Page:Tain Bo Cuailnge.djvu/70

58

Táin Bó Cúailgne

beōda do ḟocheird^[1] indiu, a Chūchulaind,” orse. Conid de atā Focherd uada^[2] a Murthemniu.^[3] Atbail foc[h]ētōir Fearbǣth isin glind. Is de atā Gleann Ḟirbāith. Ɔcloithi Fergus^[4]:

“A Firbáith, is bǣth do ḟeacht⁠isin^[5] maigin i tā do ḟert.
Rosiacht coll do com bar and,^[6]⁠is cric[h]id hi Crōen Chorand.

Fichi^[7] ainmnigt[h]er a nard,⁠co brāth bid Crōenech Murthemne^[8]
Ōndiu bid Focherd a ainm⁠ind airm i torchair, a Ḟir.

A Fir ⁊ reliqua.^[9]

“Dorochair^[10] far cēle,” or Fergus. “Eprid in nīccfa in fersin imbārech.^[11]” “Iccfa ēiccin,” or Cūchulaind. Fōidid Cūchulaind aitherrach^[12] Lōeg dia ḟis^[13] scēl dūs cia c[h]ruth mbotha^[14] isin dūnad,^[15] ⁊ in bo beō Ferbǣth. Asbert Lugaid: “Atbath Ferbǣth, ⁊ dothǣt Cūchulaind dom acallim.^[16]” [31^b] “Neach ūaib ambāroch^[17] ar c[h]end bar cēle!” or Lugaid. “Nī faigebtharside itir,” ar^[18] Ailill, “acht ma doronad^[19] cēill^[20] occai. Nach fer dotēiti^[21] chucaib, tabraid fīn dō, corup maith a menma, ⁊ asbertar^[22] fris: ‘Iss ed namā fil and dind ḟīn^[23] tucad a Crūachnaib. Rosāeth lindi^[24] do bithsiu for uisci^[25] isin dūnad,’ ⁊ doberthar Findabair fora deisreth, ⁊ asberthar: ‘ragaid cucut dia tuigi^[26] cend in riastairthe dūindi.^[27]’”

Nofāidti^[28] cach lāth gaile^[29] a aidche ⁊ noraiti^[30] fris annīsin.^[31] Nogonadsom cach fer dīb a hūair. Nī fēta nech leō ara chend assennad. Congairt[h]er dōib Lairene^[32] mac Nōis, alla aile^[33]; brāthairside do Lugaid, rī^[34] Muman. Ba mōr a hūallchas. Doberar fīn^[35] dō ⁊ doberar Findabair fora deasrig.^[36] Dosēccai

1. feochard LU.
2. om. LU.
3. MS. a Mur˘: Murthemne LU.
4. glend Firbaith. Ɔcloth ni Fergus co nepert LU.
5. sin LU.
6. do com on an erasure; bar has been altered from ba: do chombár and LU.
7. Fíthi
8. Cróenech i mMuirthemniu LU.
9. ⁊ cetera LU.
10. Tarrochair LU.
11. imbárach LU.
12. An erasure between r and a: atheroch LU.
13. do fis LU.
14. imtháthar LU.
15. dunud LU.
16. iarnúair do chomacallaim LU.
17. imbárach co ellom LU.
18. or LU.
19. dórónaid LU.: leg. dorónaid
20. gl. .i. ceilg LU.
21. dothǽti LU; leg. dothét
22. sic LU.; leg. asberthar
23. fil don fin LU.
24. linni LU.
25. uisciu LU.
26. The MS. seems to have tuiti altered to tuigi: tuicce LU.
27. ind riastairthe dūinni LU.
28. t added over the line; Nofóité co LU.; leg. nofóite co
29. ngaile LU.
30. noráté LU; leg. noráte
31. anísin LU.
32. Laríne LU.
33. The first a of alla has been altered from o, and between aile and alla something been erased: oltanaile LU.
34. After ri a letter has been erased: ríg LU.
35. After fin a letter has been erased: find LU.
36. g on an erasure: desraid LU.