This page has been proofread.
23
Ꭴ ᎦᏃᏗᏍᎩ ᎤᏪᏥ.
ᎾᎥᏃ ᏩᎩᎷᏨ ᏕᏥᏯᎦᎿᏅ ᎵᏏ ᎠᏥᎸᏳᎶᏗ ᎤᏬᎸᎩ, ᏗᎵᎩᏳᏍᏓᏢᏗ ᎦᏍᎩᎶ ᎤᏍᎩᎸᎩ, ᏗᎫᏍᏙ ᏚᏐᎭᏝᎥᎩ, ᎤᎵᏍᏕᎸᏛ ᏧᏀᎢᏍᏗᏱ ᏂᎨᏒᎾ ᎤᏍᏛᎦᎳᏗᏍᏗᏱ; ᎠᎴ ᎤᏣᏘ ᎬᏂᏳ ᎨᏒ ᎠᏏᏄᎵᏳ ᏗᏲᎱᏏᏒᎢ. ᏦᎢᎭᏉ ᎠᎴ ᏅᎩᎭᏉ ᎢᏳᎾVᏓᏆᏍᏗ ᎢᏯᏍᏘ ᏤᎭ, ᎠᏇᎵᏍᏗ ᏂᎦᎵᏍᏗᏍᎬᎩ. ᎤᏤᏣᏍᏔᏅᎩ, ᎠᎴ ᎬᏂᏳᏉ ᎠᏙᎴᎰᎯᏍᏗ ᏄᎵᏍᏔᏅᎩ ᎤᏙᏆᏍᏙᏏᏳ ᎨᏒᎢ, ᎤᏬᏓᎸᎢᏳᏍᎩᏂᏃᏅ ᎨᏒᎩ ᎠᏎ ᎥᏝ ᎾᏍᎩ ᎡᏍᎦ ᏱᏄᏩᏁᎮ ᎤᏙᎵᏍᏙᏒᎢ; ᎯᎠᏃ ᏄᏪᏒᎩ;
Ꮀ ᏞᎩᏳ ᎯᎷᎩ, ᎰᎧᏂ ᏣᏓᎦᏌᏯᏍᏗ ᎨᏎᎢ. ᏂᏓᏙᏓᏈᏒᏉ ᎡᏍᎦ ᏂᎦᎵᏍᏔᏂ,------ᎥᏝ ᎪᎯᏗᏳ ᎠᏂ ᏱᎨᎠ. ᎠᎩᏇᏓᎸᎢ ᎠᎴ ᎠᏆᏓᏅᏙᎩᎯ ᎡᏍᎦᏉ ᏂᎦᎵᏍᏔᏂ, ᎠᏗᎾ ᎤᏁᎳᏅᎯ ᎠᏆᎵᏂᎪᎯᏍᏓᏁᎭ ᎠᏆᏓᏅᏙᎩᏱ, ᎠᎴ ᎤᏚᎩᏉ ᎠᏋᎭ ᎾᏍᎩ ᎠᎵᏍᏆᏗᏍᎩ ᏂᎨᏒᎾ ᎠᏆᏤᎵ ᎢᏳᎵᏍᏙᏗᏱ; ᎤᏛᏅᎩ.
ᎾᏍᎩᏃ ᎣᏍᏓᎵᏃᎮᏍᎬ ᎢᏴᏛᎭ ᎤᏲᏍᏙᏓᏁᎲ ᎤᏏᏩᏍᎬᎢ ᎠᎴ ᎤᏍᏆᎵᏳ ᎨᏒ ᎠᏛᎵᏍᎬᎢ.
ᎤᏁᎢᏍᏗᏱᏃ ᏙᎯᏳ ᎨᏒᎩ, ᎠᏎᏃ ᎥᏝ ᏗᎦᎵᏙᎢᏍᏗ ᏱᎨᏎᎢ. ᎾᏍᎩᏃ ᎣᏍᏗᏃᎮᏍᎬ ᎬᏂᏳᏉ ᎤᎵᏍᎨᏛᏯ ᏧᏰᎸᏐ ᏅᏩᏍᏛᎩ, ᎠᎴ ᎥᏝ ᎤᏓᏁᎵᏉ ᏱᎨᏎᎢ. ᏗᎦᏙᎵᏃ, ᎥᏝᏍᎩᏂᏃᏅ ᎯᎸᎯᏳ ᏂᎦᎵᏍᏔᏅ ᏱᏂᏚᏍᏕᎢ, ᎠᏎᏃ ᎥᏝ ᏳᏂᎬᎨ ᏕᎬᏂᎦᎵᏍᏛ ᎢᏳᏃ ᎧᏁᎩ. ᏯᏃ ᎠᎩᏍᏆᏂᎪᏍᎩ ᎨᏒᎩ ᎾᏏᎾᏒ ᎤᏁᏥᏓᏍᏗᏱ ᎢᏳᏃ ᏥᎦᏬᏂᏍᎪᎢ, ᎠᎴ ᎾᏍᏉ ᎾᏍᎩᏯ ᏂᎦᎵᏍᏗᏍᎬ
