᏗ ᎯᏯᏛᏁᎯ ᎢᎨᏎᏍᏗ, ᎾᏍᎩ ᎤᏅᏗ ᎦᏃᏗᏍᎩ ᎤᏪᏥ ᎤᏍᏕᎸᏛ ᏥᎩ, ᎿᏉ ᎯᎠ ᎢᎬᏪ4Ꮧ ᏂᎦᎵᏍᏗᎭ, ᏅᏩᏙᎯ- ᏯᏛᏉ ᏥᏣᏛᏁᏍᏗ, ᎠᎴ ᎡᏣᏙᎵᏍᏗᎹ ᏫᏂᎦᎵ-

Retrieved from "https://wikisource.org/w/index.php?title=Page:The_dairyman’s_daughter;_Bob_the_sailor_boy.pdf/60&oldid=863983"