Page:Tain Bo Cuailnge.djvu/69

From Wikisource
Jump to navigation Jump to search
This page has been proofread.
57
TÁIN BÓ CUAILNGE

Coinculaind. Ba hē fer a diṅgbāla[1] leū, ar ba cumma dāna[2] diblīnaib la Scāthaich. Doberar fīn dō iarum corbo mesc, ⁊ asber fris, ba cōem leōsom a llindsin, nī tobrad acht ere .l. fēn leō, ⁊ ba[3] ind ingen nusgaibed[4] lāim fora chuitsom de. "Nī hacobar[5] lim," or Ferbǣth; "comalta ⁊ fer bithchotaid[6] dam Cūchulaind. Ragadsa arapa ara chend imbārach, co tobachtar[7] a c[h]end de." "Bid tū dogēna,[8]" or Medb. Asbert Cūchulaind fri Lōeg teacht ar c[h]enn Luigdech[9] dō, co tīsad dia acallaim. Dothoet[10] Lugaid chuigi.[11] "Ferbǣth ane dothǣt ar mo chendsa imbārach," or Cūchulaind. "Ēiseom ōn,[12]" ar Lugaid. "Alcco[13] dia sin," or Cūchulaind; "nīconbeōsa i mbeathaid di[14] suidi.[15] Do[16] c[h]omāis sinn, dā c[h]omsolam, dā chutrumæ, co comairrseam. A Lugaid, celebair[17] dam, apair fris dino[18] nī fīr lǣchdachte dō thuideacht[19] ar mo chendsa. Abair[20] fris, tǣt ar mo chennsa inocht dom acallaim." Rāiti Lugaid fris. Antan[21] nādrimgab iarum Ferbǣth, luid indn aithchisin[22] da[23] athchor a chairdesa for Coinculaind, ⁊ Fīacha mac Fir Febe lais. Ataich Cūchulaind fris a chomaltus ⁊ a muimi diblīnaib Scāthaich. "Isimēcen trā," ol Ferbǣth; "darindgiult[24] do Meidb.[25]" "Doselba[26] do chotach didiu," ar[27] Cūchulaind. Luid Cūchulaind fo luindi ūad. Fornesa sleig chuillind[28] isin glind hi cois Conchulaind,[29] co tūargaib oca glūn sūas a chend.[30] Dosreṅga[31] ass. "Nā tēig, a Firbāith, co naiccther in frīthi fonnuarsa.[32]" "Tochra ūaid,[33] ar Ferbeth.[34] Focheirt Cūchulaind in sleig niarum i ndegaig[35] Firbāith, co nerrmadair[36] āth a dā chūlad, co ndechaid fora bēolo sair, co torchair tara ais isin glenn.[37] "Focheird sin ēm," ol Ferbōeth.[38] Is de atā Focherd Muirthemne. is ē Fīacha mac Fir Febe[39] asrubairt[40]: "is

  1. ningbala LU.
  2. The second a added later below; dán LU., recte
  3. ba hí LU.
  4. It seems to be nígaibed altered to nusgaibed: nogebed LU.
  5. haccobor LU.
  6. bithchotaig LU.
  7. topachtur LU.
  8. dogénad LU.
  9. g has been altered from some other letter; d has been altered, probably from g: Lugdach LU.
  10. dothǽt LU.
  11. chucai LU.
  12. óm add. LU.
  13. Olc LU.
  14. i added below
  15. sudiu LU.
  16. da LU.; leg.
  17. celebor LU.
  18. dano LU.
  19. tuidecht LU.
  20. apair LU.
  21. Intan LU.
  22. in naidchisin LU.
  23. do LU.
  24. darindgult (.i. rogellus) LU.
  25. do Meidb added later over the line: om. LU.
  26. Doṡella LU.
  27. ar added later under the line: om. LU.
  28. culind LU.
  29. Conculaind LU.
  30. cend LU.
  31. Dasrenga LU.
  32. fónúarsa LU.
  33. Tochræ uáit LU.
  34. Ferbǽth LU.
  35. ndegaid LU.
  36. co nérrmadair LU.
  37. issa nglend LU.
  38. oeth on an erasure
  39. mac Fir Febe om. LU.
  40. asrubart LU.