Page:The dairyman’s daughter; Bob the sailor boy.pdf/40

36

ᎤᏅᏗ ᎦᏃᏗᏍᎩ ᎤᏪᏥ.

ᏧᏓᎿᏩᏛ. ᎢᎦᎿᏅᏖᏍᎪ ᎤᏲᎱᏒᎢ, ᎠᎴ ᎢᎠᏇᎵᎯᏍᎪ ᎠᏍᎦᏂ ᎠᏴ ᎠᏇᎲᎢ ᏥᏲᎤᏜᏎᏗᏱ, ᎾᏍᎩ ᎠᏆᏓᎵᏁᎯᏕᎲᎢ ᎿᏉ ᎤᏍᏗᏥᎯᏍᏗᏱᏉ ᎠᏆᏚᎵᏍᎪᎢ. ᎯᎸᎯᏳ ᎢᎦᏓᏅᏖᏍᎪ ᎤᏲᎱᏒ ᏧᎴᎯᏌᏅᎯ ᎨᏒᎢ, ᎠᎴ ᎤᏚᎩ ᎠᏋᎭ ᎾᏍᏉ ᎠᏇᎶᎯᏍᏗ ᎨᏒᎢ ᎾᏍᎩ; ᎠᏆᏙᎴᎰᏒᎯᏰᏃ ᎢᎩ ᎤᏟ ᎢᎦᎢ ᎠᎩᎨᏳᎯ ᎨᏒ ᎦᎸᎳᏗᏢᏉ ᎡᎯ ᎤᏩᏒᎯᏳ ᎨᏒᎢ. ᎠᏎᏃ ᎤᏟ ᎢᎦᎢ ᎠᎩᏄᎯᏍᏗᏍᎩ ᏂᎦᎵᏍᏗ ᎦᏓᏅᏖᏍᎬ ᎠᎩᎦᏴᎵᎨ ᏅᏬᎸ ᎠᎦᏘᏏ ᎢᏗᏢ ᏫᏄᏛᏅᎢ ᏭᏍᏗᏰᏛ ᏩᏔᏲᎯᎲ ᎠᏴ ᎣᏍᏛ ᎢᏯᏆᎵᏍᏓᏁᏗ, ᎠᎴ ᏗᎦᎬᏆᏓᏂᎸᏤᏗ ᏫᏂᎬᏁᎲ ᎡᏍᎪᎯᏳᏉ ᏍᎩᏂᏃᏅ ᎦᏓᏙᎵᏍᏗᏍᎬᎢ, ᎾᏍᎩ ᎠᏋᏒ ᎣᏍᏛ ᎢᏍᏆᎵᏍᏓᏁᏗ ᎨᏒᎢ, ᎠᎴ ᎤᏚᎩᏉ ᎠᏕᎭ ᏦᎦᏓᎨᏳᎯ ᎣᏍᏛ ᎢᏳᎾᎵᏍᏓᏁᏗ ᏥᏔᏲᎯᎲᎢ ᎾᏍᏉ ᏨᏆᏓᏂᎸᏤᎸᎯᏉ ᏂᎬᏁᎲᎢ.

ᎾᏍᎩ ᎯᎠ ᏄᏍᏗ ᎦᏓᏅᏖᏍᎬᎢ ᎤᏓᏅᏘᏳ ᎨᏒ ᎠᎩᏍᏕᎵᏍᎩ; ᎾᏍᎩᏃ ᎯᎠ ᏄᏍᏛ ᏥᏯᏓᏅᏖᏍᎬᎢ ᏂᏗᎤᎵᏍᏙᏔᏅ ᎾᏍᎩ ᎢᎠᏆᏚᎸᎲ ᎠᎴ ᎠᏆᏟᏂᎬᏁᏗᏱ ᏫᎤᎵᏱᎶᎸ ᏄᏍᏛᏉ ᏥᎦᏔᎲᎢ ᏂᎤᏍᏗ ᎤᏤᎵ ᏙᎠᎩᎸᏫᏍᏓᏁᎭ ᎠᏋᏒ ᎨᏒ ᏙᏥᏍᏓᏲᎯᏎᎭ, ᎠᎴ ᏗᎩᎸᏫᏍᏓᏁᏗᏱ ᎢᏯᏆᏛᏁᏗ ᎨᏒᎢ ᏄᏍᏛᏉ ᎨᎥᎢ ᏰᎵ ᎢᎬᏆᏛᏁᏗ ᎨᏒ ᎢᎦᎢ ᎢᎦᏟᏂᎬᏁᎭ.

ᎤᎶᏏᎶᏛᏉ ᎡᎳᏗ ᎢᏯᏆᎵᏍᏔᏅᎯ ᏱᎨᏎ ᎠᎴ ᎠᏆᎵᎲᏲᎵᎸᎯᏉ ᏱᎨᏎᎢ, ᎢᏳᏃ ᎾᎩᏌᎳᏓᏅᎾ ᏱᎨᏎᎢ; ᎦᏓᏅᏖᏍᎬ ᎠᏴ ᎥᏝ ᎪᎱᏍᏗ ᏱᎩ Ꮎ-