Page:Tain Bo Cuailnge.djvu/46

From Wikisource
Jump to navigation Jump to search
This page has been validated.
34
TÁIN BÓ CÚAILNGE

“ind agaig[1],” orse, “dochōtar Ulaid ina nōindnin[2] dochōid[3] ⁊ trī fichit samaisce imbi, conidfil i nDubchairiu Glindi Gad.[4]” “Ēirgid,” ar[5] Medb, “⁊ berid gad[6] itir cach ṅdīs ūaib.” Dognīat ōn iarum. Is de atā Glend Gad[7] iarsin slichtsin.[8]

Atchondcadar[9] iarum in tarb co mbāi a Findabair[10]. Āit a naccai[11] in būachaill, .i. Lōthar, cofōbair[12] cucai, co mbert a inathar as fora beandaib, ⁊ dofōbair cona tri .l.ait[13] samaisce a ndūnud conapad .l. lōech lais. Conid aidid[14] Lōthair ar Tāna andsin[15][16] fagbāil in tairb iarsin slichtsin; nī he lenfam sund beos. “Cate in tarb?” olsi. “In dōig lat?” “Issamomun ara faisnēis[17],” ol in būachaill. “Dōig leam bad i ndiamraib[18] Slēbe Cuillind nobeith.” Tintasad[19] amlaidsin iar nindred Cūailnge, ⁊ nī fūaratár in tarb n-and. [Conéracht Glaiss Chruind friú i nenna crand][20] co feōtar fuirri,[21] ⁊ asbert Medb fri drécht día muinter ara tīastais tairis.[22]

Luid lōech amra arabārach, hŪalu a ainm. Gabais liic māir[23] fria ais do thechd tarsin nuisci. Dochorastair[24] in glais for cūlu ossē cona lic[25] fora thairr[26]. Atā a lecht ⁊ a lia forsin sligig[27] ocon glais .i. Lia hŪaland a ainm.

Lotar iarum timchill glaisi[28] Cruind corici in tobar,[29] ⁊ dochostis[30] itir a tobor[29] ⁊ slīab, acht nād ētad[31] ō Meidb. Ba ferr la suidi techt tar slīab ara marad a slicht and co brāth a(r) ṡár for[32] Ultu. Ansait trī laa ⁊ trī haidche andsin co cechlatar a nūir remib, Bernas ṁBāu Cūailnge.[33]

Is andsin geguin[34] Cūc[h]ulaind Crond ⁊ Chōemdele, ⁊ rofer fuire nimnaise. Adbath cēt nānroth frisrindrig[35] im Roān im Roæ im dā senchaid na Tāna. .iiii. rīg ar sē[36] fichtib rīg adbath[37] lais forsinn glais cētna.[38] Dolotar iarum for Bernas Bō Cūailgi co

  1. adaig LU.
  2. nóendin LU.
  3. dolluid LU.
  4. Glinne Gat LU.
  5. or LU.
  6. gatt LU.
  7. ngat LU.
  8. iarsin slichtsin: forsin glind sein LU.
  9. Doberat LU.
  10. in findabair LU.
  11. i naccai (.i. in tarb) LU.
  12. tofóbair LU.
  13. cona tri cóectaib LU.
  14. aided LU.
  15. = insin: sin LU.
  16. ⁊ fagbail...nobeith. For this LU. has: Luid uadib in tarb iarsin asin dunud ⁊ ní fetatar cid dochóid úadib ⁊ bá méla léo. Roiarfacht Medb in búachnaill, dóig leiss cáit i mbái in tarb. "Doig lem bád i ndíamraib Slébe Culind nobeth."
  17. f added later
  18. MS. indniamraib
  19. Tintáiset LU.
  20. omitted in YBL per incuriam
  21. gl. .i. fora bru LU.
  22. muintir ara tístais taris LU.
  23. móir LU.
  24. dochorastár LU.
  25. liic LU.
  26. MS. fora athairr
  27. =sligid: forsin sligi LU.
  28. timchell glaisse LU.
  29. 29.0 29.1 topor LU.
  30. docóestis LU.
  31. étad LU.: leg. état?
  32. for added later over the line
  33. bernas báu Cualgni LU.
  34. géoguin LU.
  35. friss rind ríg LU.
  36. cethri ríg ar secht LU.
  37. atbath LU.
  38. chétnai LU.