féin é. Tá riġneas agat dá ċur orainn i dtreó go mbeaḋ uain ag Conċoḃar agus ag laoċra Ulaḋ ar ḃeiṫ ollaṁ dúinn. Ní ḟeadar-sa ná go mb’ ḟéidir go ḃfuil sgéala curṫa agat ċúċa. Níor ḋóiċiġe riaṁ é. Tusa! An Fearġus mac Rosa úd nár ḋein feall riaṁ!
F.—Is fíor é, a ríogan! Níor ḋein Fearġus mac Rosa feall riaṁ!
M.—Níor ḋein dar ndóiċ! Ní feall ḃeiṫ i ngéilsine ḋoṁsa agus páirt do ṫógáilt le Conċoḃar. Ár sluaġ do ċoimeád annso ag gluaiseaċt ó ṫuaiḋ agus ó ḋeas, ó ṫuaiḋ agus ó ḋeas; gan aon ċiscéim do ṫaḃairt soir. Ní feall é sin. Ní heaḋ i n‑aon ċor. Ní mar sin a léiġtear feall i n‑aigne Ḟearġuis. An rud dob ḟeall ó ḋuine eile ar Ḟearġus ní feall ó Ḟearġus ar ḋuine eile é. Abraḋ Fearġus a roġa rud, deirim-se gur feall orm-sa ó Ḟearġus ḃeiṫ ag cur an ṁór-ṡlóiġ so ar míriar ar ṁaiṫe le Conċoḃar. An té atá ’gá ḋéanaṁ deirim gur fear fill é. Agus deirim gur fear fill Fearġus.
F.—Go réiḋ! a ’nġín Eoċaiḋ. Ní ṫuigean tusa an obair, agus dá ḋeasgaiḃ sin leog doṁsa caint do ḋéanaṁ. Dá mba ná beaḋ sa tsluaġ so aċ a ḃfuil fé láiṁ ag na seaċt Mainiḃ ní ró ṫapaiḋ a féadfaí iad do ċur ar siuḃal. Níor ḃ’ ḟoláir aireaċas maiṫ cruinn do ḋéanaṁ nó do ċuirfeaḋ caime na mbóiṫre agus anacra na sliġe tríoċa céad díoḃ i n‑acran i dtríoċa céad eile. Dá mba ná beaḋ againn aċ an méid atá ag na Mainiḃ agus ag Macaiḃ Máġaċ níor ḃ’ ḟoláir
