Page:The dairyman’s daughter; Bob the sailor boy.pdf/41

37

ᎤᏅᏗ ᎦᏃᏗᏍᎩ ᎤᏪᏥ.

ᏍᎩ ᏔᎵ ᎾᏆᏛᏗᏕᎬᎾ ᏱᎩ. ᎤᏩᏒᎯᏳᏍᎩᏂ ᎾᏍᎩ ᏂᎦᎥᎢ.

ᎾᏍᎩᏉ ᏂᎦᎥᎢ ᎾᏍᎩ ᏥᏓᏁᎲᎢ ᎤᏪᎵᎯᏍᏗ ᎠᏆᏓᏅᏛᎢ ᎾᏍᎩᏉ ᎾᏍᏉ ᏂᎦᎣᎢ ᎠᏆᎵᏂᎪᎯᏍᏘᏍᎪᎢ ᎤᏩᏒ ᎠᏓᏅᏖᏍᎬ ᏥᎦᏛᏁᎲᎢ, ᎠᏆᏚᎵᏉ ᎠᏗᎾ ᎠᏆᎵᏍᎪᎸᏓᏁᏗᏱ ᎤᏩᏒ ᎦᏥᏯᎵᏍᎦᏙᏗ ᎢᏳᎵᏍᏙᏗᏱ ᎬᏅ ᏫᎬᎵᏍᏆᏗᎯᎯ. ᎥᏝ ᏱᏥᏍᎦᎢᎭ ᎠᎩᎱᏲᎯᏍᏗᏱ ᏅᏗᎦᎵᏍᏙᏗ ᎠᏲᎱᎯᏍᏗ ᎠᏓᏨᎾᏍᎬ ᎤᏲᎯᏍᏓᏁᎸᎯᏉ ᎨᏒᎢ. ᎾᏍᎩᏃ ᏂᎦᎥᎧ ᏅᏩᏙᎯᏯᏛ ᏫᎩ ᎾᎿ ᎿᏉ ᎾᏍᎩ ᎯᎠ ᎦᎶᏐᏅᎯ ᏫᎨᏒᎢ. ᏍᎩᏃᎲᏏ ᎠᏗᎾ, ᏥᎪ ᎭᏓᏅᏖᏍᎬ ᏧᏳᎪᏗᏉ ᎦᏓᏅᏖᎭ? ᎤᏚᎩᏉ ᎠᏋᎭ ᎾᎩᎵᏓᏍᏗᏍᎬᎾᏉ ᎨᏒᎢ. ᎥᏝ ᏰᎵ ᎪᎱᏍᏗ ᎬᏆᎵᏍᎦᏍᏙᏗ ᏱᎩ ᎾᏍᎩ ᎤᏩᏒᎯᏳ ᎦᎶᏁᏛ ᎢᏳᏃ ᎠᎩᎾᏫᏱ ᎦᏖᎪᎵᏯ, ᏥᏍᎦᎢᎰᏉ ᎾᏍᎩ ᏄᏍᏛ ᏕᎫᎪᏗᏍᎬᎢ ᎠᎩᎾᏫᏱ ᎠᏆᎵᏍᎦᏍᏙᏗᏱ, ᎤᏣᏘ ᎤᏓᎶᎾᏍᏗᏳ, ᏯᏃᎩᏳᏰᏃ ᎠᎩᎶᏄᎮᎸᎯ ᎢᎩ. ᎦᎶᏁᏛᏍᎩᏂ ᎦᏛᏛᎲᎦ, ᎾᏍᎩ ᎠᎩᏁᏤᎲ ᎠᎩᏚᎢᏍᏓᏁᎭ, ᎠᎴ ᎾᏍᎩ ᎠᏆᎵᎪᎯᏍᏗᏍᎩ ᎠᎴ ᎠᏋᏂᎦᎵᏍᏙᎯᏍᏗᏍᎩ ᎢᎩ, ᎠᎴ ᎥᏝ ᎯᎸᎯᏢ ᎬᏩᏜᏅᏓᏗᏍᏗ ᏱᏂᎦᎵᏍᏗᏍᎪ ᎠᏆᏜᏏᏛᎡᏗᏱ ᏄᎵᏂᎬᎬ ᏰᎵᏉ ᎠᎩᏍᏕᎸᏗᏱ ᎨᏒᎢ ᎠᎴ ᎤᏛᏅᎢᏍᏛᏉ ᎾᏍᎩ ᎢᏳᏛᏁᏗᏱ, ᎠᏴ ᎨᎥ ᎾᏍᎩ ᎤᏒᎦᏙ, ᎠᎴ ᎣᎯ ᎠᎩᏰ ᎸᎭ ᎾᎿ ᏂᎪᎯᎸ ᏥᏅᏆᏛᏁᏍᏗᏉ. ᎠᏉᎯᏳᎭ ᎯᎸᎯᏳᏉ ᏫᎬᏋᏕᎢᏍᏗ ᎠᎴ ᏗᎬᎩᏲᎯᏍᏗᏉ ᏂᎨᏒᎾ ᎨᏒᎢ, ᎤᏍᏆᏗᏍᏗᏰᏃ ᎢᎩ ᏄᏍᏛ ᎠᏓᏅᏖᏍᎬᎢ ᎠᏴ ᎨᎥᎢ. ᎠᎩ-