djhangka ko'ija? E baba ghanèko keddha'; maḍdha todjoe è attas ma' ta' èlèngkaè orèng!" Orèng towa djărèja tjè hèranna ngabăs mama'na Saha sambi negghoe'i kartjissa tjè' sekkenna.
,,Napè ollè todjoe' è attas, nak ?" saotta.
,,Anapè ma' ta' ollèa, djhăngka' nèko lakar sadijă'ǎnna dhika." Sè ngotja ḍă' bărija sambi nolongè matodjoe'.
,,Kaso'on nak!" Sè ngotja' sambi ngetter.
Saha senneng atèna, amarghă mama'na enḍă' nolongè orèng towa bhoeroe, ladjhoe ngabăs ḍă' karandjhăng baḍḍhănna sangona. Emboe'na ngartè ka saddjhăna ana'na, pas aonggoe'. Saha ngala' djhădjhăn èbaghi ḍă' orèng towa djărèja pas èkakan; pangakanna tjè' nè'matta, sarta abherri' panarèma ḍă' Saha
Emboe'na Saha ngală' sangona, èkakan băn na'-ana'na. Bhăreng Saha ngompa'a lemper, pas takerdjhăt amarghă karoḍoe'na sowarana seppoér. Saha dhoeli ngabăs ka lowar; paanapan sè ghoes-bhăghoes sarta assrè ghellă' ella ta' ètangalè. Seppoérra lèbat è long-ellongan tjopè' è ghăk-logghăgghǎ ghoenong, sè dhoerdjhet, rassana masè sella'a; ta' abit polè pas lèbăt è ghălăḍhăk bessè. Bhăreng Saha ngabăs ḍă' băbă, nangalè songaj tjè' ḍălemma, ra-kèra băḍă 20 M.
,,Adoe, ma', tjè' ḍălemma!" otja'na ḍă' mama'na.
,,Ijă, tjong, bhidhă băn ghălădhăk perrèng sè ètèngghoe ghi' bila'anna arowa."
,,Kadhi ponapa sè abhăḍhi ghaladhak kadhi panèka, mè' onèng?"
,,Ijă, mon èpèkkèr orèng rèja padjhăt pènter. Aghabăj ghălăḍhăk seppoér tjara rèjă tanto malarat. Mon è tana sè lapang ijă ghămpang, tapè mon è tana paghoenongngan tjăra rèja băramma? Torkadhang mastè nebbă' ghoenong otabă mastè èpasang è songaj otabă è tjora sè ḍălem.
