This page has been proofread.
54
ᎤᏅᏗ ᎦᏃᏗᏍᎩ ᎤᏪᏥ.
ᎠᏗᎾ ᎿᏉ ᎣᎦᏂᎩᏍᏗ ᏗᎦᎳᏫ ᎢᏍᏗᏱ ᏬᎩᎶᎯᏍᏗᏱ ᎤᎵᏱᎶᎸᎩ. ᎿᏉᏃ ᎤᎵᏍᏆᎸᏗ ᎦᏥᏯᎦᎿᏅ ᎤᏲᎱᎡᎯ ᎤᏣᏘ ᎪᎷᏩᏛᎲᏘ ᏂᎦᎵᏍᏗᏍᎬ ᏗᎧᏃᏗᏱ. ᎬᏂᎨᏒᎢᏳ ᏂᎦᎵᏍᏙᏗᏍᎬ ᎤᏤᏣᏍᏙᏗ ᎨᏒ ᎿᏉ ᎤᏲᎱᏒ. ᎠᏏ ᎾᏍᎩᏉ ᏅᎤᏍᏛᎩ, ᎠᎴ ᎾᏍᎩ ᎬᏂᎨᏒ ᎢᎬᏁᎯ ᎥᎨᏒᎩ ᏅᏩᏙᎯᏛᏉ ᎤᏓᏅᏙᎩᏱ ᎤᏂᎩᏒᎢ. ᎾᏍᎩᏃ ᎠᏎ ᎢᏧᏅᏁᏗ ᎨᏒ ᎾᎥ ᎢᏳᎾᏓᎵ ᏧᎦᎶᎬ ᏗᏤ ᎠᎴ ᎤᏥᎸᏅᏅᎯ ᎤᎾᏣᏅᏛᎩ ᎦᏁᏌᎢᏱ ᎦᎸᎢ. ᎤᏙᎯᎶᎯᏍᎩᏂᏃᏅ ᎾᏍᎩ ᎤᎸᏅᏅᎯ ᎧᎾᏍᎬᎩᏉ ᎨᏒᎩ, ᎠᏎᏃ ᎾᏍᎩ ᎠᏆᏅᏓᏗᏍᏔᏅᎩ ᎾᏍᎩ ᏦᏒᎢ ᏅᎿ ᎠᎵᏍᏆᏗᏍᎩ ᏂᎨᏒᎾ ᎤᏥᎸᎿᎥᎢ ᎠᎴ ᎾᏍᎩ ᎤᎵᏍᏆᏕᎸᎯ ᎤᏓᏅᏙᎩᎯ ᎠᏲᎱᏍᎩ ᏂᎨᏒᎾ ᏭᎵᏙᎯᏍᏛᎢ. ᎠᏆᏅᏓᏛ ᎤᎵᏍᏆᎸᏗ ᎦᏬᏂᏍᎬ ᎠᏆᏛᎦᏅᎢ, ᎠᎴ ᎾᏆᏅᏓᏗᏍᏗᏗᏒ ᎯᎠ ᏥᏃᎯ ᎠᏓᏅᏓᏗᏍᏗ ᏥᏂᎬᏅ, ᎤᏙᎯᏳᎯᏯ ᎠᏲᎱᎯᏍᏗ ᎨᏒ ᎠᏓᏎᎪᎩᏛ ᎨᏒ ᎤᏃᏴᏘᏍᏔᏅ. ᎿᏉᏃ Ꮩ ᎠᏆᏓᏅᏒᎩ ᎠᎴ ᎯᎠ ᎾᏇᎵᏒᎩ; ᏅᏩᏙᎯᏯᏛᏉ ᏫᏂᏣᏛᏁᏍᏗ ᎠᎴ ᎢᏧᎳ ᏅᏩᏙᎯᏯᏛᏉ ᏂᎩᎾᏛᏁᏍᏗ, ᎬᏂ ᎨᏍᏙᏗ ᏗᎨᏒ ᏫᏗᎩᎾᏠᏏᎯᏍᏗ ᏂᎦᎵᏍᏔᏅᎭ, ᏗᎩᎾᏓᎨᏨᎯ ᎥᎩᏙ.
Ꮭ ᏳᏬᎯᏤ ᎿᏉ ᎤᎾᏓᏅᎿᏅᎩ, ᎤᏟ ᎠᏗᎾ ᎢᎦᎢ ᎠᎦᏌᏯᏍᏙᏗ ᎤᎵᏍᎨᏛ ᎠᏰᎸᏗ ᏂᎦᎵᏍᏗᏍᎬᎩ, ᏅᏓᎦᎵᏍᏙᏗᏍᎬ ᎤᏂᏣᏘ ᎤᎾᏓᏅᏖᏗᏍᎩ ᎠᎴ ᏧᎾᏁᎶᏗ ᎠᏂᏍᏓᏩᏗᏒ ᎦᏁᏌᎢ ᎠᏥᎸᏗᏗᏒᎢ.
ᎿᏉ ᎠᏍᎪᎯᎫᏈ ᎢᎦᎳᏛᎯ ᎢᏴᏛ ᎠᏄᏬ ᎤᏁᎳ-
