— 6 —
POREA (ovrant)
Ces anêyes la sont houte et ele ni rvénront pus fré Pire. L’ ovrî, ouy, po wangnî amermint s’ boket d’ pan doet s’ assoti tot, coir et åme et nos trîmrans-st insi tant k’ nos nde ralanxhe.
GÅRNIR
(tot s’ sitindant so s’ tcheyire)
Portant s’ on esteut ritche, ene sakî såreut bén s’ dinner do bon tins ossu savez ! on overe, mins on n’ î tént nén tant k’ çoula, c’ est come li tchén ki stronne, c’ est k’ i fåt bén.
DADITE (tot ristindant)
Vos inmez mî l’ ovraedje k’ est fwait ki l’ ci k’ est a fé paret vos, Gårnir.
GÅRNIR
O ! dj n’ a nén sogne di l’ ovraedje savez !
DADITE
Neni, nos l’ savans bén, vos vs coûtchîz dsu.
GÅRNIR
(a Porea, tot riyant)
Lambert, dji n’ sai vormint çou k’ vosse feme a tofer disconte di mi, mins co måy ele ni lait passer ene ocåzion di m’ taper des atotes.
POREA
Dadite a todi stou insi, elle inme bén do rire.
GÅRNIR
Do rire des ôtes. Mins, couyonez l’ on pô po vey kimint k’ ele prindrè l’ afwaire.
