Kaoelă engghi onèng njapo mènrammènna orèng Papoewa.
E sèttongnga malem orèng Papoewa bhoeroe abhǎdhi kompolan lèma kennengngan; è bakto ghǎpanèka rengngè'na taḍă', paḍă bhoeroe amarghǎ okossa kampoan. Towan sapandjhoeriddhǎ todjoe' alama' tèker, pas eangka'è tadjhin sareng djhǎdjhăn dări saghoe, polè wa-boewa ăn, nangeng taḍa’sẽ èteddha'ǎ, amarghă dări kotorra. Saamponna ghǎpanèka pas kalowar ka angka'na polè, èngghi panèka towa' èbaddha boengboeng, pas padă ngènom tè-ghǎntè; kaoelǎ mènta è ghellas, ta' poron ngènom è boeng-boeng sakèng bådjhi'na; tapè orèng ka'dissa njaman saos pangènomma.
Bit-abit sè akompolan atambă pèrak, rak-orakan tjè' èngerra, ladjhoe padă atangdhăng; bădă sè ngotjol panana dǎ' ǎttas; tabbhoeănna tjoma terbhăng sèttong. Ladjhoe bădă orèng kaḍoewă mandjheng, manabi djǎdogghǎ sèrana possa' sareng boeloena mano', ngangghoej ghellang sareng ghellǎng soko dări kolè'na lokan sareng mandjhălin; rang-sorangnga negghoe' lèntè. Sè kaḍoewă dă'-ada'ăna padă ta-kanta ghantè pokol, tapè bit-abit mokol ongghoeǎn; sakè'na ampon tanto. Ropana ampon katara padă seḍdhina, pas akèkèt tjè' rammèna; ladjhoe salèng bhantèng. Sareng ampon padă lessona pas padă amboe.
