This page has been proofread.
22
Ꭴ ᎦᏃᏗᏍᎩ ᎤᏪᏥ.
ᏂᎯ ᏣᏬᏂᏒᎯ ᎨᏒ ᏅᏧᎵᏍᏙᏔᏅ ᎤᏣᏘ ᎤᏍᏛ ᎢᏯᏆᎵᏍᏓᏁᏗ ᏂᎦᎵᏍᏗᏍᎪ ᏯᏃᎩᏳ, ᎪᎯᏃ ᎨᏒ ᎤᏟᎯᏳ ᎤᏚᎸᏗ ᎾᏆᎵᏍᏓᏁoᎭ ᎾᏍᎩ ᎢᏳᏍᏗ. ᎡᏙᏓ ᎡᏥᏃ ᏫᎨᏣᏲᎵᎦ. ᎠᏴ ᎵᏏ.
ᎾᎯᏳᏉ ᎤᏒᎯᏰᏱ ᏄᏍᏛ ᏗᎩᏔᏲᏎᎸ ᎾᏍᎩ ᎾᏆᏛᏁᎸᎩ, ᎠᏇᏅᏒᎩ. ᏩᎩᎷᏨᏃ ᎤᏅᏗ ᎦᏃᏗᏍᎩ ᏗᎦᏁᎸᎢ ᎤᏓᎵᎢ ᏓᏳᏍᏚᎢᏒ ᎦᎶᎯᏍᏗᏱ. ᏓᎦᏌᏬᎢᎲᏃ ᏗᎪᏆᎵᎢ ᏕᎦᎶᎴᎬᎩ, ᎠᎴ ᎡᎳᏪᏉ ᎤᎵᏍᎫᏫᎩ; ᎤᏓᏅᏛᏰᏃ ᎤᎧᎵᏦᏅᎯᏉ ᎨᏒᎩ. ᎤᏁᎢᏍᏗᏱ ᎤᏁᎶᏔᏅᎩ, ᎠᏎᏃ ᎤᏄᎸᏅᏉ. ᎤᏬᏰᏂ ᏥᏂᏴᎲᎩ, ᎠᎴ ᎯᎠ ᏂᏥᏪᏎᎸᎩ;
ᏗᎩᎾᏓᎨᏳᎯ, ᏂᎦᏗᏍᎩᏂ Ꮭ ᎤᏣᏘᏂ ᏱᎩ, ᎤᏁᎳᏅᎯᏉᏍᎩᏂ ᎠᎦᏔᎿᎢᏳ ᎠᎴ ᎤᏓᏙᎵᏣᏘᏳ ᏚᏭᎪᏔᏅᎢ, ᎠᏆᏛᏅᎩ.
Ꮀ ᏝᏉ ᏥᎨᏳᎢ ᎵᏏ ᎤᏣᏔᏉ-----ᎦᏙᏉᏍᎩ ᏓᎦᏛᎵ ᎿᏉ ᏙᏍᏓᏓᎪᏁᎶᏨᎢ. ᏗᏓᏂᏐᏗᏱ ᎢᎬᏱ ᏫᎾᏆᎵᏍᏙᏗ ᎨᎵᏍᎩ ᎨᏒᎩ, ᎠᏎᏃ-----ᎠᏎᏃ ᎤᎬᏫᏳᎯ ᎣᏏᏳ ᎨᏒ ᎠᎪᏩᏘ ᎾᏍᎩ ᎠᏏ ᎿᏉ ᏣᏙᎴᎰᎯᏍᏗᏱ ᏤᏥ ᎦᎸᏉᏗᏳ ᏗᎨᏒ ᏩᏕᏗᏱ ᏅᏩᏙᎯᏯᏛ ᏗᎨᏒ ᏭᎾᏄᎪᏨᎢ. ᎾᏍᎩᏃ ᏄᏍᏛᎢ, ᏝᏍᎪ ᎤᏓᏙᎵᏣᏘᏳᏉ ᎨᏒ ᏴᏗᏓᎴᎲᏍᎦ; ᎠᏆᏛᏅᎩ.
ᎠᏎᏃ ᎠᏴ Ꮀ ᏥᎦᏴᎵᎨᎢᏳᏉᏃ ᎠᎴ Ꮀ ᏥᏩᎾᎦᎵᏳᏉ, ᎤᏣᏔᏅᎯᏃ ᏥᎨᏳᎢᏳ ᎠᏇᏥ, ᎠᏴ ᏥᏂᏥᎦᏴᎵᎨᎢᏴ ᎾᏍᎩ ᏥᏥᏯᏓᎾᏍᏓᎢᏴᏙ ᎢᎦᎦᏛ ᏥᏰᎸ ᎠᏇᏥ, ᎤᏛᏅᎩ.
