14. Azor sḁɣi̊j Sādok; Sādok sḁɣi̊j Aχim; Aχim sḁɣi̊j Jeliud;
15. Jeliud sḁɣi̊j Jeleazar; Jeleazar sḁɣi̊j Matfan; Matfan sḁɣi̊j Jḁhko;
16. Jāk sḁɣi̊j Uɵᵢsk, Mārj kuj’, koᵢẟest šɵndij Isus, kohčmańč Xristossėn.
17. Nitt lejjėn pūkk pulvẟɵɣ Ābramest Dḁvi̊d rajja ńeljimploᵢkk pulvẟɵkkeẟ; i Dḁvi̊dest Vavilon’ vealhtɵtmuž rajja ńeljimploᵢkk pulvẟɵkkeẟ; i Vavilon’ vealhtɵtmužest Xristos’ rajja ńeljimploᵢkk pulvẟɵkkeẟ.
18. Isus Xristos šɵntmuš leaj nitt: kuɵᵢss sōn’ ienn Mārj leaj mīẟeχańč Oāska, ɵvtel veancjɵttem, šilki̊n son earas Paᵢss-vujñsest.
19. I Uɵᵢsk, sōn’ kujj, kū leaj vujkeẟ, i ij tāhtmańč sōn’ oknaᵢhted, tātaj sōn’ peajhtaᵢst luᵢšteẟ.
20. Nu kuɵᵢss son tānn juᵢrteᵢl, kīč, Jimmel ieñkal ėẟij soᵢnne nakrest, i cīlkij: Uɵᵢsk Dḁvi̊d aᵢlk! ieᵢl’ pɵl’ vāᵢltem Mārj, iǯant kḁppeɣ; tɵnn guɵjk što lī sōn’ sisn šɵntej Paᵢss-vujñsest.
21. Leańč son šɵntteẟ aᵢlɣ’, i ton lińčiχ soᵢnne sārneẟ nɵm’: Isus; tɵnn guɵjk što son leańč olmujẟis piesteẟ sien’ rīkijn.
22. A tātt pūkk šɵnẟij, što leańč Jimlijn sārnmańč pajjel’ prorok, kū cealhk:
23. Kīč, nījt leańč earas, i šant aᵢlk, i koᵢččešɣɵᵢtteβ soᵢnne nɵm’ Emmanuil’, kū leańč: mieni̊j guɵjm Jimmel.
24. Koccaj Uɵᵢsk uɵᵢtmen i tujšešɣūẟij mɵjt soᵢnne Jimmel ieñkal pākaj, i vḁᵢltij kḁpkes.
25. I son ij tiettańč sōn’ tɵnn rajja, što kuɵᵢss son puᵢtij ḁᵢlg’, vūsmus aᵢlgės; i son pėjij soᵢnne nɵm’: Isus.
Nuᵢmp ḁlkχɵš.
Kuɵᵢss Isus šɵndij Wifliemest, Iud’ējest cḁr’ Irod pāᵢle, pūitten noajt-olmo Ierusalimma nuᵢrtej goᵢrren, i sārneβ:
2. Koᵢst lī Iud’ēj cḁrr, kū lī šɵntmańč? tɵnn mīlt što mij ujnim sōn’ tāᵢst’ nuᵢrtej aᵢln; i pūẟim soᵢnne koᵢmmerdeẟ.
3. Kuɵᵢss cḁrr Irod tānn kuli̊j, son sūrken i pūkk Ierusalim sōni̊jn.
4. I son kōpčij pūki̊jt šuᵢremus pḁpi̊jt i kirj-kīẟijt mi̊rest, i kɵǯij sienest: kɵᵢst bi̊tt Xristoᵢsse šɵnteẟ?