Page:Tain Bo Cuailnge.djvu/47

From Wikisource
Jump to navigation Jump to search
This page has been validated.
35
TÁIN BÓ CÚAILNGE

foladaib ⁊ indilib Cūailṅgi, co foetar[1] i nGlind Dāilimdæ[2] [25a] hi Cūailṅgi. Botha a ainm[3] in puirtsin, ūair dogēnsad botha[4] and. Dothīagad[5] arnabārach do Colbdu.[6] Fonopart[7] tri anfōt. Conērachtside friu dono[8] co mbert cēt carpat[9] ūaidib dochom maro. Is ed ainm in tīre i nrabāte Clūain Carpat. Lotar timchell Colpta[10] iarum dochum a thobair do Belut Ailiūin[11], fochetoir[12] oc Līasaib[13] Liac. Is ed ainm in poirtsin, ūair doringset leasa[14] fora lōegaib[15] and eter C[h]ūailṅgiu ⁊ Conailliu. Dollotar iarum dar Glenn nGatlaigh.[16] Conērracht dino[8] Glais Gatlaig friu. Sechaire a[17] ainm riam. Glas Gatlaidh[18] ōsin, ūair ba i gataib dombertadar[19] a llōegu, co feōtar i nDruim Ḟēine la Conailli.[20] It ē sin trā a nimtheachta ō Chūailṅgi co Machairi iarsin[21] slichtsa. Dognīat immorro augdair in dānasa[22] ⁊ libair aile cōrugud aili fora nimtheachtaib a Findabair co Conailli.[23]

Adbert Medb iar torachtain cāich cona ngabālaib[24] co mbātar uili hi Findabair Chūailṅgi: “Ranntar in dūnad sund,” or Medb; “ni ruccfaither indn imirgesea[25] for ōenchōe.[26] Tīat Ailill la leith na himirgi for Midlūachræi. Ragmaitne[27] ⁊ Fergus for Bernas[28] nUlad.” “Nī sēgda,” or Fergus, “in leth donroacht dinn[29] imirgi; nī rucfaiter na bāi tarsin slīab cen comrainn[30].” Dognīth ōn, conid de atā Bearnas Bō nUlad.

Is andsin asbert Ailill ria[31] araid Cuillius: “finna dam indiu Medb[32] ⁊ Fergos. Nī fetar cid rodanucc don coibdinilse,[33] ⁊ bid fō lim tomīssed comardha[34] nūait[35].” Dothēit Cuillius intan bātar hi cluithrib[36]. Ansait in[37] lānamain fo deid[38], ⁊ lotar ind ōic remib. Dothoet[39] chucu Cuillius, ⁊ nī forcūalatar[40] in fer forcsi. Ecmaicc bōi a c[h]laideb hi farrad Fergasa[41]. Tanīsca Cuillius asa thrūaill ⁊ fofāccaib[42] ind[43] trūaill fās. Dothǣt Cuillius co hAilill. “Ameind?” or Ailill. “Amne dino,[8]” olse[44]; “undar dait sund comardæ.

  1. leg. feótar: feótár LU.
  2. Dáilimda LU.
  3. a ainm LU.
  4. forra add. LU.
  5. Doíagat LU.; leg. dotíagat
  6. Cholptu LU.; leg. Cholpthu
  7. So it is probably to be read, but the letter between a and t is written on an erasure, and is indistinct; fanópaīt LU.; leg. fanópartatar?
  8. 8.0 8.1 8.2 dano LU.
  9. cairptech LU.
  10. t added later beneath the line
  11. Alióin LU.
  12. LU. co feótár recte
  13. as added over the line and the second i under the line; both later
  14. líassu LU.
  15. loegu LU.
  16. The h of aspiration is later
  17. a added under the line
  18. The mark of aspiration is later
  19. dobertatar LU.
  20. Conailliu LU.
  21. iarsint LU.
  22. in danasa om. LU.
  23. .i. add. LU.
  24. cona gabail LU.
  25. ind imirgise LU.
  26. óenchói LU.
  27. Ragmaine LU.
  28. bo added later over the line: Bernas nUlad LU
  29. dind LU.
  30. com added later over the line: cen raind LU.
  31. fria LU.
  32. Meidb LU.
  33. choibdinse LU.
  34. The mark of aspiration is later: donísed comarth LU.
  35. núaith LU.
  36. cluichrib LU.
  37. ind LU.
  38. deóid LU.
  39. Dothǽt LU.
  40. forchúalatár LU.
  41. fófácaib LU.
  42. fófácaib LU.
  43. in LU.
  44. or Cuillius LU.