amingorti.[1] Nach urisa[2] damsa dino[3] comruc[4] fri bandscāil,[5] cēin nombeōsa isinn nīthsa.[6]" "Bia achobera[7] daitseo oc suidiu. Nī ar thōin[8] mnā dino[3] gaubusa[9] inso. Bid annso[10] daitsiu," orsisi,[11] "intan doraga[12] ar do chenn [32a] oc comruc[13] frisna firu.[14] Tarroghsa[15] i rricht escengan[16] fot[17] chosaib isinn[18] āth, condōethais.[19]" "Dochu lim ōn oldās ingen rīg. Notgēbsa," orse, "im ladair, co mbebsat[20] t'asnai,[21] ⁊ bīa fond animsin co rosecha brāth bendachtachtain[22] fort." "Timorcsa na ceithri forsinn āth[23] addochummsa[24] i rricht soide glase." "Lēicfesea cloich dai[t]seo asin tailm, co ma[25] do sūil id[26] chind, ⁊ bīa fond ainimsin[27] co roseacha brāth benachtan[22] fort." "Torrachsa[28] daitsi[29] i rricht samaisce māili derce[30] riasind ēit, co memsad[31] ort forsna hilathu ⁊ forna[32] hāthu ⁊ forna[32] linni,[33] ⁊ nīmaircechsa[34] ar do chend." "Dolēicubsa[35] cloich deitsiu," orse, "co mema do fergara[36] fot, ⁊ bia foind animsin co roseacha brāth bennacht[37] fort." Lasodain tēit ūad.[38]
Comruc Lōich ⁊ Conculaind ar Tānaid andso sīs.[39]
Dogeassa[40] Lōch. dono[41] mac Mofefis[42] amal a chēliu, ⁊ doraiṅgeread[43] dō commēiti[44] Maige Muirthemne di min Maigi Aii ⁊ timt[h]acht dā fer dēac ⁊ carpat .vii. cumal, ⁊ nirbo[45] siu[46] lais comracc fria[47] gilla. Bāi brāthair lais, Loṅg mac Ebonis cadeisin. Dobreth do suidiu a thindscra[48] cētna itir ingen ⁊ dec[h]elt ⁊
- ↑ ainmgorti LU.
- ↑ ni haurussa LU.
- ↑ 3.0 3.1 dano LU.
- ↑ comrac LU.
- ↑ banscáil LU.
- ↑ isind níthso LU.
- ↑ Bíd īchobairse (.i. dogénsa congnom latt) LU.: leg. Bidimchobairse?
- ↑ oin on an erasure; there is also a long erasure after mna
- ↑ gabussa LU.
- ↑ Biansu LU.
- ↑ orsi LU.
- ↑ doragsa LU.
- ↑ The first c is added under the line
- ↑ firiu LU.
- ↑ Tarrocsa altered to Tarrogsa; the mark of aspiration is later: Doragsa LU., recte
- ↑ escongan LU.
- ↑ fót LU.
- ↑ isind LU.
- ↑ co táithis LU.
- ↑ mmebsat LU.
- ↑ n added above
- ↑ 22.0 22.1 bennachtan LU., recte
- ↑ in cethri forsind áth LU.
- ↑ One d is added under the other: do dochumsa LU.
- ↑ co comart LU.: leg. co mema?
- ↑ it LU.
- ↑ sin added later: fónd anim LU.
- ↑ Torach LU.
- ↑ si added later above the line; dait LU.
- ↑ máile dérce LU.
- ↑ mensat LU.; leg. memsat
- ↑ 32.0 32.1 forsna LU.
- ↑ linniu LU.
- ↑ nimaircechasa LU.
- ↑ Tolecubsa LU.
- ↑ do fergara on an erasure
- ↑ bennachtan LU.
- ↑ After this LU. adds: Combad sechtmain dosom for Áth Grench, ⁊ dofuitted fer cach lái i nÁth Grencha laiss .i. i nÁth Darteisc
- ↑ comruc—sīs om. LU., which has between the columns: aided Lóich maic Mofemis inso sís
- ↑ Gessa LU.
- ↑ dano LU.
- ↑ Emonis LU.
- ↑ The second e is added above later: dorairngired LU.
- ↑ comméte LU.
- ↑ Over this is added ui with a mark to indicate that it is meant to precede siu
- ↑ fiu LU., recte
- ↑ a added later below the line; fri LU.
- ↑ tinscra LU.
