Page:The dairyman’s daughter; Bob the sailor boy.pdf/45

41

ᎤᏅᏗ ᎦᏃᏗᏍᎩ ᎤᏪᏥ.

Ꮀ ᎦᎵᎡᎵᎦ ᏂᎯ ᎬᎪᏩᏘᏍᎬ ᎢᏧᏤᎧᏂ ᎣᏍᏗᏯᏫᏍᎩ ᎬᏰᎵᏎᎭ. ᎦᏓᎴᎿᎠᏍᎩᏂᏃᏅ ᎩᎾᏣᏅᏗ ᎨᏒ ᎡᎩᏂᎪᎡᏗᏱ ᎠᏎᏃ ᎤᏚᎩᏉ ᎬᏍᎦ ᏤᏂᎦᎿᏩᏛᏒᎯᏉ ᎨᏒ ᏌᏉ ᎠᏍᎦᏰᎬᏍᏓ ᎩᏂᏁᏤᎵᏙᎲᎢ. ᏓᏁᏏ ᎠᏗᎾ, ᎥᏥᏲᏎᎸᎩ.

ᏄᏬᎯᏨᎾᏉ ᎿᏉ ᎠᏆᏛᏅᎢᏍᏔᏃᏅᎯ ᎠᏆᎩᎸᏗᏱ ᎥᎨᏒᎩ. ᎾᏍᎩᏃ ᎠᏯᏫᏍᎩ ᎦᎢᏒ ᎤᏲᏗᏢ ᎠᎢᏒᎩ, ᎠᎴ ᎣᏍᏛ ᎠᏆᏓᏅᏓᏗᏍᏗᏍᎬ ᎣᏒ ᎠᏆᎵᏃᎮᏗᏍᎬᎢ ᎠᎴ ᏗᎧᎿᏩᏕᎩ ᎨᏒ ᎬᏂᏳ ᏂᎦᎵᏍᏗᏍᎬᎩ ᎦᏬᏂᏍᎬᎢ. ᎠᎩᏃᏁᎸᎩ ᎾᏍᎩ ᎬᏜᏏᏛᎡᏗ ᏂᎨᏒᎾ ᎬᏂᎨᏒ ᎢᎬᏁᎯ ᎣᏏᏳ ᎤᏓᏅᏖᏗᏱ ᎨᏒ ᎤᏅᏗ ᎦᏃᏗᏍᎩ ᎤᏪᏥ ᎾᏍᎩ ᎤᏙᎴᎰᎯᏍᏓᏁᎸ ᏄᏬᎯᏨᎾᏉ ᎤᎾᎵᏃᎮᎸᎯ ᎨᏒᎢ.

ᎤᏣᏘᎧ ᏧᎬᏩᎶᏗ ᎢᎦᎦᏘ ᏅᏯ ᏓᏤᎸ, ᎠᎴ ᎥᏝ ᎪᎯᏗᏳ ᏱᎩ ᎿᏉ ᎤᏟ ᎤᏍᎪᏏᏳ ᎨᏎᏍᏗ ᎡᏍᎦᏉ ᏄᏂᏍᎪᏒ ᎨᏎᏍᏗ ᎢᎦᎦᏘ ᏅᏯ ᎠᏂ ᎡᎶᎯ ᎠᏁᎯ, ᎤᏛᏅᎩ.

ᎣᏍᏓᎵᏃᎮᏍᎬ ᎣᎩᎾᎵᏛᏙᏓᏁᎸ ᏂᏋᏅᎯᏒ ᏅᏃᎯ, ᎠᎴ ᏧᏏᏄᎳᏙᏉ ᎢᏳᏍᏗ ᏄᎵᏍᏔᏅ ᏂᎪᎯᎸ ᎣᎩᏁᏅᏍᏔᏅ, ᎬᏂ ᎾᎥ ᎤᏅᏗ ᎦᏃᏗᏍᎩ ᏗᎦᏁᎸ ᏬᎩᏂᎷᏨ. ᎿᏉᏃ ᎡᎳᏪ ᎣᎩᏅᏅᎩ. ᎠᏲᎱᎯᏍᏗ ᎨᏒᎢ ᎠᎴ ᎠᎵᏍᏆᏗᏍᎩ ᏂᎨᏒᎾ ᏩᏕᏗᏱ ᎠᎴ ᎥᏓᏗᏍᏕᎸᏗ ᎨᏒᎢ ᎠᏆᏓᏅᏖᏗ ᎾᏆᎵᏍᏓᏁᎸᎩ, ᏅᏓᎦᎵᏍᏙᏗᏍᎬ ᎾᏍᎩ ᎠᏓᏁᎸ ᏥᎪᏩᏘᏍᎬ ᎾᎿ ᏧᏁᎶᏗ ᎤᎵᏍᏆᏕᎲᎢ. ᎠᏗᎾ ᎥᏝ ᏯᏆᏜᏏᏛᎡ ᎾᏍᎩᏯᏉ ᎾᏍᏉ ᎤᏓᏅᏓᏗᏍᏔᏅ ᎣᏍᏕᎯ.