— 7 —
DADITE
Estez vs måva la k’ dji vs direu vos vraiyes !
GÅRNIR (alant viè Dadite)
Måva ! neni savez. Dji n’ prind djamåy les poennes di m’ måvler avou les femes. On-z åreut bele a fé !
DADITE
Oho !
GÅRNIR
Awè ! dji n’ mi vout nén fé mori dvant m’ tins a m’ tchagriner et m’ fé do måva sonk po vozôtes dê mi. Cwand m’ feme barbote, djel lai dire et çoula tome co beacôp pus vite. (alant viè Porea) Paski, ti m’ pous bén croere saiss Lambert, les femes hin valet, cwand c’ est k’ on est biesse assez di les aconter paret, bén ele si creyèt al vole des rinnes et ele vôrît bouter tot l’ monde dji sai bén wice…
DADITE
End avez vs co po do tins a djåzer insi ?
GÅRNIR
Tén don ! Ci n’ est nén por vos ki dj’ djåze savez kécfeye !
DADITE
Vosse pôve feme endè doet bén vey alez avou èn apôte come vos !
GÅRNIR
Tonton ! k’ est elle awureuse avou mi ! Dimandez lyi ’ne gote.
