ᏓᏳᎵᏍᏙᏔᏅᎩ ᎠᎩᏔᏲᎸ ᎠᏇᏅᏍᏗᏱ. ᎤᏙᎯᏳᎯ ᎠᏗᎾ ᎯᎠᏉ ᏄᏍᏛ ᎠᏆᏢᏉᏛᏉ ᎠᎴ ᎠᎩᎨᏛᎲᏍᎬᏉ ᏅᏓᏳᎵᏍᏙᏔᏅ ᎠᏇᏅᏍᏗᏱ ᎠᎩᏰᎸᏅᎩ. ᎠᏎᏃ ᎾᏍᎩ ᎯᎠ ᎣᏏᏳ ᎤᏰᎸᏁ ᎤᏁᎳᏅᎯ ᎾᏍᎩ ᎯᎠ ᎤᏩᏒ ᎠᏥᎸᏉᏙᏗ ᏭᎵᏱᎶᎯᏍᏗᏱ, ᎾᏍᎩ ᏫᏂᎦᎵᏍᏓ ᎤᏪᎵᏎᎢ.
ᎰᏩᏃ ᏗᎦᎳᏫᎢᏍᏗᏱ ᎠᏇᏅᏒᎩ, ᎠᎴ ᎦᏥᎪᎥ ᎤᏂᏣᏘ ᏧᏂᎳᏫKᎸᎯ. ᎾᏍᎩᏃ ᎢᎬᏱᏱ ᏩᎩᎷᏨ ᎠᎴ ᎿᏉ ᎠᎵᏍᏆᏗᏍᎬᎢ ᏚᏂᎸᏫᏍᏓᏁᎲᎢ SᏓᎴᎿᎥ ᎠᏆᏓᏅᏓᏛᎢ, ᏯᏃᎩᏳ ᎠᏆᏓᏅᏖᏗ ᎨᏐᎢ. ᎾᏍᎩ ᏞᎦ ᎾᏆᎦᏌᏬᏍᏛᎾ ᏄᎵᏍᏔᏅᎩ ᎤᏁᎳᏅᎯ ᎤᏤᎵ ᎨᏒ ᏚᏂᎸᏫᏍᏓᏁᎲᎢ, ᏥᎦᏖᏃᎲᏉ ᎠᎴ ᎠᏇᎵᎯᏍᎬᎩ ᎩᎶ ᎠᏆᎦᏌᏯᏍᏙᏗᏱ. ᏓᏆᏄᏮ ᏧᎬᏩᎶᏗ ᎨᏒᎢ ᎤᎶᏒᏍᏛᏉ ᎠᏴ ᎤᏲᏉ ᎢᏯᏆᏛᎿᏕᎩ ᎠᎩᎵᎶᎲᏍᎩ ᎢᏳᎵᏍᏙᏗᏱ ᎨᏒᎢ; ᏧᏂᏣᏙᎢ ᎤᏣᏘ ᏗᎾᏣᏅᏍᎩ ᏥᎨᏐ ᎤᎾᏢᏉᏗ ᎠᎴ ᎠᎾᎵᏍᎦᎿᏫᏒᎥᏍᎩ ᎠᎾᏛ ᏗᎦᏤᎵᏛ ᎨᏒᎩ; ᎥᏝ ᎾᏍᎩᏯ ᏱᎨᏎ ᏧᎶᏅᏐ ᎩᎶ ᎤᏓᏁᎵ ᎠᎴ ᎤᏓᏙᎵᏍᏗ ᎠᎴ ᎠᏣᏅᏗᏱ ᎨᏒ ᎯᎠᏉᎧ ᏩᏍᏔ ᏄᏕᎰᎯᏍᏛᎾ ᎡᎵᏍᎩ ᏥᎨᏐᎢ. ᏄᏍᏛᏃ ᎠᏆᏓᏅᏛᎢ ᎠᏆᏣᏅᏒᏉ ᎬᏙᎴᎰᎯᏍᏙᏗ ᎨᏒᎩ.
ᎪᎯᏱᏉᏃ ᎢᏴᏛ ᎿᏉ ᎠᎵᏥᏙᎲᏍᎩ ᎤᏃᎮᏗ ᎨᏒ ᎤᏑᏰᏒ ᎬᏂᎨᏒ ᏄᏩᏁᎸᎩ, ᎯᎠ ᏄᏪᏒᎩ; "ᎠᏣᏅᏙ ᎣᏓᏙᎵᏍᏗ ᏕᏣᏄᏬᏍᏕᏍᏗ." ᎾᏍᎩᏃ ᏚᏟᎶᏍᏔᏅᎩ ᎣᏓᏅᏙᎩᎯ ᎠᏄᏬ ᎨᏒᎢ, ᎥᏰᎸᎢ ᏦᏄᏬᎢ. ᎩᎳᏉᏃ ᎤᎴᏅᎰᏅᎯ ᎨᏒ ᎦᏬᏂᏍᎬᎢ ᎿᏉ ᎤᏓᎴᏅᎲᎢ ᎦᏓᏅᏖᏍᎬᎢ ᏂᎦᎥ ᎣᏏᏳ ᏓᎩ-
