This page has been proofread.
35
ᎤᏅᏗ ᎦᏃᏗᏍᎩ ᎤᏪᏥ.
ᏛᏛᎲᎦ,- ᎾᏍᎩ ᎤᏩᎡ ᏞᏍᏗ, ᎤᏛᏅ ᎤᏙᏓ, ᎿᏉ ᎠᏗᎾ ᎠᏠᏱᎲᎩ.
ᏥᎦᏔᎭ ᎠᏗᎾ ᏣᏚᎵᏍ Ꭼ ᎣᏍᏛᏉ ᏅᏆᏓᏅᏘ ᎠᏆᏕᏗᏱ, ᎤᏛᏅᎩ ᎵᏏ.
ᎤᏙᎯᏳᎯ ᎠᏆᏚᎵᎭ. ᎤᏁᎳᏅᎯᏉ ᎠᏗᎾ ᎠᏓᏅᏖᏍᎬ ᎾᏍᎩᏉ ᏫᏂᎦᎵᏍᏓ ᏤᎵᏎᎲ ᎣᏏᏳᏉ ᎠᎩᏰᎸᏗ ᎠᏆᏓᏅᏔ, ᎤᏛᏅ ᎤᏛᏐᏅᎯ.
ᎿᏉᏃ ᎥᏥᏯᏛᏛᏅᎩ, ᎾᏍᎩ ᎤᎦᎵᏍᏗ ᏣᏓᏅᏓᏗᏍᏗᏍᎬᎢ ᎦᏙ Ꮀ ᎤᎬᏫᏳᎭ, ᏂᎯ ᎿᏉ ᏣᎵᏍᏆᏕᏗ ᎨᏒᎢ ᎾᎥᏂᏳ ᎠᏱᎵᏙᎲᎢ ᏥᏅᏩᏍᏗ? ᎠᏆᏛᏅᎩ. ᎤᏩᏒᎯᏳ ᎦᎶᏁᏛᎭ ᏄᏍᏛ ᏥᏯᏓᏅᏖᏍᎬᎢ, ᎢᏳᏃ ᎯᎠ ᎠᏋᏒ ᏥᎩ ᎦᏓᏅᏛᎵ ᎤᏣᏘ ᏥᏍᎦᎾᎯᏳ ᎨᏒᎢ, ᎤᏣᏘ ᏥᏩᎾᎦᎵᏳ ᎨᏒᎢ, ᎠᎴ ᎤᏣᏘ ᎡᏍᎪᎯᏳ ᎨᏒ ᎠᏋᏒ, ᎾᏍᎩ ᎠᏆᎵᏏᎲᏍᏓᏁᎰ ᎾᏍᎩ ᎦᎶᏁᏛ ᏄᏍᏛ ᎢᏯᏆᏍᏗ ᎢᏳᎵᏍᏙᏗᏱ ᎠᎩᎾᏫᏱ. ᎠᏎᏃ ᎿᏉ ᏥᏯᏓᏅᏛᎵ ᎢᎩᏍᏕᎵᏍᎩ ᎤᏩᏒ, ᎠᎨᏳᏗᏉ ᎨᏒ ᎤᏩᏒᎯᏳ ᏥᎪᏩᏘᏍᎪᎢ; ᎥᏝ ᏌᏉᎤᏅ ᏳᏓᏓᎳ ᎡᏍᎦ ᎨᏒ ᎠᎦᏓᏅᏖᏗᏱ, ᎠᎴ ᏌᏉᎤᏅ ᎠᎵᎬᎲᏍᏗᏍᎩ ᏳᏓᏓᎳ ᏂᎦᎥ ᎤᎸᏉᏗᏳ ᎨᏒᎢ. ᎢᎦᏓᏅᏖᏍᎪ ᎤᏇᏓᎵ ᎨᏒ ᏗᎦᎷᏥᏒᎢ, ᎾᏍᎩᏃ ᏅᏗᎦᎵᏍᏙᏗᏍᎪ ᎤᏁᎳᎩᏉ ᏥᏂᎦᎥ ᏥᏥᎩᎵᏲᎦ ᏥᏰᎸᎢ ᎠᏇᎵᏍᏗ ᏂᏚᎵᏍᏗᏍᎪᎢ; ᎾᏍᎩᏰᏃ ᎾᏍᏉ ᎢᏳᎵᏍᏓᏁᎸᎯ ᎢᎩ, ᎢᎦᏓᏅᏖᏍᎪ ᎠᏥᎪᎵᏰᎥᎢ ᎠᎴ ᎢᎠᏉᎯᏳᎭ ᏰᎵᏉ ᎾᏍᏉ ᎦᏴᎩᏍᏕᎸᏗ ᎨᏒ, ᎢᏳ ᏴᎩᎪᎵᏰᎭ. ᎢᎦᏓᏅᏖᏍᎪ ᎤᏤᎵ ᏧᏓᎿᏩᏛ, ᎠᎴ ᎢᎦᏕᎶᏆᏍᎪ ᎾᏍᏉ ᎠᏋᏒ ᎠᏆᏃᎭᏝᏗᏍᏗᏱ
