119
Towan ladjhoe mamonjè pèlpolla, abhǎḍhi takerdjhǎddhǎ sè akompolan. Sareng ampon èlang takerdjhǎddhă orèng sè paḍă akèkèt ghellǎ' èlang seddhina, pas rokon polè.
Sareng ampon malem rèng-orèng Papoewa ghăpanèka amèt ka towan èntara ngampa' ḍǎ' sèttongnga kampong; sè èkampa'a bănnè bhărăng, tapè sèrana orèngnga. Sèra ghǎpanèka pas ètaroa è romana.
Saongghoena Kangdjeng Goepermèn tjè' ta' kasokanna ḍă' adhǎt kanèjadjă ghăpanèka. Anangèng natkala ghaǎpanèka towan ta' kasokan pas alarang sama sakalè, kobătèr orèngnga seddhi, mèlaèpon èalosè, pamèntana ètorotana tapè manabi ampon petteng boelan. Rèng-orèng ghǎpanèka paḍă pèrak. Saamponna ella' sabătara arè ḍări sè amèn-rammèn rèng-orèng Papoewa ghǎpanèka èpapolong sareng towan, èparèntaè sarana èsarat, ta' kèngèng ngampa' polè. Pasèra sè băngal nerrak larangan ghăpanèka towan ḍǎtengnga polè bǎn pandjhoeriddhǎ, sareng èantjam.... tjenṭar! Towan ngotjol pèlpolla. Rèng-orèng sè apolong paḍă ngètek sakèng tako'na; ladjhoe adjhǎndjhi ta' ngampa'a polè. Anangèng pasèra sè onènga djhǎ' atoro ongghoe otabǎ bhoenten? Ebǎ sapanèka Goepermèn njobă' abherri' pangartèan da' orèng alasan ghăpanèka, djhǎ' kantos salèng matè'è sareng bhǎngsana. Bit-abit orèng ka'dissa adjhǎr namen padi, apangangghoej sè abǎk pantes, ako-bengko sè ressèk sareng èn-laènna. Ahèrra manabi ampon sarmo ongghoe sareng Bălăndha amè' èpabăḍă sakola'an, sabǎb samangkènna ghi' tjè' bhoedoena; ghi' ta' onèng ngètong, ponapa polè matja sareng nolès, ta' onèng sakalè. Saabid- dhǎ bhǎngsa Papoewa panèka ta' onèng alalakon; lakona tjoma abhǎbhoeroe ka alas sareng ngala' saghoe.
Kangdjeng Goepermèn tjè' kasokanna atolong mapènter orèng sè ghi' tjè' bhoedhoena ghǎpanèka, onènga akadhi orèng è tana Djhăbă.
