Page:The dairyman’s daughter; Bob the sailor boy.pdf/28

24

Ꭴ ᎦᏃᏗᏍᎩ ᎤᏪᏥ.

ᏄᏍᏛ ᎪᏪᎵ ᎢᏳᏃ ᎬᏂᎨᏒ ᏂᎬᎦ ᏄᏍᏛ ᎠᏓᏅᏖᏍᎬᎢ. ᎤᏓᏅᏖᏗᏱ ᎠᏗᎾ ᎣᏏᏳ ᎨᏒᎩ, ᎾᏍᎩᏃ ᎤᏁᎳᏅᎯ ᏗᎧᎿᏩᏕᎩ ᏄᎵᏍᏔᏅᎢ ᎤᏣᏘ ᎤᏁᏉᏤᎸᎩ ᎤᏬᎵᏍᏗᏱ ᎨᏒᎢ; ᎾᏍᎩᏰᏃ ᎠᏎ ᏥᏂᎤᏍᏗ ᎾᏍᎩ ᏱᏄᎵᏍᏔᏅ. ᎾᎯᏳ ᎠᏗᎾ ᎣᎩᎾᎵᏃᎮᎸ ᎤᎶᏒᏍᏛ ᏂᎬᏩᏍᏛ ᎠᎦᏙᏌᏅᎢ.

ᎠᎩᏅᏃ ᎠᎦᏴᎵᎨ ᎠᎴ ᎤᏪᏥ ᏚᏃᎸᎢ. ᎠᎦᏴᎵᎨᏃ ᏓᎧᎾᎲᎩ ᎤᎨᏳᎯ ᎤᏪᏥ ᎤᏣᏔᏅᎯ ᎤᎦᏌᏯᏍᏛ ᎣᏍᏓᎵᏃᎮᏍᎬᎢ. ᎯᎠᏃ ᏂᏥᏪᏎᎸ ᎵᏏ.

ᎤᏚᎩᏉ ᎠᏗᎾ ᎬᏴᎾᏁ ᏔᎵᏉ ᏣᏛᏗᏕᎬ ᎤᏁᎳᏅᎯ ᎭᏙᎴᎰᏍᎬᎢ, ᎠᎴ ᎾᏍᏉ ᎾᏍᎩᏉ ᎤᏩᏒᎯᏳ ᎯᏯᎵᏍᎦᏍᏙᏗ ᎨᏒᎢ ᎾᏍᎩ ᎯᎠ ᏔᎵ ᏣᏛᏗᏕᎩ ᎠᎴ ᏣᏍᏆᏂᎪᏔᏅᎢ ᏂᎦᎥ ᏤᏙᎸᎯ ᎨᏒᎢ, ᎠᎴ ᏫᏣᏘᏃᎯᏍᏗᏱ ᎤᏐᏅ ᏔᎵ ᎤᏛᏗ ᏂᎨᏒᎾ ᏗᎨᏒᎢ ᎣᏍᏛ ᎠᏓᏅᏓᏗᏍᏗ ᏫᎨᏒ ᎾᎿ ᎤᎾᏓᏅᏘ ᏗᏂᏲᎱᏍᎩ ᏂᎨᏒᎾ ᏗᎨᏒᎢ; ᏥᏲᏎᎸᎩ. ᎾᏍᎩᏉ ᏄᏍᏗ ᎠᎩᏰᎸᎭ, ᎤᏛᏅᎩ. ᎤᎵᏏᎩᏍᎩᏂᏃᏅ ᎢᏯᏆᎵᏍᏓᏁᎯ ᎢᎩ ᎠᏆᏓᏅᏛᎢ ᎥᏝ ᏱᎪᎯᎩ ᎢᎤᏓᎴᏅᎲ, ᎠᏎᏃ ᏥᎩᎵᏲᎬᏉ ᎠᎴ ᏥᏩᎾᎦᏳᏉ ᎨᏒ ᏥᏰᎸᎢ ᏅᏗᎦᎵᏍᏙᏗᎭ ᎠᎩᏰᎸᎭ, ᎠᎴ ᎾᏍᏉ ᎢᎦᏛ ᎠᏋᏳᏤᎲᏉ ᎠᎩᏍᎦᏤᎯ ᎠᏆᏓᏅᏙᎩᎯ ᎤᏚᎵᏍᎬ ᎠᎩᏂᎳᏕᏗᏱ ᎠᎩᎨᏳᎯᏳᏉ ᏂᎨᏒᎾ ᎦᎶᏁᏛ ᎠᏇᎵᏍᏗᏱ, ᎠᎴ ᎠᏋᏒᏉ ᎠᏆᏓᎶᎾᏍᏗ ᎨᏒ ᎠᏉᎯᏳᏗᏱ ᏅᏗᎦᎵᏍᏙᏗᎭ, ᎠᎩᏰᎸᎭ, ᎤᏛᏅᎩ.

ᏂᎪᏃ ᎾᏍᎩᏉ ᏣᏂᎳᏕᎲ ᎾᏍᎩ ᎯᎠ ᎢᏤᎵᏍᏗᏱ ᎾᏍᎩᏉ ᏂᏣᎵᏍᏓᏁᎭ? ᏥᏲᏎᎸᎩ. ᏥᎪ