This page has been proofread.
40
ᎤᏅᏗ ᎦᏃᏗᏍᎩ ᎤᏪᏥ.
ᏁᎷᎬᎢ, ᎠᎴ ᎩᎳ ᎠᎾᎴᏂᏍᎬ ᏥᏍᏆ ᏒᏃᏱ ᎠᏁᎷᎲᏍᎩ ᎤᏁᎷᎬᎢ, ᎾᏍᎩ ᎦᏛᎩᏍᎬ ᎤᏟᏉ ᎢᎦᎢ ᎧᏁᏉᏍᎬ, ᎥᏝᏃ ᎡᏍᎦᏉ ᏱᏂᎬᏁᎮ ᏅᏩᏙᎯᏯᏛᏉ ᎨᏒ ᎾᎯᏳ ᎤᏒᎢ, ᎠᎴ ᎾᏍᏉ ᎾᏍᎩᏯᏉ ᏂᎦᎵᏍᏗᏍᎬᎢ ᎾᏍᎩ ᏅᏩᏙᎯᏯᏛ ᎨᏒ ᎠᏆᏓᏅᏛᎢ. ᎠᎴ ᎾᏍᏉ ᎾᏍᎩ ᎦᏂᎳᏗᏍᎩ ᏂᎬᏁᎲ ᎠᏆᏓᏅᏖᏗᏱ ᏄᏍᏛ ᎠᏆᏓᏅᏖᎸ ᏩᏆᏓᏩᏛᎲᎢ. ᏯᏃᏃ ᎠᎪᏩᏛᎲᏗ ᏥᎩ ᎢᏴᏛᎭ ᎤᏣᏔᏅᎯ ᎤᏬᏚᎯᏳ ᏅᎦᎵᏍᏗᏍᎬᎩ ᎾᏍᎩ ᎬᏂᎨᏒ ᎢᎬᏁᎯ ᎥᎨᏒ ᎤᏁᎳᏅᎯ ᎢᎨᏲᏅᎯ ᏥᎩ.
ᏄᏬᎯᏨᎾᏉᏃ ᎣᏂ ᎿᏉ ᏓᏴᎩᏯᏅᎩ ᎿᏉ ᎠᏲᎱᏍᎬ ᏓᏴᎩᏃᏁᎸᎩ. ᎠᏯᏫᏍᎩ ᎾᏍᎩ ᏄᏍᏛ ᎠᎩᏃᏁᎵᎸᎩ; ᎾᏍᎩᏃ ᎯᎠ ᎠᏯᏫᏍᎩ ᏣᎦᎦᏃᏗᏱ ᎬᏂᎨᏒᎢᏳ ᎨᏒᎩ ᎤᏣᏘ ᎤᏓᏅᏖᏗᏍᎩ ᎨᏒᎢ ᎠᎴ ᎣᏏᏳ ᎤᏓᏅᏖᏗᏱ ᎨᏒᎢ, ᎠᎴ ᎤᏁᎳᏅᎯ ᏗᎧᎿᏩᏕᎩ ᎨᏒᎢ.
ᎵᏏ ᏧᎦᏴᎵᎨ ᏗᎬᎩᏅᏒ, ᎠᏗᎾ ᎤᏩᏒ ᎤᏔᏲᎸᎯ, ᎾᏍᎩ ᎨᏣᎪᏩᏛᏗᏱ ᎤᎾᏚᎵᏍᎬ ᎬᏃᏁᎵᎸ. ᏭᏕᏗᏱ ᏩᎦᏘ ᎠᎴ Ꮀ ᎿᏉ ᎤᏂᎩᏏᏗᏉ, ᎤᏛᏅᎩ.
ᎪᎯᎩᏍᎪ ᎾᎯᎦᏔᎮᎢ, ᎥᏥᏲᏎᎸᎩ.
ᏏᏅᏙᏉ ᏅᏩᏍᏗ, ᎤᏛᏅᎩ. ᎠᏎ Ꮀ ᎢᎣᎯ ᎢᎠᎩᏰᎸᎭ ᎦᏥᏩᏛᏗᏱ ᏧᏂᏢᎩ ᎨᏒᎢ; ᎾᏍᎩᏃ ᎯᎠ ᎤᏢᎬ ᎤᏣᏘ ᎠᏓᏅᏖᏍᎩ ᎣᏥᏅ ᎾᎥ ᎦᏁᎳ ᎠᎩᏃᏁᎸᎩ, ᎥᏥᏯᎦᏔᏅᏒᏃ, ᎠᎴ ᏥᏯᎵᎡᎵᏤᏉ ᎤᏁᎳᏅᎯ ᎾᏍᎩ ᏰᎵ ᎬᏇᏅᏍᏗ ᏄᎵᏍᏔᏅᎢ. ᎾᏍᎩ ᎯᎠ ᎠᏛ ᎤᏬᏂᏏᏙᎸ ᎤᏣᏘ ᎪᎱᏍᏗ ᎠᏋᏙᏗ ᏄᎵᏍᏔᏅ, ᎤᏛᏅᎩ.
