This page has been proofread.
42
ᎤᏅᏗ ᎦᏃᏗᏍᎩ ᎤᏪᏥ.
Ꮭ ᎠᏏ ᏲᏍᏗᎪᏩᏘᏍᎨ ᎪᎢᏍᏗ ᎬᏃᏛ, ᎩᎵ ᎤᏩᏒ ᎤᏅᏗ ᎦᏃᏗᏍᎩ ᎤᏤᎵ, ᎾᏍᎩ ᎦᎶᎯᏍᏗᏳᎶᏗ ᎡᎳᏪ ᏣᏯᏫᏍᎪ ᏅᏩᏍᏛᎩ; ᎢᏳᏍᏗᎭᏰᏃ ᏥᎷᎩ ᏗᏆᏏᏫᏍᎩ ᎨᏒᎩ ᎾᏍᎩ ᎤᏲ ᎤᎾᏓᏅᏛ ᎾᎿ ᎠᏂᏁᎳ ᎾᏍᏉ ᏧᏪᎳᏗᏍᏗᏍᎪ ᎤᏲ ᏧᏓᏅᏙ ᏓᏤᎳᎬᎩ, ᎾᏍᎩᏃ ᏄᏚᎵᏍᎬᎾᏉ ᏥᎨᏐ ᎤᎵᏍᏗ ᏧᎵᎲᏘᏍᏓᏁᏗᏱ ᎣᎩᎷᏨ ᎠᎴ ᎤᏲ ᏧᏓᏅᏓᏗᏍᏗᏱ ᏂᎬᏩᏍᏛᎩ. ᏙᏓᏳᎴᏅᎩ ᎣᏂ ᏅᏓᎦᏄᎪᎢᏍᏗᏱ ᎤᎷᏥᎸᎩ, ᎿᏉᏃ ᎤᎦᏔᎲᏒᎩ. ᏗᏓᏁᎸ ᎦᎶᎯᏍᏗᏱ ᏫᏚᎧᎿᏅᎩ ᏣᎦᏔᎰᏉ ᎢᎦᎦᏛ ᏂᎦᎥ ᎤᏲ Ꭴ ᎾᏓᏅᏛ ᎾᎿ ᎠᏂᏯᎢ. ᎠᎴ ᎾᏍᏉ ᎯᎠ ᎢᏳᏪᏍᏗᏱ ᏧᏚᎵᏍᎪ ᎢᎦᎦᏛ ᏅᎦᎵᏍᏗᏍᎬᎩ, ᏞᏍᏗ ᎢᏍᏓᏓᏃᏴᎵᏍᏔᏅ ᏫᏍᏗᏴᎸ, ᎠᎩᎾᏝᎢᎾᏏ ᎤᎧᎵᏦᏅᎯᏉ ᎤᏲ ᎤᏓᏅᏛᎢ.
Ꮩ ᎠᎩᏍᏚᎢᏒᎩ ᎦᎶᎯᏍᏗᏱ. ᎥᏝ ᎠᏏ ᎩᎶ ᏲᏍᏗᎪᏩᏘᏍᎨᎢ ᎠᎴ ᎡᎶᏪᎯᏲᏦᏅᎯᏉ ᎨᏒᎩ. ᎣᏂᏉᏃ ᎠᎢᏒ ᎠᏯᏫᏍᎩ. ᏬᎩᏂᎷᏨ ᎠᎩᎳᏫᏍᏗᏱ, ᎿᏉ ᎠᏂᎷᎩ, ᏓᏳᏛᏅ ᏩᏉᎵᏨ ᎤᏛᏐᏅᎯ ᎧᏁᎬᎢ; ᎿᏉ ᎠᏂᎷᎩ, ᎤᏛᏅᎩ.
ᎾᏍᎩᏃ ᎠᎩᎳᏫᏍᏗᏱ ᏩᎩᎳᏫᏐᎲᏍᎬ ᏓᏳMᏨᎩ, ᏫᏥᏯᏎᎵᏓᏁᎸ ᏙᎩᎾᏓᏂᏴᎲᎩ, ᎠᏎᏃ ᎥᏝ ᎪᎱᏍᏗ ᏯᏆᏛᏁᎢ. ᏬᎩᎾᎩᎳᏫᏐᏅᏃ ᏫᏥᎪᎥ ᎤᏓᎦᏴᎵᎨ ᎾᏍᎩ ᎤᏪᏥ ᎠᏫᏅ ᎤᏍᏕᎵᏍᎬ ᎠᏛ ᎤᎾᏓᎾᏍᏓᎢBᏙᏛᎩ. ᎤᏙᏃ ᎤᏓᎵᎢ ᎠᏦᎳᏅᎤᎶᏗ ᏛᏠᏱᎲᎩ ᎠᏲᎵ ᏓᏳᏄᎸᎩ. ᏦᎢᎭᏃ ᎢᏯᏂᏛ ᏄᎾᏓᎴ ᎠᎾᏓᎦᏘᏯᏕᎬᎩ.
ᎦᏂᏢ ᎾᎥ ᎠᎩᏅᎩ. ᎠᎦᏴᎵᎨ Ꮭ ᏰᎵ ᏗᎬᏩᏠ-
