ᏰᎸᏒ ᏗᏆᏄᏬ ᎠᎴ ᎠᏆᏣᏅᏗᏱ; ᎠᏎᏃ ᎿᏉ ᎤᎴᏅᎲ ᎬᏂᎨᏒ ᏂᎬᏁᎲᎢ ᎠᏥᏍᏕᎸᏗᏱ ᎨᏒ ᎤᏄᏬᏍᏗ ᏧᏁᎶᏗ, ᎿᏉ ᎤᏣᏔᏅᎯ ᎬᏂᎨᏒ ᎾᏆᎵᎵᏍᏓᏁᎸ ᎤᏰᎸᎭᏉ ᎨᏒ ᎠᏆᏓᏅᏙᎩᏱ. ᎠᏆᏙᎴᎰᏒ ᎠᏆᏓᏙᎵᏍᏗ ᏂᎨᏒᎾ ᎨᏒᎢ, ᎾᏍᎩ ᏅᏑᏰᏒ ᏄᏍᏛ ᎠᎵᏥᏙᎲᏍᎬ, ᎠᎴ ᎠᏆᏟᏉ ᎨᏒ ᏧᎾᏁᎶᏗ ᏄᏍᏛ ᎤᎾᏕᏗᏱ ᎬᏂᎨᏒ ᎾᏆᎵᏍᏓᏁᎸᎩ. ᏓᏆᏄᏮ ᏓᏆᎧᎿᏅᎩ, ᎠᎴ ᎤᏣᏘ ᎠᎩᎩᎦᎨᎢᏲᏨ ᎠᏆᏕᎰᏒ ᏂᎦᎥ ᎠᏆᏢᏉᏗᏳ ᎨᏒᎢ. ᏕᏥᏯᎦᎿᏅ ᎠᎵᏥᏙᎲᏍᎩ, ᎾᏍᎩᏃ ᏦᏒ ᏅᏓᏰᏥᏅᏏᏛ ᏗᎩᎦᏚᏞᏍᏗᏱ ᏥᎨᏐ ᎢᎦᎦᏛ ᏄᎵᏍᏔᏅᎩ. ᏓᏆᎧᎿᏂᏙᎸ ᏓᏂᎳᏫᎥᎢ, ᎠᎩᎨᏛᏅ, ᏥᎪ ᎩᎶ ᎾᏍᎩᏯ ᏄᏍᏗ ᎠᏓᏅᏓᏓ ᎠᏴ ᏥᏄᏍᏗ ᏥᎦᏓᏅᏓᏓ? ᎠᏇᎵᏒᎩ. ᎠᎩᎾᏫᏱ ᎨᏒᎢ ᎠᎩᎪᎵᏰᎥᎩ, ᎾᎿᏃ ᎤᎧᎵᏦᏅᎯᏉ ᎠᏍᎦᏂ ᎨᏒᎢ ᎠᏇᎵᏍᏗ ᏄᎵᏍᏔᏅᎩ. ᎾᏍᎩᏃ ᎠᏱᎵᏒ ᎦᏬᏂᏍᎬᎢ ᎠᎩᎾᏫᏍᎩ ᏄᎵᏍᏔᏅᎩ; ᎠᏎᏃ ᎤᏣᏘᏉ ᏄᏍᏛ ᎦᏬᏂᏍᎬᎢ ᎾᎿ ᎢᏗᏢ ᏩᎩᎦᏔᏁᎲ ᎠᏆᏓᏅᏙᎩᏱ.
ᎬᏂᎨᏒ ᏄᏩᏁᎸ ᎤᏓᏙᎵᏣᏘᏳ ᎨᏒ ᏅᏁᎳᏅᎯ ᎾᏍᎩ ᏅᏬᏢᏒ ᎢᏳᏛᏁᏗᏱ ᏧᏍᏕᎸᏗᏱ ᎠᏂᏍᎦᎾᎢ, ᎤᏣᏘᏉᏃ ᎤᏍᏆᏂᎪᏗᏳ ᎠᎩᏰᎸᏅ ᏄᏍᏛ ᎠᏆᎴᏂᏙᎸᎢ ᏗᏆᏕᏅ ᏅᏓᎬᏩᏓᎴ ᏅᏛ. ᎬᏂᎨᏒ ᏄᏩᏁᎸᎩ ᎤᏪᏙᎵᏍᏗᏳ ᎨᏒ ᎠᎴ ᎤᏓᏙᎵᏍᏗᏳ ᎤᎴᏂᏙᎸ ᎦᎶᏁᏛ ᎾᏍᎩ ᎡᏓᏕᎶᏆᎡᏗ ᎨᏒᎢ; ᎤᏣᏔᏅᎯᏃ ᎠᏆᏓᏌᎳᏛᎢ ᎠᏆᏢᏉᏗᏳ ᎠᏋᏒ ᎨᏒ ᎠᏆᏓᎸᏉᏛᎢ ᎬᏂᎨᏒ ᎾᏆᎵᏍᏓᏁᎸᎩ. ᎦᎶᏁᏛᏃ ᎧᏁᎢᏍᏗᏍᎬᎢ ᎠᎦᏔᎿᎢᏳ ᎨᏒ ᎢᏗᎩᏍᏗᏍᎬ ᎬᏂᎨᏒ ᏄᏩᏁᎸᎩ; ᎾᏍᎩᏃ ᎬᏂᎨᏒ ᎾᏆ-
