Page:The dairyman’s daughter; Bob the sailor boy.pdf/43

39

ᎤᏅᏗ ᎦᏃᏗᏍᎩ ᎤᏪᏥ.

ᎨᏒ ᎠᏐᏴ ᎠᏎᏃ ᏂᎬ ᎦᎵᏦᏕ ᎥᏝ ᎡᏍᎦ ᎢᏴᏛ ᏱᎨᏎ ᎦᏓ ᏄᏅᎦᎸᎾ ᎨᏒᎢ, ᎠᎴ ᎾᏍᏉ ᎦᎵᏦᏕ ᎠᎿᎥᎢ ᎾᏍᎩᏉ ᏄᏍᏛᎩ. ᏧᎾᏁᎶᏗ ᏓᏂᏁᎸᎢ, ᎤᏲᏉ ᎾᏍᏉ ᎢᏳᎾᏛᎿᏕᎩ ᏱᎾᎩ, ᎠᏎ ᎤᏓᎵᏁᎯᏯᏛ ᏥᏂᎤᏅᏃ ᎦᎵᏦᏕ; ᎠᏎᏃ ᎤᏎᎦᏨᎯᏉ ᏅᏙ ᎤᎦᎵᏐ ᎠᏓᏁᎸ ᎾᏍᎩ ᎢᏲᏍᏛᎢᎬᎿ ᎦᎵᏦᏕ ᎾᏍᎩ ᎯᎠ ᏃᏒ ᏂᎬᏅᎢ.

ᎾᏍᎩ ᎯᎠ ᏄᏍᎪᏒ ᎢᎦ ᎦᏘᏍᏗᏍᎬ ᎿᏉ ᏭᏕᎵᎬ ᏅᏙ ᎾᏍᎩ ᏗᎬᏟᎶᏯᏓᏁᏗ ᏂᎦᎵᏍᏗᏍᎬᎩ ᎯᎠ Ꮀ ᎩᎳᏉ ᏅᏩᏛᏏᎶᏛ ᏧᏁᎶᏗ ᎿᏉ ᎤᎵᏍᏆᏗᏗᏒ ᎠᏂ ᎡᎶᎯ ᎡᎲᎢ. Ꮎ ᎦᎵᏦᏕ ᎠᏓᎨᏗ ᎦᏛᎢ ᏩᎦᎵᏍᎬ ᏙᏓᏳᎸᏌᏓᏗᏍᏛ ᎠᏛ ᎤᎧᏛᎢ. ᎾᏍᎩᏃ ᎤᏬᏓᎸ ᎨᏒᎩ ᎠᎴ ᎤᎴᏐᎥᎯ ᎨᏒᎩ ᏗᎧᏃᏗᏱ, ᎠᏎᏃ ᏅᏩᏙᎯ ᏯᏛᏉ ᎤᏓᏅᏘ ᎨᏒ, ᎠᎴ ᏧᏓᏲᏒᎯᏉ ᎠᎴ ᎤᎵᏂᎩᏗᏳᏉ ᎤᏓᏅᏘ ᎨᏒ, ᎠᎴ ᏄᏠᎾᏍᏛᎾ ᎤᏓᏙᎵᏍᏗ ᎨᏒ, ᎾᏍᎩ ᎯᎠ ᏂᎦᏛ ᎬᏙᎴᎰᎯᏍᏓᏁᏗ ᏂᎦᎵᏍᏗᏍᎬ ᏄᏍᏛ ᎤᏓᏅᏛᎢ.

ᎠᏏᏃ ᏞᎦ ᎣᎩᎾᎵᏃᎮᎸᎩ, ᎿᏉᏃ ᏞᎦ ᎣᎦᏓᏉᎵᏍᏔᏅᎩ, ᎾᏍᎩ ᎯᎠ ᏭᎵᏍᏆᎸᏔᏅᎩ ᎾᎯᏳ ᏙᎦᏓᎪᎲᎢ.

ᎿᏉᏃ ᎤᎵᏏᏂᏕᎾ ᎥᎦᎢᏒ ᏗᏇᎾᏒ ᏮᏥᎦᏛ ᎤᎵᏙᎯᏍᏔᏃᏅᎯᏉ ᎨᏱ ᎠᎦᏖᎾᏍᏗᏱ ᎬᏩᏚᏫᏛ. ᏩᎦ ᎠᎾᏴᎬᎢ, ᎠᎴ ᎠᏫ ᏧᏂᏃᏕᎾ ᎩᎳ ᎠᏐᏱ ᏗᎨᏥᏴᏔᏃᏅᎯ ᎨᏒ ᎠᎾᏴᎬᎢ, ᎠᎴ ᎾᏍᏉ ᏥᏍAᏴ ᏒᏃᏱ ᎠᏁᎯ ᎤᏂᏍᏆᏃᏴᏍᏛᎢ, ᎠᎴ ᎢᏅ ᏧᏍᏆᏃᏴᎬ ᎠᎺᏉᎯ, ᎠᎴ ᎿᏉ ᏓᎾᎭᏗᏍᎬ ᏥᏍᏆ Ꭴ-