"Ah, mè' lekkas ongghoe. Seppoér sè ka'imma sè abhăkta sorat ghapanèka, ma'," saotta Saha sambi mengnga'.
,,Endja ta' èghibă seppoér."
,,Marèna sareng ponapa?"
Saha ta' kongsè ngèḍingngaghi djhăwăbbha mama'na, lontjèng ella amonjè tello kalè, èsambhidhi pè-topèanna kondèktoér; paloeiddhå messín amonjè tjoeidhăn; sowarana malèngpèngè kopèng. Seppoér ladjhoe adjhălăn on-laonan, so'è abit so'è ghăntjang, sowarana messinna ngobhoes makalowar owa' (settoém).
È lowaranna tapsioén ella tèra'.
Bă-sabă katon ngabhiroe pat-lapat èsasapè boen-arboen; nong-ghoenong katon aget-djoerget, băḍă sè malandeng akanța paghar alas sè alènglèngè pakarangan sè talèbăt lèbărră. Padjhălănna seppoér tjè' lekkassa, masè abhentora ghoenong djărèja. Nangèng sè èkamengnga'è Saha, sakabbhiănna ka'-bhoengka'an băn tjangghăna kabă' ma' dhǎddhi paḍă băng-tabǎngan, paberka'na ngatjower tjè sèkatta. Padjhălanna seppoér ḍă' tèmor, dhinèng paberka'na ka'-bhoengka'an djărèja ngatjower ḍă' bara', nangèng bhăreng ètjongngo' băn Saha ḍări tjanḍéla, pas amboe. Saha sadjan ghetton.
Saha todjoe' polè ngabăs è ḍălem karèta, seppoérra tjè' possa'na bi' orèng sè nompa'. Patodjoe'na dhep-adhebbhăn băn Tjèna sèngkè' kaḍoewa tjatjana ngatjèpèk. Saha tje ta' lèboerrá ngèdingngaghi, ladjhoe atolè ḍă' paddhoena seppoér nangalè orèng binè' towa todjoe' è băbă, robăna tjè' tako'anna, sèpat băḍă orèng lèbăt pas ngotja': ,,Pa- ngapora èngghi non!" Saha atanja da' mama'na: " "Ma' aponapa orèng èngghărowama' todjoe' è băbă ?"
Mama'na atolè; bhăreng tao, orèng towa djarèja èèntarè, otja'na: ,,Bă', anapè dhika ma' ta' todjoe' è attas è
