Page:The dairyman’s daughter; Bob the sailor boy.pdf/25

21

Ꭴ ᎦᏃᏗᏍᎩ ᎤᏪᏥ.

ᎾᏍᎩ ᎯᎠ ᏯᏃ ᎠᏆᏓᏅᏖᏗ ᎨᏐᎢ, ᏂᎦᎥᎧ ᎣᏍᏛ ᎢᏗᏛᏁᏗ ᎨᏒ ᎤᏜᏅᏓᏃ ᎾᏍᎩ ᎠᎾᎵᏥᏙᎲᏍᎩ ᎠᎴ ᏧᎾᏁᎶᏗ ᏧᏂᎸᏫᏍᏓᏁᏗᏱ ᎾᏍᎩ ᎠᏓᏏᏩᏍᎩ ᎤᏂᏢᎩ ᎪᎯᏗᏳ ᎤᏂᏱᎵᏙᎲᎢ. ᏂᎦᎣ ᎣᏍᏛ ᎢᏗᏛᏁᏗ ᎨᏒ ᎠᏲᎱᏍᎪᎢ ᏯᏃᎩᏳ, ᎾᎬᏂᎨᏒᎢᏲᏃ ᏅᏩᏍᏙ ᎠᏎ ᎨᎦᏁᎢᎩᏁᎸᎯ ᏥᎨᏐ ᏂᎬᏩᏍᏙᎢ ᎾᏍᎩ ᎢᏳᏍᏗ ᎨᎦᎵᏃᎮᏙᏗᏱ ᎠᎴ ᎨᎨᏲᏗᏱ ᎾᏍᎩ ᏂᎪᎯᎬᎢ ᎤᏂᏢᎬᎢ. ᎾᏂᎣᎢ ᎯᎠ ᎢᏗᎦᏪᏎᏗ ᎨᏐᎢ; ᏅᏩᏙᎯᏯᏛ ᎦᏅᏅᎢ ᎤᏂᎦᏙᎥᏒᎯ ᏂᎨᏒᎾ, ᏝᏰᏃ ᎠᏏᏴᏫᎤᏅ ᏧᎾᎵᎢ ᎨᏒᎢ ᎾᎥ ᎤᏂᎷᏤᎸᎯ ᏱᎨᏐᎢ ᎠᎴ ᎤᏁᏯᏔᏅᎯ ᏱᎨᏐᎢ ᎤᎾᎵᏘᎡᏗᏱ ᎤᏔᎳᏬᏒᎯ ᎨᏒᎢ ᏗᎦᎷᏥᏒᎢ.

ᎠᏎᏃ ᎾᏍᎩ ᎤᏅᏗ ᎦᏃᏗᏍᎩ ᎤᏪᏥ ᎦᏳᎳ ᎤᎦᏙᎥᏒᎯ ᏂᎨᏐ ᎠᎵᏍᏆᏗᏍᎩ ᏅᏩᏙᎯᏯᏛ ᎢᏳᎵᏍᏓᏁᏗ ᎨᏒᎢ ᎨᏒᎩ ᎠᏏᏉ ᎤᏢᎩ ᏂᎦᎵᏍᏗᏍᎬ Ꮎ ᎨᏒᎢ, ᎠᎴ ᏂᏥᏩᏛᎲᎢ ᎤᏟ ᎢᎦᎢ ᏥᏯᏕᎶᏆᎡᎸ ᎡᏍᎦᏉ ᎢᎦᎢ ᏥᏰᏲᏅ ᎬᏛᏗ ᎢᎩ. ᎤᏁᎳᏅᎯ ᎡᎲ ᎠᏓᏅᏖᏗ ᎨᏒᎢ ᏥᎩ ᎤᏣᏔᏅᎯ ᎣᏍᏛ ᎠᎦᏔᎯᏳ ᎨᏒᎩ; ᎦᏬᏂᏍᎬᏃ ᎤᏣᏔᏅᎯ ᎬᏕᎶᏆᎡᏗ ᎨᏒᎩ. ᎾᏍᎩ ᎦᏓᏅᏛᎵ ᎠᏏ ᎩᎳᎯᏳ ᎠᏆᎵᎮᎵᏍᏗ ᏂᎦᎵᏍᏗᏍᎪᎢ ᏗᏆᏓᏅᏛᎢ ᎢᏴᏛ ᏗᎠᏓᎴᏂᏍᎪᎢ.

ᏌᏉ ᏄᎵᏍᏔᏅ ᎯᎠ ᏄᏍᏛ ᏛᏉᏪᎳᏁᎸᎩ: ᎬᎨᏳᎢ, Ꮀ ᏲᎯ ᏱᏥᏰᎸᎾ ᏰᎵ ᎢᎨᏣᏛᏁᏗ ᏱᎩ ᏱᎷᎩ ᎠᎴ ᏱᏯᎦᏔᏂᎦ ᎤᏲᏍᏛ ᎠᏍᎦᎾᎢ. ᎿᏉ ᎠᏴ ᎨᎥᎢ ᎤᏍᏆᏗᏗᏉᏃ, ᎠᏎᏍᎩᏂᏃ ᎦᎶᏁᏛ ᎤᏣᏔᏅᎯ ᏥᎨᏨᎢᏳ ᎨᏒ ᎢᎠᎩᏰᎸᎭ.