Page:Théophile Bovy - Li grandiveuse, 1899.djvu/rif/6

From Wikisource
Jump to navigation Jump to search
This page has not been proofread.

Template:Tite

Comedeye e 3 akes da Théophile Bovy


SINNE I

POREA — DADITE — GÅRNIR

GÅRNIR (sitopant s’ pupe)

Awè valet, les martchands rapticixhèt todi l’ pris des ovraedjes, djel voe mî tos les djoûs.

POREA

(si ritournant et mostrant èn ovraedje)

Tinez, dji n’ vis el fwait nén croere, i rapticixhèt télmint edon, ki vocial des escôsswesses — vos savez çou k’ c’ est — et bén nos avans asteure on dmey franc del pwaire po les fé et dji m’ rapele ki cwand dj’ aprindéve mi mestî amon Raymond, les minmes ovraedjes estît payîs disk’ a des deus francs et dmeye et des troes francs.

GÅRNIR

(alome si pupe, i prind si aloumete sol fornea)

Awè, c’ esteut di ç’ tins la k’ on fjhéve tant des musketes. Dj’ ovréve å feu d’ bwès adon, ci n’ est k’ après ki dj’ a-st apris l’ monteu, bén dji m’ sovén ki ces musketes la c’ esteut les meyeus ovraedjes k’ on åreut polou trover. Contez on pô valet, ki mi ki n’ a måy portant stou des pus abeyes, dji wangnive des set et des ût francs par djoû.