This page has been proofread.
26
Ꭴ ᎦᏃᏗᏍᎩ ᎤᏪᏥ.
ᏍᏗ ᎨᏒᎢ. ᎥᏝ ᎦᏓᏙᎵᏍᏗᏍᎩ ᏱᎨᏎᎢ, ᎠᎴ ᎥᏝ ᎦᏓᏅᏖᏍᎩ ᏱᎨᏎ ᏄᎾᏰᎯᏍᏛ ᎥᏓᏙᎵᏍᏗᏍᎩ ᏂᎨᏒᎾ ᏲᎭ. ᎠᏆᏚᎵᏍᎬ ᎣᏍᏛ ᎥᏆᏓᏅᏖᏗᏱ ᎪᎱᏍᏗᏉ ᎠᏛᏁᎸ ᎥᎩᏅᏍᎩ ᎨᏒᎢ; ᎠᎴ ᎤC ᏥᏰᎸᏍᎬᎩ ᎢᏳᏃ ᎥᎩᎸᏉᏗᏍᎬ ᏯᏆᏓᏛᎦᏁᎸ. ᎥᏝ ᎪᎱᏍᏗ ᎤᏐᏅᎢ ᎬᏰᎸᏗ ᏥᎨᏐ ᎢᎦᏛᏁᎯ ᏱᎨᏎᎢ, ᎠᏗᎾ ᎣᏍᏛᏉ ᎥᏆᏓᏅᏖᏗᏱ ᎠᏂ ᎡᎶᎯ ᎨᏒᎢ ᏅᏓᎦᎵᏍᏙᏗᏍᎬᎩ; ᎠᏎᏃ ᏂᏥᎦᏔᎲᎾᏉ ᎨᏒ ᎤᏁᎳᏅᎯ ᎠᎴ ᎦᎶᏁᏛ. ᎾᏆᎦᏌᏯᏍᏛᎾᏉ ᎨᏒ ᎠᏆᏓᏅVᎩᏱ; ᎠᏏᏃ ᎾᏍᎩᏉ ᎾᏆᏍᏛ ᏱᎠᎩᏲᎱᏎᎢ, ᏚᏳᎪᏛᏉ ᏱᎨᏎ ᏨᏍᎩᏃᎢ ᏩᏕᏗᏱ ᏱᏫᎥᎩᎦᏔᏁᎢ; ᎤᏛᏅᏅᎩ.
ᎯᎳᎪ ᏂᎪᎯᎩ ᏣᏛᎩᏍᎨᎢ ᎠᎵᏙᎲᏍᎬᎢ ᎾᏍᎩ ᏅᏧᎵᏍᏙᏔᏅᎢ ᏣᏓᏁᏟᏴᎡᎸ ᏣᏓᏅᏙᎩᏱ ᏥᏣᏰᎸᎭ? ᎥᏥᏲᏎᎸᎩ.
ᎯᏍᎩᎭ ᏅᏩᏍᏗ ᎾᏕᏘᏴ, ᎤᏛᏅᎩ.
ᏍᎩᏃᎲᏏ ᎾᏍᎩ ᏄᎵᏍᏙᏔᏂᏙᎸᎢ; ᎥᏥᏲᏎᎸᎩ.
ᎡᏙᎲᎩ ᎩᎶ ᎢᏳᏍᏗ ᎠᎵᏥᏙᎲᏍᎩ ᎾᏍᎩ ᎤᏣᏘᏂ ᏧᎦᏛᎢ ᎦᏃᎸᎥᏍᎬᎢ ᎤᏲᏍᏙᏓᏁᎲᎩ ᏥᏳᎯ ᎤᏦᏗᏱ ᎠᎴ ᎤᏂᎩᏍᏗᏱ ᎯᎸᎯᏢ ᎢᏅ ᏩᏂᎦᏛᎩ, ᎾᎿ ᏩᏂᎦᏛᎢ ᎠᏁᎯ ᏗᎵᏥᏙᏁᎯ ᎠᏥᏁᏤᎸᎯ ᎨᏒᎩ. ᎾᏍᎩ ᏛᎵᏥᏙᏂ ᎤᎾᏛᏅᎩ. ᎤᏂᏣᏛᎩ, ᏞᏍᏗ ᏤᏅᏒ, ᎤᏣᏘᏂᎾᏏ ᏱᏂᏨᏂᏏ ᎯᏍᎪᎵ, Ꭼ- ᏉᏎᎲᎩ; ᎰᏰᏃ ᎤᏓᎴᎯ ᏄᏍᏗ ᎤᏬᎯᏳᏒᎢ, ᎤᎾᏛᏅᎩ. ᎠᏎᏃ ᎠᎩᎨᏛᎲᏍᎬᎢ ᎠᎴ ᎤᏜᏅᏓᏛᎢ ᎦᏴᎩᎪᏩᏛᏗ ᎨᏒ ᎢᏤ ᎠᏆᏄᏮᎢ, ᎤᏣᏘᏰᏃ ᎠᏆᎵᏍᎦᏍᏛ ᎾᏍᎩ ᏄᏍᏛ ᎠᏆᏣᏅᏛᎢ, ᎾᏍᎩ Ꭴ-
