Page:Tain Bo Cuailnge.djvu/73

From Wikisource
Jump to navigation Jump to search
This page has been proofread.
61
TÁIN BÓ CÚAILNGE

carpat ⁊ tīr. Tēitsíde ar c[h]end Conculaind. Gontai Cūchulaind, co tabrad a marb ara[1] bēolu a brāthar .i. Lūaich. Asbertside dino[2] dafeissed[3] acht bid[4] fer ulchach[5] noodṅgonad,[6] nomarfedsom hē ind.[7] Is andsin asbertatar na mnā fri Coinculaind dognīthi a chuidbed[8] isin dūnad,[9] uair nadmbāi ulcha lais, ⁊ nícontēigtis dagōic acht siriti ar cend.[10] Ba hassu dō ulcha smerthain[11] do dēnam[12] leis. Coniddignisom annīsin[13] do chuinchid[14] comraicc ri[15] fer .i. fri Lūach.[16] [[17]Gabais iarom Cūc[h]ulaind lán duirnd dind féor, ⁊ dichac[h]ain (.i. bricht) fair, combo hed domuined cāch combo ulc[h]a bái lais. "Fír," or in bantrocht, "is ulc[h]ach Cúchulaind. Is cubaid do niaid comrac fris." Oc grēssacht Lōich ón dorigensatsom anīsin. "Nī digéonsa comrac co cend secht lathi ōndiu fris," for Lōch. "Ní cubaid dúinni cen fóbairt ind fir frisin rēsin," ol Medb. "Tabram fíanlǽch cach naidchi do seilc fáir, dūs in tairsimmis [75a] a bǣgul. Dogníther iarom samlaid. Dothēged fiánlǽch cach naidchi do seilg fairsium, ⁊ nosgonadsom uli. It ēseo immorro anmand na fer dorochratar and: secht Conaill, .vii. nÓengusa, .vii. nUárgusa, .vii. Celtri, ocht Feic, deich nAilella, .x. nDelbaith, .x. Tasaig. Ité insin gníma na sechtmainesin dosom i nÁth Grencha.

Conniacht (.i. arranic) Medb comarli dūs cíd dogēnad fri Coinculaind, ar ba aincis mór lei a nrobíth leis día slōgaib. Is ī comarli arrānic, ǽs fēig forúallach do chor i nóenfecht dia saichthin, intan ticfad i nairis dála di[a] accallaimsi. Ar bái aires dāla (.i. comdal) dissi arabārach fri Coinculaind do dēnam

  1. ar LU.
  2. dano LU.
  3. f added below the line; dáfessid LU.; leg. dia fessed
  4. combad LU.
  5. fer ulchach: MS. rualach; the letter between f and r is a smudge: i altered to e?: fer ulcach LU.
  6. The first o on an erasure: nodngonad LU.
  7. "Berid grem catha chuci," ar Medb fria muintir, "tarsin náth aniar co ndigsid taris, ⁊ brister fír fer fair." Tíagait na secht Mane mílid i tosach, conidnachcatar for bru ind atha aníar. Gabaidsom a díllait nóenaíg imbi in laasin. Iss and fordringtís na mná na firu día descin. "Is sǽth dam," or Medb, "náchaccim in 'gilla immanágar sund." Ni ba slániu de latt do menma," or Léthrend echaire Ailella, "dia naicigther." Dothǽt iarum dochum ind átha amal búi. "Cía fer sucut a Ḟerguis?" or Medb. "Gilla araclich claideb co scíath arbúaib mór serig armnáib feraid fodil diferlessaib aróenathib Ulad imgóet cáin fera fodil di fodbaid ríg than mc dían díangarar Muirthemne mag másu Cháuland cú." Fordring Medb dano na firu lasodain dia déscin. add. LU.
  8. dognithe a cutbiud LU.
  9. dúnud LU.
  10. ara chend LU.
  11. smérthain LU.
  12. dénum LU.
  13. ɔidgnidsom anísin LU.
  14. ardáig cuingthi LU.
  15. fri LU.
  16. Lóch LU.
  17. The whole of this passage in brackets is taken from LU. 74b 38 to 76b 29. It does not occur in YBL.