Page:Tain Bo Cuailnge.djvu/71

From Wikisource
Jump to navigation Jump to search
This page has been proofread.
59
TÁIN BÓ CÚAILNGE

Medb a ndīs." "Is mellach lim in lānamain[1] ucut," olsi,[2] "⁊[3] ba contine[4] a comrucc.[5]" "Nī gēbasa[6] dīt ēm," ol[7] Ailill. "Rambia, dia tuca cend in rīastairthi damsa." "Dobēr immorro," ar Laireine.[8] Tic Lugaid fosodain. "Caidi[9] lib imbārach fer i nāth?" "Tēiti Lairene,[10]" or Ailill. Dothoet[11] Lugaid iarum do acallaim Conculaind. Conrecad im Gleann Firbāith. Ferais ceachtar de comraichne fāilte[12] fria chēle.[13] "Is dō dodechad dot acallaim," ol[7] Lugaig.[14] "Atā aithechmādad[15] drūthsotal sund ucut," olse, "brāthair damsa, Lairene[16] a ainm. Dober brēc imon ningin cētnai. Fort chotach didiu nī ruba hé, nāchamfācbasa cen brāthair,[17] Maith lem immorro cia nóslais co lēir, ol[18] is tar mo t[h]ert[h]ogu thēite." Tēit Lairene[19] arabārach ar c[h]eand Conculaind, ⁊ in[20] ingen ina arrad[21] dia nertad. Donetat[22] Cūchulaind iarum cen arm lais. Doloidsidi[23] a arm nairi ar ēigin. Gaibid[24] iarum itir a dī lāim ⁊ cotmel ⁊ fochrot[h]a, co sepaid[25] a chaindebar[26] as, ⁊[27] combo būaidirthe[28] int āth dia chacc, ⁊ combo ttrūalnithe[29] āer na chethararda[30] dia denngar,[31] ⁊ focheirdd co m[32] itir a dai[33] láim Lugdach. Cēn roba[34] beō, ni tauthchaid a brū for cōir.[35] Nī raba[36] cen chliābgalar.[37] Nī roloing cen airchisecht. Is ē ōenfer arapaide adroindi drochērnam[38] úadsom di nnech[39] cotrānic fris ar Tāna Bā Cūailge.[40]

Co nacca Cūchulaind[41] in nōcbean chuici co nētuch cach datha impe, ⁊ delb rodearscaithi[42] fuirri. "Ce tháisiu[43]?" or Cūchulaind. "Ingen Būain ind rig," orsi. "Dodechad chucutsu, rotc[h]arus ar th'airscēlaib, ⁊ tucus mo shēotu[44] lim ⁊ mo indili." "Nī maith ind inbaid[45] dondnanac.[46] Nachis olc ar mblāth

  1. ind lánamain LU.
  2. After this ⁊ doberar was written and cancelled
  3. om. LU.
  4. coindme LU.
  5. comrac LU.
  6. gebsa LU.
  7. 7.0 7.1 or LU.
  8. Láríne LU.
  9. Cate LU.
  10. Téite Lárine LU.
  11. Dothǽt LU.
  12. comráicne LU., omitting failte which is a gloss on comraichne
  13. leg. Lugaid
  14. araile LU.
  15. atechmatud LU.
  16. Laríni LU.
  17. ár is airi doberarsom chucutsu ardáig co forgénmáis arudis debuid add. LU.
  18. ar LU.
  19. Láríne LU.
  20. ind LU.
  21. inna farrad LU.
  22. Danethat LU.: leg. Danetat
  23. Doloside LU.
  24. Gabaid LU.
  25. co nsephaind LU.
  26. channebor LU.
  27. om. LU.
  28. r added over the line: buadartha LU.
  29. thruallnethe LU.
  30. cethararda LU.
  31. dendgur LU.
  32. co mbái LU.
  33. a dai: da LU.; leg.
  34. robo LU.
  35. LU. looks like coín
  36. robai LU.
  37. The mark of aspiration is later; clíabgalar LU.
  38. adroinni drochternam LU.
  39. neoch LU.
  40. ar tána LU.
  41. Cú LU.
  42. roderscaigthe LU.
  43. táisiu LU.
  44. The mark of aspiration is later
  45. inbuid LU.
  46. tonnánac LU.