This page has been proofread.
34
ᎤᏅᏗ ᎦᏃᏗᏍᎩ ᎤᏪᏥ.
ᎥᏝ, ᎬᎨᏳᎢ ᎡᏥ, ᎯᎠ ᎤᎬᏫᏳᎭ ᎢᏣᏪᏍᏗ; ᏥᏌ ᎦᎶᏁᏛ ᎢᏚᏘᏃᎸ ᎣᎩᏁᏥ ᏙᎩᏂᏃᏁᏗᏱ ᎾᏍᎩ ᏂᏚᏛᏁᎸ ᏚᏓᏅᏙᎩᏱ, ᏣᏛᏗ. ᎾᏍᎩᏃ ᎤᏚᎩᏉ ᎠᏋᏒ ᎠᏆᏓᏅᏙᎩᏱ ᎠᏴ ᎾᏆᏛᏁᎸᎢ ᎾᏍᏉ ᎤᏚᎩᏉ ᎠᏋᎭ ᎾᏍᎩᏯᏉ ᎢᏍᏓᏛᏁᏗᏱ, ᎤᏛᏅᎩ.
ᎿᏉ ᏄᏴᎵᎸᎩ ᎤᏅᏗ ᎦᏃᏗᏍᎩ, ᏔᎵ ᏧᏒᏙᏂ ᎦᏟᏍᏛ ᎤᏅᏗ ᎤᏁᏦᎸᎩ, ᎤᏍᏗᎩᏛ ᎠᏍᏚᎢᏛ ᎨᏒᎩ ᎦᎶᎯᏍᏗᏱ, ᎾᎿ ᏙᏱᏗᏢ ᏞᎦ ᎤᎴᏫᏍᏔᏁᎢ, ᎠᎴ ᎤᏛᏓᏍᏔᏁ ᎤᏓᎵᎢ ᎤᏪᏥᏃ ᏄᏍᏛ ᎠᏂᏃᎮᏍᎬᎢ.
ᎤᏁᎳᏅᎯ ᎣᏍᏛ ᏫᏂᏚᏛᏂᏏ ᎠᎴ ᏫᏚᏪᏙᎵᎩ, ᎤᏛᏅᎩ; Ꮀ ᎤᏙᎯᏳᎭ ᏅᏓᏚᏑᎵᎪᎢᏍᏗᏱ ᎣᏏᏳ ᏧᎬᏩᎶᏗ ᏚᏩᏛᏗᏱ Ꮧ ᎨᏒᎢ ᎣᏏᏳ ᎢᏚᏰᎸᏅ ᎢᏙᎩᏂᎸᏐᎸ ᎾᏍᎩ ᏙᎩᏂᏍᏕᎸᏗᏱ ᎪᎱᏍᏗ ᎣᎩᎾᏛᏁᏗ ᎨᏒ ᎠᎴ ᎣᏍᏛ ᎢᏙᎩᎾᏛᏁᏗᏱ ᏦᎩᎾᏓᏅᏙᎩᏱ ᎢᏚᏰᎸᏅ. ᎰᎧ ᎤᏣᏔᏉ ᏚᏢᎦ; ᎠᏴ ᎦᏓᏅᏖᏍᎬ. ᎰᎧ ᏂᎪᎯᎸᎾᏉ ᎿᏉ *ᎢᎬᏕᏨᎯᏉ ᎢᎨᏎᏍᏗ, ᎤᏛᏅᎩ.
ᎤᏁᎳᏅᎯ ᎠᏗᎾ ᎠᏓᏅᏖᏍᎬ ᎾᏍᎩᏉ ᏫᏂᎦᎵᏍᏓ ᎮᎳ, ᎤᏛᏅ ᎵᏏ. ᏂᏗᎥ ᎢᎪᎯᏛ ᏗᎦᏕᏗ ᎨᏒ ᎾᏍᎩ ᎤᎮᎦᎳ; ᎠᎴ ᎤᏣᏘᏉ ᎣᎯ ᎾᏍᎩ ᏥᏄᏍᏗ. ᎠᏆᎵᎦᎵᏴᏉ ᎢᏨᏴᏕᎢᏍᏗᏱ; ᏰᎵᏉᏍᎪ ᎤᏁᎳᎩ ᏪᎾ ᎨᏍᏇᎵᏎᏘ ᎡᏙᏓ, ᎾᎿ ᎢᏗᏢ ᏫᏅᎠᏆᏛᏁᏗᏱ ᎠᏴ ᎨᏒ ᏂᎯ ᏅᏓᏣᎧᏁᎸᎯ ᎨᏒᎢ ᎢᎬᏱᏱ? ᎤᏛᏅᎩ. ᏂᎦᎥᏉ ᏄᏓᎴᏒ ᎪᎱᏍᏗ ᏍᏆ-
