ᎠᏏ ᎢᏣᏜᏏᏛᎡᏉ ᏂᎦᎥᏃ ᎬᏂᎨᏒ ᎢᎬᏁᎯ ᏧᎵᏰᎢᎸᏍᏔᏅ ᎡᏣᏙᎵᏨᎯ ᎨᏒᎢ, ᎠᎴ ᎾᏍᏉ ᎩᎳᎯᏳ ᎠᏏ ᎡᏣᏙᎵᎬ ᎪᎯ ᎨᏒᎢ? ᏥᏲᏎᎸᎩ.
ᎥᏝ; ᏂᎪᎯᎸᏉ ᎢᏳᏍᏗ ᏰᎵ ᎬᏂᎨᏒᎢᏳ ᎾᏆᎵᏍᏓᏁᎰᎢ ᎠᎩᎨᏳᎯᏳ ᎨᏒᎢ. ᎥᏝ ᏱᏆᏚᎵᎭ ᎠᎩᏁᏉᏍᏗᏱ ᏥᏍᎦᎾᎯᏳ ᎨᏒᎢ ᎾᏍᎩ ᎦᏓᏱᎲᎢ ᏂᎦᎥ ᎣᏏᏳ ᎾᏆᏛᏁᎸᎢ ᎠᏆᏓᏅᏙᎩᎯ ᎨᏒᎢ. ᎠᏎᏍᎩᏂ ᎾᏍᎩ ᎠᎩᏁᎢᏍᏙᏗ ᎢᎩ ᎾᏍᎩ ᎠᏥᎸᏉᏙᏗ ᎨᏒᎢ, ᎤᏛᏅᎩ.
ᎦᏙᏃ ᎤᏍᏗ ᎪᎯ ᎭᏓᏅᏖᏍᎬ ᏄᏍᏛ ᏣᏕᏅᎢ ᎠᏏ ᎡᏣᏙᎵᏨᎯᏉ ᏥᎨᏒᎾ ᏥᎨᏎᎢ? ᎥᏥᏲᏎᎸᎩ.
ᎠᏆᏢᏉᏗᏳᏉ ᎨᏒᎩ ᎠᎴ ᎥᏝ ᎢᏴ ᎢᏯᏍᏘ ᎦᏓᏅᏖᏍᎩ ᏱᎨᏎᎢ. ᎠᏆᏣᏅᏗᏱᏉ ᎠᏆᏚᎵᏍᎩ ᎨᏒᎩ, ᎠᎩᎨᏳᎯᏳᏉ ᎨᏒ ᎡᎶᎯ ᎠᎴ ᏒᎶᎯᏉ ᎡᎯ. ᎡᎶᎯ ᎨᏒ ᎡᎿᎥᎢ ᎤᏟ ᎤᏂᏰᎸᎯ ᏴᏫ ᎪᎱᏍᏗ ᎦᏥᏯᏛᏁᎯ ᎨᏒᎩ; ᎾᏍᎩᏃ ᎥᏝ Ꭿ ᎸᎯᏳ ᎠᎾᏓᏙᎵᏍᏗᏍᎩ ᎨᏒ ᎠᏂᏁᎸᎢ ᎠᏆᏚᏅᎯ ᏱᎨᏎᎢ, ᎠᎴ ᏧᏂᏅᏏᏓᏍᏗ ᏧᎾᏓᏅᏙᎩᎯ ᎨᏒᎢ ᏗᎾᎦᏌᏯᏍᏓᏁᎯ ᎨᏒ ᎠᏂᏁᎸ Ꮭ ᎠᏆᏕᏅᎯ ᏱᎨᏎᎢ, ᎤᎾᏙᏓᏆᏍᎬ ᎢᏳᏍᏗᎭ ᎨᎬ ᏧᏂᎳᏫᎢᏍᏗᏱ, ᎠᏆᏓᎪᏩᏛᏗᏱᏉ ᎠᎴ ᎥᎩᎪᏩᏛᏗᏱᏉ ᎠᎩᏰᎸᏐᎢ, ᎥᏝᏃ ᎠᏆᏓᏙᎵᏍᏙᏗᏱ ᎠᎴ ᎠᏆᏛᎪᏗᏱ ᎠᎾᎵᏥᏙᎲᏍᎬ ᏯᎩᎸᏎᎨᎢ. ᏰᎵᏉ ᏦᏒ ᏫᎬᎩᎾᏄᎪᎢᏍᏗ, ᎪᏏᏳᏉᏰᏃ, ᎨᎵᏍᎩ ᎨᏒᎩ. ᎠᎴ ᎡᏍᎦ ᎦᏥᏰᎸᎢ ᎠᎴ ᎦᏥᏰᏣᏍᏗᏍᎩ ᎨᏒᎩ ᏗᎧᎿᏩᏛᏍᏗ ᎤᎾᎦᏌᏯᏍᏗ. ᎤᏣᏘᏉ ᎤᎵᏏᎩᏳ ᎾᏆᏛᏅᎩ, ᏂᏥᎦᏔᎲᎾ ᎨᏒ ᏫᎦᏅᏅᎢ ᏦᏒ ᏫᎦᎾᏄᎪᎢ-
