dhănan ella èboewa' è karètèk. Laèn ḍări djareja băḍă polè karandjhăng ḍoewă mègghi' aèssè lè-ollè èbaghiă ḍă' madjhǎdi'na, băn sèttong polè băḍḍhăna kakanan sangona è djhălăn.
Bhareng băn-ghibănna ella èboewa' kakabbhi, Pa'na Saha, emboe'na băn tarètanna kalowar ḍări roma ladjhoe paḍă nompa'; Saha ella nompa' ka aḍă', pas paḍă mangkat. Karètèkka tjè' possa'na, djhărănna nè'-kènè', molana padjhălănna rè-lèrè. Pangrasana Saha talèbăt lèrèna, sakèng kabhoeroena sè napa'a ka tapsioén; bit-abit napa' kèja. Sè kaempa paḍă maso' ka pèrron aḍǎntè' seppoér. Bilǎ sè ḍătengnga seppoérra, ma' tjè' abiddha," tja'na Saha. Mama'na njambhit: ,,Elloe' ra, bi' sabbhår."
Ta' antara abit seppoérra ḍăteng, orèng kaempa djarèja pas paḍă nompa'. Saha mèlè kennengngan semma' tjandéla, dhǎddhi ollè ngabăs è lowar, nèngghoe ngaremmetta orèng, ngèdingngăghi garioeggha sowara, sè tjè' rammèna.
,,Apa rèng-orèng djărèja nompa'a seppoér kakabbhi?" otja'na Saha è ḍălem atèna. È pèrron băḍă kar-djikaran ḍăteng mowa' kantong djă-radjă. Mama'na Saha ngotjă': ,,Kantong djărèja aèssè sorat, èghiba'a seppoér rèja ka laen naghǎră."
Natkala djarèja băḍă Bălăndhă adjhălan anjongnjongan èntar ḍă' lokètta sèttong kamar, sè è attassănna băḍă tolèsanna Telegraafkantoor". Bălăndhă djarèja nolès tello' empa' otja', ladjhoe èdjhoeloeaghi ḍă' orèng, sè adjagă è loket. Panapana téleggrăm rèja tanto adhalloin băn panapa sèngko'," otja'na Bălăndhăna sè nolès è ḍălem atèna.
..Ponapa saddjhăna Bălăndhă ènggharowa, ma'?" Dă'barija patanjana Saha.
,,Atéleggrăm otabă akèrèm sorat kaba'. Padjhălănna tjè' lekkassa; mon ka Sorabhădja, lèma mennèt ella napa"."
Pangghellar Bhoeddhi. II. Mad.
4
