5. I sij soᵢnne cīlhkin: Wifliemest, Iudējest; tɵnn mīlt što nitt leaj kirjχańč pajjel prōrok:
6. I ton, Wifliem, Iudēj iemne, i̊k lea ni-mɵjn Iud'ēj ūjvin uᵢcmus; tɵnn guɵjk što tonst poatt šuᵢremus, kū pińń mūn’ mɵr’ Izrail.
7. Tanna Irod peajhaᵢst kočej noajt-olmujt i sienest kɵǯij, što konn pāᵢl’ tāᵢst iẟij.
8. I vūlkeht sienijt Wifliemma i cīlkij: mɵnneẟ, kɵᵢččeẟ puᵢremuᵢhte pāᵢrn bajas; kuɵᵢss tij kḁvnbi̊tte, tanna muᵢnne sḁɣ’ tuj’šikkeẟ, što i mun mɵnam, suᵢnne koᵢmmerẟam.
9. Sij goᵢtt kuᵢllin cḁrest pūkk, dė vūᵢlkin; i tāᵢl tḁ̄ᵢst, konn sij ujnin nuᵢrtej aᵢln, mɵnij sieni̊j ɵvdest tɵnn rajja, kuɵᵢss pūẟij i jeskij tɵnn saj’ ɵl’, koᵢst leaj pāᵢrn.
10. Kuɵᵢss sij ujnin tāᵢst’, i sij rḁmguᵢtten čevta šūrr rāmaj guɵjm.
11. I sij sūññun pɵᵢrhte, ujnin pāᵢrn īnnijnis Mḁrjijn, i sij koᵢmmerẟin suᵢnne juɵlka; i ōccin ealajẟis i puᵢhtin suᵢnne lḁjχijt: koᵢll i lāẟan i smirna.
12. I kuɵᵢss sijje Jimmel pākaj nakrest, ij mɵnneẟ Irod gorra mḁst, sij vuᵢlkin ieres vāra īǯes korra.
13. Nu kuɵᵢss sij vuᵢlkin: tanna i Jimmeᵢl ieñkal i̊tt nakrest Oaska, i sārn: kocc’, vāᵢlt pāᵢrn i sōn’ iēnn, i poačk Jegīpet iemnja, i ieᵢl’ taᵢmpet (sa) tɵnn rajja, što kuɵᵢss mun toᵢnne i̊m cieᵢlk; tɵnn guɵjk što tāht Irod ōcceẟ pāᵢrn, majkem vāras.
14. Son koccaj, vḁᵢltij pāᵢrn i sōn’ ienn i̊kka, i vūlgij Jegīpet iemnja.
15. I son taᵢmpe leaj tɵnn rajja, kuɵᵢss Irod jḁmij; što sɵntahč sārnmańč Jimlijn pajjel prōrok, kū sārn: Jegīpet iemnest mun kohčum alkan.
16. Kuɵᵢss Irod tanna ujni īǯes luɵńmańč noajt-olmuj guɵjm, son čevta seanẟij i vūlkeht pūki̊jt pārnajt koᵢnteẟ Wifliemest i pūkk tɵnn iemnest kūχteẟ ėɣest i tɵᵢst nūrmijt, tɵnn pāᵢl’ mĭlt, konn son kuli̊j noajt-olmujn.
17. Tanna šɵndij sārnmańč pajjel prōrok Jeremej, kū sārn:
18. Jīnn kullaj Rāmest, lujhkem i reākmuš i čevta kukχɵllem; Rāχil luɵjhk īǯes pārnajt, ij tāt jɵskeẟ lujhkmen tɵnn guɵjk što sij ieβ’ leaχ.